ஒரு பைசா கூட கட்ட வேண்டாம்.. வருமான வரியே விதிக்காத நாடுகள்.. எதெல்லாம் தெரியுமா?

வாஷிங்டன்: வருமான வரி என்பது உலகின் பெரும்பாலான நாடுகளில் விதிக்கப்படுகிறது. அமெரிக்கா போன்ற வளர்ந்த நாடுகளில் கூட வருமான வரி உண்டு.. ஆனால் ஒரு சில நாடுகளில் வருமான வரியே கிடையாது என்பது தெரியுமா? உலகில் எந்தெந்த நாடுகளில் வருமான வரி விதிக்கப்படவில்லை என்பது குறித்து இங்கே பார்க்கலாம்.

இந்தியா போன்ற வளரும் நாடுகளில் மக்களுக்கு பெரிய சுமைகளில் ஒன்றாக வருமான வரி போன்ற வரிவிதிப்பு உள்ளது. வருடம் முழுக்க கஷ்டப்பட்டு பல மறைமுக வரிகளை கட்டிய பிறகும், வருமானத்திற்கு தனியாக ஒரு விதிக்கப்படுகிறதே என்ற ஆதங்கத்தை வரி கட்டுபவர்கள் வெளிப்படுத்துவதை பார்க்க முடியும்.

இந்தியா மட்டும் அல்ல.. உலகில் வல்லமை மிக்க நாடுகளாக அறியப்படும், அமெரிக்கா போன்ற நாடுகள் கூட குடிமக்களிடம் இருந்து வருமான வரியை வசூலிக்கத்தான் செய்கின்றன. சரி அதெல்லாம் இருக்கட்டும். வருமான வரியே விதிக்காத சில நாடுகளும் இருக்கத்தான் செய்கின்றன. அது எந்தெந்த நாடுகள் என்று பார்க்கலாம் வாருங்கள்...

ஐக்கிய அரபு அமீரகம்: எண்ணெய் வளம் மிகுந்த ஐக்கிய அரபு அமீரகம் தங்கள் நாட்டு மக்களிடம் இருந்து வருமான வரியாக ஒரு பைசா வசூலிப்பது இல்லை. வருமான வரிக்கு பதிலாக அங்கு சரக்கு மற்றும் சேவைகளுக்கு 5 சதவிகித வாட் வரி விதிக்கப்படுகிறது. ஐக்கிய அரபு அமீரகம் என்பது குவைத், மஸ்கட், அபுதாபி ஆகிய நாடுகளின் கூட்டமைப்பு ஆகும்.

பஹமாஸ்: கரீபியன் தீவு நாடுகளில் ஒன்று பஹமாஸ். பல தீவுக்கூட்டங்களை உள்ளடக்கிய இந்த நாட்டின் மொத்த மக்கள் தொகையே சுமார் 4 லட்சம் தான். தங்கள் நாட்டு மக்களிடம் இருந்து பஹமாஸ் வரி வசூலிப்பது இல்லை. மூலதன ஆதாய, பரம்பரை வரி, கிப்ட் டேக்ஸ் என எதுவுமே இங்கு கிடையாது. இதனால் வெளிநாட்டினர் கூட இங்கு வந்து முதலீடுகளை செய்கிறார்கள்.

பெர்முடா: வட அட்லாண்டிக் கடலில் உள்ள தீவு நாடான பெர்முடாவில் கூட வருமான வரி கிடையாது. அதற்கு பதிலாக அந்த நாட்டில் பேரோல் என்ற வரி விதிக்கப்படுகிறது. தொழிலாளர்களுக்கான நலத்திட்டங்களை இந்த பேரோல் வரியில் செலவிடுகிறது.

வானூட்டு:வானூட்டு நாட்டில் பெரும்பாலான வருமானங்களுக்கு வரி கிடையாது. சொத்து வாடகை வரியாக 12.5 சதவிகிதம் வரி வசூலிக்கப்படும். இங்குள்ள நிறுவனங்களுக்கும் 20 ஆண்டுகளுக்கு எந்த வரியும் கிடையாது. தெற்கு பசிபிக் பெருங்கடல் பகுதியில் அமைந்துள்ள தீவு நாடு இதுவாகும். இந்த நாட்டின் மக்கள் தொகை 3.27 லட்சம் மட்டும்தான்.

பஹ்ரைன்: பஹ்ரைன் நாட்டில் வருமான வரி கிடையாது. எண்ணெய் வளம் மிக்கதாக இந்த நாடு உள்ளது. வருமான வரி இல்லை என்றாலும் சமூக காப்பீடு மற்றும் வேலை இல்லாதவர்களுக்கான நிதி ஆகியவற்றிற்கு பங்களிக்க வேண்டியிருக்கும்.

English summary

Income tax is levied and collected from people not only in India but also in world powers. But do you know that some countries do not have income tax at all?.. Let's see here which countries in the world do not have income tax.