கொரோனா வைரஸுக்கு பல பெயர்கள் உண்டு.. அதை குங் ஃப்ளூனு கூட சொல்லலாம்.. சீனாவை சீண்டும் அமெரிக்கா

வாஷிங்டன்: கொரோனா வைரஸ் ஒரு வகையான நோய் என்றும் வரலாற்றில் மற்ற நோய்களை காட்டிலும் இதற்கு நிறைய பெயர் உண்டு என்றும் இதை நாம் குங்ஃப்ளூ என அழைக்கலாம் என்றும் சீனாவை அமெரிக்க அதிபர் டொனால்ட் டிரம்ப் வம்புக்கிழுத்துள்ளார்.

சீனாவிலிருந்து பரவிய கொரோனா வைரஸ் தற்போது 200- நாடுகளில் பரவியுள்ளது. இதனால் 80 லட்சத்திற்கும் மேற்பட்டோர் கடுமையாக பாதிக்கப்பட்டுள்ளனர். இந்த நோய் பரவுவதல் ஏற்கெனவே சீனாவுக்கு தெரிந்திருந்தும் அதுகுறித்து சீனா முன்கூட்டியே தெரிவிக்கவில்லை என டிரம்பிற்கு கோபம் உள்ளது.

கொரோனா வைரஸை சீனா வேண்டுமென்றே பரப்பிவிட்டதாக டிரம்ப் குற்றம்சாட்டியிருந்தார். ஒரு வேளை இது மட்டும் நிஜமாக இருந்தால் சீனாவுக்கு உரிய பதிலடி கொடுக்கப்படும் என கடுமையாக எச்சரிக்கை விடுத்திருந்தார்.

அமெரிக்கா

இந்த வைரஸ் வுகானில் இருந்து பரவியதாக சொல்லப்படுவதால் இதை வுகான் வைரஸ் என்றும் டிரம்ப் அழைத்திருந்தார். இந்த நிலையில் இந்த வைரஸ் பரவியது குறித்து விசாரணைக்கு உத்தரவிட்டுள்ளார். வரும் நவம்பர் மாதம் அமெரிக்காவில் அதிபர் தேர்தல் நடைபெறுகிறது.

ஓக்லாஹோமா

இந்த தேர்தலில் குடியரசு கட்சி சார்பில் டிரம்ப் மீண்டும் போட்டியிடுகிறார். இவரை எதிர்த்து முன்னாள் துணை அதிபர் ஜோ பிடன் போட்டியிடுவார் என தெரிகிறது. இந்த நிலையில் இந்த தேர்தலுக்கான முதல் தேர்தல் பிரசாரத்தை சனிக்கிழமை துல்சா, ஓக்லாஹோமா ஆகிய இடங்களில் தொடங்கினார்.

19 வகை பெயர்கள்

உலக நாடுகளில் கொரோனா வைரஸால் அமெரிக்கா கடுமையாக பாதிக்கப்பட்டுள்ளது. அப்போது டிரம்ப் கூறுகையில் கொரோனா ஒரு நோய். வரலாற்றில் மற்ற நோய்களை காட்டிலும் கொரோனாவுக்கு நிறைய பெயர்கள் உள்ளன. இதை குங்ஃப்ளூ என நான் அழைக்கிறேன். 19 வகையான பெயர்கள் மூலம் என்னால் அழைக்க முடியும்.

குங்ஃப்ளூ

பலர் கொரோனாவை வைரஸ் என்கிறார்கள். இன்னும் பலர் இதை ஃப்ளூ என்கிறார்கள். என்ன வித்தியாசம்? 19 அல்லது 20 பெயர்களை நாம் இதற்கு வைக்கலாம் என நினைக்கிறேன் என்றார். குங்ஃபூ என்பது சீன மக்களின் தற்காப்பு கலையாகும். சண்டையிட கைகளையும் கால்களையும் மட்டுமே பயன்படுத்துவர். அதனால் டிரம்ப் கொரோனா வைரஸை குங்ஃப்ளூ என்றழைத்தார்.

English summary

American President Donald Trump blames China and terms as Kung Flu.