உலகம் முழுவதும் கொரோனாவில் இருந்து 16.60 கோடி பேர் குணமடைந்தனர் - 39.32 பேர் மரணம்

உலகம் முழுவதும் கொரோனாவில் இருந்து ஒரே நாளில் 3,12,962 பேர் மீண்டனர். கொரோனாவில் இருந்து மொத்தம் 16,60,65,146பேர் குணமடைந்துள்ளனர்.

வாஷிங்டன்: உலக அளவில் கொரோனாவால் ஒரே நாளில் 3,63,837 பேர் பாதிக்கப்பட்டுள்ளனர். கொரோனாவால் பாதிக்கப்பட்டோர் எண்ணிக்கை 18,15,32,684 பேராக உயர்ந்துள்ளது. உலகம் முழுவதும் மரணமடைந்தவர்களின் மொத்த எண்ணிக்கை 39,32,442 பேராக உயர்ந்துள்ளது.

கடந்த 2 ஆண்டு காலமாக கொரோனா வைரஸ் உலகத்தை தனது கைப்பிடிக்குள் வைத்துள்ளது. தடுப்பூசி கண்டுபிடிக்கப்பட்டு பல கோடி பேருக்கு செலுத்தப்பட்டாலும் புதிது புதிதாக உருமாற்றம் அடைந்த கொரோனா உருவாகிக் கொண்டே இருக்கிறது.

டெல்டா வைரஸ் பரவி வந்த நிலையில் டெல்டா பிளஸ் தற்போது பரவி வருகிறது. இந்த கொரோனா தொற்று எப்போது முடிவுக்கு வரும் என்று யாராலும் சொல்ல முடியவில்லை. குணமடைந்தவர்களின் எண்ணிக்கை அதிகரித்து வருவதும் மக்களிடையே நம்பிக்கையை ஏற்படுத்தி உள்ளது.

உலகம் முழுவதும் கொரோனாவில் இருந்து ஒரே நாளில் 3,12,962 பேர் மீண்டனர். கொரோனாவில் இருந்து மொத்தம் 16,60,65,146பேர் குணமடைந்துள்ளனர்.

கொரோனாவால் ஒரே நாளில் 7,370 பேர் மரணமடைந்துள்ளனர். உலகம் முழுவதும் மரணமடைந்தவர்களின் மொத்த எண்ணிக்கை 39,32,442 பேராக உயர்ந்துள்ளது. உலகம் முழுவதும் மருத்துவமனைகளில் 1,15,35,096 பேர் சிகிச்சை பெற்று வருகின்றனர். கவலைக்கிடமான நிலையில் 80,740 பேர் சிகிச்சை பெற்று வருகின்றனர்.

உலக அளவில் கொரோனா வைரஸ் தொற்று பாதிப்பில் முதலிடத்தில் அமெரிக்கா உள்ளது. அங்கு பல கோடி பேருக்கு தடுப்பூசி போடப்பட்டுள்ளதால் கொரோனா தொற்று படிப்படியாக குறைந்து வருகிறது. அமெரிக்காவில் ஒரே நாளில் கொரோனாவால் பாதிக்கப்பட்டோர் எண்ணிக்கை 6,236 பேராக குறைந்துள்ளது. கொரோனாவால் பாதிக்கப்பட்டோர் மொத்த எண்ணிக்கை 3,44,89,475 பேராக உயர்ந்துள்ளது. கொரோனாவில் இருந்து நாடு முழுவதும் 2,89,12,854 பேர் குணமடைந்துள்ளனர். அமெரிக்கா முழுவதும் 6,19,335 பேர் கொரோனாவால் மரணமடைந்துள்ளனர் என்பது குறிப்பிடத்தக்கது.

English summary

Worldwide, 3,63,837 people were affected by corona in a single day. The number of corona victims has risen to 18,15,32,684. The total death toll worldwide has risen to 39,32,442.