கமலா ஹாரிஸ் போட்டிருந்த கம்மலை நோட் பண்ணீங்களா! விவாதத்தில் நடந்ததே வேறயாம்! மிக பெரிய குற்றச்சாட்டு

வாஷிங்டன்: அமெரிக்காவில் இந்தாண்டு நடக்கும் அதிபர் தேர்தல் கலந்து கொள்ளும் டிரம்ப் மற்றும் கமலா ஹாரிஸ் இடையே நேற்றைய தினம் விவாதம் நடந்தது. இந்த விவாதம் முடிந்த உடனே இணையத்தில் பலவித தகவல்கள் பரவின. குறிப்பாக இதில் கமலா ஹாரிஸ் அணிந்திருந்த கம்மல் பெரும் விவாதத்தைக் கிளப்பியது. அவர் ஒயர்லெஸ் இயர்போன்களை பயன்படுத்தியதாக விமர்சனங்கள் எழுந்துள்ளன.

அமெரிக்காவில் நவ. மாதம் நடக்கும் விவாதத்தில் குடியரசு கட்சி சார்பில் டிரம்ப், ஜனநாயக கட்சி சார்பில் கமலா ஹாரிஸ் கலந்து கொள்கிறார்கள். இரு தலைவர்களுக்கும் இடையேயான முதல் விவாதம் அமெரிக்க நேரப்படி செவ்வாய்க்கிழமை மாலை நடைபெற்றது.

முதல் விவாதம் நடந்து முடிந்துள்ள நிலையில், இணையத்தில் இது தொடர்பாகப் பல வித தகவல்கள் பரவி வருகிறது. குறிப்பாகக் குடியரசு கட்சியினர் கமலா ஹாரிஸ் அணிந்திருந்த கம்மல் தொடர்பாகக் கேள்வி எழுப்பி வருகின்றனர்.

காதணிகள்: அது வெறும் காதணி மட்டுமில்லை அது இயர்போன்களாக இருக்கலாம் என்பதே அவர்கள் வாதமாகும். மேலும், அவரது காதணி பார்க்க அப்படியே நோவா எச்1 ஆடியோ காதணிகளைப் போல இருப்பதாகவும் நெட்டிசன்கள் பலரும் விமர்சித்து வருகிறார்கள். இந்த நோவா மாடல் பார்க்க ஸ்டைலான காதணி போலத் தெரிந்தாலும் அது உண்மையில் ஒரு வயர்லெஸ் இயர்போன் ஆகும்.

டிரம்ப் ஆதரவாளர்கள்: இது தொடர்பாக டிரம்ப் ஆதரவாளர்கள் ஒருவர், "டிரம்பிற்கு எதிரான ஏபிசி விவாதத்தின் போது கமலா ஹாரிஸ் காதணிகளில் இயர்போன்களை வைத்துப் பயன்படுத்தி இருக்கிறார்" என்றார்.

அதேபோல மற்றொரு நபர், "இந்த விவாதத்தில் டிரம்ப் மிகச் சிறப்பாகப் பேசினார். அதில் மாற்றுக் கருத்தே இல்லை. ஆனால், அவர் போட்டிருந்த கம்மல் கவனிக்க வைத்தது. அந்த காதணிகள் பார்க்க இப்படியே இயர்போன்கள் போல இருந்ததை மறுக்க முடியாது" என்று பதிவிட்டுள்ளார்.

கமலா ஹாரிஸ் தரப்பு: அதேநேரம் கமலா ஹாரிஸ் ஆதரவாளர்கள் இதை முற்றிலுமாக மறுக்கிறார்கள். கமலா ஹாரிஸ் அணிந்திருக்கும் காதணிகள் டிஃப்பனி ஹார்ட்வேர் முத்து கம்மல் என்றும் இதற்கும் நோவா எச்1 ஆடியோ இயர்போனுக்கும் வேறுபாடுகள் இருப்பதாகத் தெரிவித்துள்ளனர். மேலும், இரு படங்களையும் அவர்கள் பகிர்ந்துள்ளனர். இவர்கள் குறிப்பிடும் இந்த முத்து காதணி 3,300 அமெரிக்க டாலருக்கு விற்பனை செய்யப்படுவது குறிப்பிடத்தக்கது.

இன்னும் சிலர் கமலா ஹாரிஸ் எப்போதும் முத்து காதணிகளை அணிவதை வழக்கமாகக் கொண்டிருப்பதைச் சுட்டிக் காட்டுகின்றனர். இதற்கு முன்பு நடந்த பல விவாதங்களிலும் இதுபோன்ற காதணிகளை அவர் பயன்படுத்தியதில் போட்டோக்களை பகிர்ந்துள்ளனர். மேலும், இயர்போன்களுக்கும் அதற்கும் உள்ள வேறுபாட்டையும் காட்டுகிறார்கள்.

வாய்ப்பே இல்லை: இணையத்தில் இதுபோன்ற தகவல்கள் பரவினாலும் கூட கமலா ஹாரிஸ் இதுபோன்ற இயர்போன்களை பயன்படுத்த வாய்ப்பு குறைவு என்றே கூறப்படுகிறது. ஏனென்றால் ஏபிசி நடத்திய விவாதத்தின் விதிமுறைகளில் இதுபோன்ற எந்தவொரு கருவியையும் நிச்சயம் எடுத்து வரக்கூடாது என்று கூறப்பட்டுள்ளது. விவாதத்தில் பங்கேற்கும் தலைவர்களுக்கு பேப்பர் பேனா மட்டுமே தரப்படும் என கூறப்பட்டு இருந்தது. இதனால் அவர், இயர்போன்களை அணிந்திருக்க வாய்ப்பு இல்லை. அப்படி அணிந்திருந்தால் அவரை ஏபிசி செய்தி நிறுவனம் விவாதத்தில் அனுமதித்தே இருக்காது.

நெட்டிசன்கள் கூறும் நோவா ஹெச் 1 இயர்போன்கலை கிக்ஸ்டார்டர் என்றும் அழைக்கிறார்கள். அதிநவீன தொழில்நுட்பத்துடன் உருவாக்கப்பட்டுள்ள இந்த இயர்போன் கிளிப்-ஆன் புளூடூத் வகை இயர்போன் ஆகும். முத்துக்கள் உடன் வரும் ஒரே இயர்போன் இந்த நோவா எச்1 ஆகும்.

English summary

No Kamala Harris doesn't wear Audio Earrings on Donald Trump Debate: US Presidential Debate Kamala Harris vs Donald Trump.