கோட் சூட்டை கழட்டி வைத்துவிட்டு.. அடிதடியில் இறங்கிய பேஸ்புக் நிறுவனர் மார்க் ஜூக்கர்பெர்க்! பரபர

வாஷிங்டன்: உலகின் டாப் பணக்காரர்களில் ஒருவரான மார்க் ஜுக்கர்பெர்க் சண்டையிடுவது போன்ற வீடியோ ஒன்று இணையத்தில் பெரும் புயலை கிளப்பியுள்ளது.

பேஸ்புக் நிறுவனத்தைத் தொடங்கியது மார்க் ஜூக்கர்பெர்க் என்பது அனைவருக்கும் தெரியும். அவர் கல்லூரியில் படித்த போது கடந்த 2004ஆம் ஆண்டு பேஸ்புக்கை தொடங்கினார்.

ஆரம்பித்த உடனேயே அது மெகா ஹிட் அடித்தது. முதலில் அமெரிக்காவில் இருந்த பேஸ்புக், வெகு விரைவிலேயே உலகம் முழுக்க பரவியது. இப்போது பேஸ்புக், இன்ஸ்டாகிராம், வாட்ஸ்அப் எனப் பல நிறுவனங்களை உள்ளடக்கிய ஒன்றாக இருக்கிறது.

மார்க் ஜூக்கர்பெர்க்: இப்படிப் பல வெற்றிகரமான நிறுவனங்களை மார்க் ஜூக்கர்பெர்க் நடத்தி வருகிறார். இதன் மூலம் சர்வதேச அளவில் பெரும் பணக்காரர்களில் ஒருவராக மார்க் ஜூக்கர்பெர்க் இருக்கிறார். இதற்கிடையே அவரது வீடியோ ஒன்று இணையத்தில் டிரெண்டாகி வருகிறது. அவர் கோட் சூட்டை கழட்டி வைத்து அதிரடியாகச் சண்டையிடும் வீடியோவை பார்த்து நெட்டிசன்கள் பலரும் பல வித கருத்துகளைப் பதிவிட்டு வருகின்றனர்.

Mark Zuckerberg jiujitsu match last Saturday. He showed great heart 👏 pic.twitter.com/w9smXRVhTG

— Luca Atalla (@lucaatalla) May 8, 2023

ஏற்கனவே கடந்த ஆண்டு, மார்க் ஜூக்கர்பெர்க், தனது மார்ஷல் ஆர்ட்ஸ் திறன்களைக் காட்டியிருந்தார். அவர் எம்எம்ஏ ஃபைட்டர் கை ஹூவுடன் தீவிர பயிற்சியில் ஈடுபடுவது அந்த வீடியோவில் பதிவாகி இருந்தது. அதில் தற்காப்பு மற்றும் பதில் தாக்குதல் அளிக்கும் முறைகளை அவர் பயிற்சி எடுத்து வருவது தெளிவாக தெரிந்தது. அந்த வீடியோ இணையத்தில் உடனடியாக டிரெண்டானது.

வெற்றி: பல புகழ்பெற்ற எம்எம்ஏ போட்டியாளர்கள் மார்கை இதற்காகப் பாராட்டி இருந்தனர். இதனிடையே இப்போது மீண்டும் மற்றொரு வீடியோ இணையத்தில் டிரெண்டாகி வருகிறது. இது ​​பேஸ்புக் நிறுவனரின் முதல் புரோபஷனல் போட்டி ஆகும்.

Mark Zuckerberg complains to referee after losing jiu-jitsu contest pic.twitter.com/1CvvmdQw8J

— The Independent (@Independent) May 8, 2023

38 வயதான மார்க், கடந்த வாரம் கலிபோர்னியாவில் தனது முதல் எம்எம்ஏ தொடரில் கலந்து கொண்டார். தனது ஜியு-ஜிட்சு அணியான கொரில்லா சார்பில் களமிறங்கிய அவர், பதக்கங்களையும் வென்றார்.

இது குறித்த படங்களைத் தனது இன்ஸ்டாகிராமில் பகிர்ந்த அவர், "எனது முதல் ஜியு ஜிட்சு போட்டியில் பங்கேற்று கொரில்லா ஜியு ஜிட்சு அணிக்காக சில பதக்கங்களை வென்றேன். எனக்குப் பயிற்சி அளித்த டேவ் கேமரில்லோ, கை வூ மற்றும் ஜேம்ஸ் டெர்ரிக்கு நன்றி! " என்று பதிவிட்டுள்ளார். அவரது இந்த போட்டோவும் சண்டை போடும் வீடியோவும் இணையத்தில் டிரெண்டாகி வருகிறது.

அதீத ஆர்வம்: 2022ஆம் ஆண்டு அவரது முதல் எம்எம்ஏ பயிற்சி வீடியோ இணையத்தில் டிரெண்டானது. இருப்பினும், அதற்கு முன்னரும் கூட அவர் எம்எம்ஏ விளையாட்டின் மீது எந்தளவுக்கு மரியாதை வைத்துள்ளார் என்பதைப் பல முறை அவர் காட்டியுள்ளார்.

கொரோனா காலத்தில் ஊடரங்கு காலத்தைப் பயன்படுத்தி புதிய விளையாட்டை கற்றுக் கொண்டதாக மார்க் ஜூக்கர்பெர்க் தெரிவித்துள்ளார். அந்த காலகட்டத்தில் தான் அவர் தான் UFC பயிற்சியை ஆரம்பித்திருந்தார்.

கடந்த செப்டம்பரில் மில்டன் கெய்ன்ஸில் நடந்த தனி போட்டிகள் அனைத்திலும் மார்கெ ஜூக்கர்பெர்க் வெற்றி பெற்றிருந்தார். இது அவர் இந்த UFC போட்டிகளை எந்தளவுக்கு சீரியஸாக எடுத்துக் கொள்கிறார் என்பதைக் காட்டுவதாக இருக்கிறது.

English summary

Mark Zuckerberg Wins Medals In Jiu-Jitsu Tournament: Facebook owner Mark Zuckerberg latest video in tamil.