கல்லூரி காலத்தில் லவ்வோ லவ்.. எலான் மஸ்க்கின் காதல் கடிதம், புகைப்படங்களை ஏலம் விட்ட முன்னாள் காதலி
வாஷிங்டன்: உலகின் நம்பர் ஒன் பணக்காரரான எலான் மஸ்க்கின் கல்லூரி கால காதல் கடிதங்கள் மற்றும் தனிப்பட்ட புகைப்படங்களை எலான் மஸ்கின் முன்னாள் காதலி ஏலம் விட்டுள்ளார்.
டெஸ்லா, ஸ்பேஸ் எக்ஸ் ஆகிய நிறுவனங்களின் தலைவரும் உலகின் நம்பர் 1 பணக்காரருமான எலான் மஸ்க் குறித்த செய்திகள் இல்லாத நாளே இல்லை என்று சொல்லிவிடலாம்.
அந்த அளவுக்கு தற்போது உலக அளவில் அதிகம் பேசப்படும் நபர்களில் ஒருவராக எலான் மஸ்க் உள்ளார்.
எலான் மஸ்க்
எலான் மஸ்க்கின் தொழில் சாம்ராஜ்ஜியம் பற்றிய செய்திகள் ஒருபக்கம் என்றால் அவரது தனிப்பட்ட வாழ்க்கை குறித்த செய்திகளும் பரவி இணைய உலகில் பரபரப்பை கிளப்பி வருகின்றன. ஸ்பேஸ்எக்ஸில் விமானப் பணிப்பெண்ணிடம் மஸ்க் தவறாக நடந்து கொண்டதாக எழுந்த குற்றச்சாட்டு முதல், கூகுள் இணை நிறுவனர் செர்ஜி பிரின் மனைவி நிக்கோல் ஷனஹானுடன் எலான் மஸ்க் சிறிது காலம் உறவில் இருந்ததாக வெளியான செய்திகள் வரை அனைத்தும் பரபரப்பை கிளப்பி வருகின்றன.
கல்லூரி காதல்
இந்த இரண்டு விவகாரங்களையும் எலான் மஸ்க் மறுத்துவிட்டாலும் அவரை பற்றி மேலும் பல செய்திகள் அடிக்கடி வெளியாகி இணையத்தில் பேசுபொருளாகி வருகிறது. இந்த நிலையில், எலான் மஸ்க்கின் கல்லூரி கால காதல் கடிதங்கள் மற்றும் தனிப்பட்ட புகைப்படங்களை எலான் மஸ்கின் முன்னாள் காதலி ஏலம் விட்டுள்ள சம்பவம் மீண்டும் விவாதப்பொருளாகியுள்ளது. எலான் மஸ்க் தனது கல்லூரி காலத்தில் ஜெனிபர் க்வின் என்பவரை காதலித்து இருந்திருக்கிறார். பென்சில்வேனியா பல்கலைக்கழகத்தில் படிக்கும் போது இவருடன் எலான்மஸ்க் டேட்டிங்கில் இருந்து வந்ததாகவும் கூறப்படுகிறது.
ஒரு வருடம் நீடித்தது
தங்கள் கல்லூரி காலத்தில் இருவரும் பல இடங்களுக்கு ஒன்றாக சுற்றி திரிந்ததோடு புகைப்படங்களையும் எடுத்து மகிழ்ந்துள்ளனர். ஒருவருடம் காதலில் இருந்த இந்த ஜோடி பின்னர் ஏதோ காரணங்களால் பிரிந்துள்ளது. அதன்பிறகு இத்தனை ஆண்டுகளில் எலான் மஸ்க்கின் வாழ்க்கை எப்படியோ மாறிவிட்டது. உலகின் நம்பர் 1 பணக்காரராகவும் எலான் மஸ்க் மாறிவிட்டார்.
பழைய புகைப்படங்களை ஏலம்
புகழ், பணம் என அனைத்திலும் உச்சத்த்துக்கு எலான் மஸ்க் சென்றுவிட்ட நிலையில், எலான் மஸ்க்கின் முன்னாள் காதலி பழைய புகைப்படங்களை ஏலத்திற்கு விட்டுள்ளது பரபரப்பை ஏற்படுத்தியுள்ளது. எலான் மஸ்கின் இளைமைக்கால படங்கள் பலவும் ஏலத்திற்கு வந்துள்ளன. எலான் மஸ்க் உருகி உருகி எழுதிய பர்த்டே கார்டுகள் மற்றும் பரிசாக அளித்த தங்க நெக்லஸ் உள்ளிட்டவற்றையும் ஏலத்திற்கு விட்டுள்ளார் ஜெனிபர் க்வின்.
டியூஷன் செலவை ஈடுகட்ட
தனது வளர்ப்பு மகனின் கல்லூரி டியூஷன் செலவை ஈடுகட்ட இந்த புகைப்படங்களை ஏலத்திற்கு விடும் முடிவுக்கு ஜெனிபர் க்வின் வந்ததாக கூறப்படுகிறது. இணையதள நிறுவனம் மூலமாக இந்த புகைப்படங்களை ஏலத்திற்கு விட்டுள்ளார். தற்போது நம்பர் ஒன் பணக்காரராக இருக்கும் எலான் மஸ்கின் கல்லூரிக்கால காதல் கடிதங்கள், தனிப்பட்ட புகைப்படங்கள் ஏலத்திற்கு விடப்பட்டுள்ளது பரபரப்பை ஏற்படுத்தி உள்ளது.
Click it and Unblock the Notifications
Sign in with Google