"ஜெய் ஸ்ரீ கிருஷ்ணா.." FBI தலைவரானாலும் பூர்வீகத்தை மறக்காத காஷ் படேல்.. பெற்றோருக்கு மரியாதை

வாஷிங்டன்: அமெரிக்க உளவு அமைப்பான எஃப்.பி.ஐ அமைப்பின் இயக்குநராக காஷ் படேல் நியமிக்கப்பட்டுள்ள சூழலில், இது தொடர்பான கான்பர்மேஷன் ஹியரிங் நடைபெற்றது. அதில் காஷ் படேல் செய்த செயலும் அவரது பேச்சும் இணையத்தில் டிரெண்டாகி வருகிறது. ஒருவர் எவ்வளவு உயரத்திற்குப் போனாலும் பூர்வீகத்தை மறக்கக்கூடாது என்பதையே காட்டுவதாக அவரது செயல் உள்ளதாகப் பலரும் பாராட்டி வருகிறார்கள்.

அமெரிக்க அதிபராகப் பொறுப்பேற்ற டிரம்ப் வரிசையாகப் பல அதிரடி உத்தரவுகளைப் பிறப்பித்து வருகிறார். பல அரசு அமைப்புகள், நிர்வாகங்களை அவர் மொத்தமாக மாற்றி அமைத்து வருகிறார்.

எஃப்பிஐ அமைப்பு:

அதன்படி அமெரிக்காவின் மிக முக்கிய உளவு அமைப்பான எஃப்பிஐ அமைப்பையும் மாற்றி அமைக்க விரும்பினார். இதற்காக அதன் தலைவராக காஷ் படேலை டிரம்ப் நியமித்தார். அந்நாட்டு சட்டப்படி காஷ் படேல் நியமனத்தை உறுதிப்படுத்துவதற்கு முன்னதாக ஒரு சிறு கன்பர்மேஷன் ஹியரிங் நடைபெறும். அதன்படி காஷ் படேலுக்கும் கன்பர்மேஷன் ஹியரிங் நடந்த நிலையில், அதில் அவரது செயல்கள் இணையத்தில் பலரது பாராட்டுகளையும் பெற்று வருகிறது.

பாதங்களைத் தொட்டு வணங்கிய காஷ் படேல்:

இந்திய வம்சாவளியைச் சேர்ந்த காஷ் படேல் சமீபத்தில்தான் அங்குள்ள செனட் நீதித்துறைக் குழுவின் முன் ஆஜராகி, எஃப்.பி.ஐ அமைப்பில் செய்யத் திட்டமிட்டுள்ள மாற்றங்கள் குறித்த கேள்விகளுக்குப் பதிலளித்தார். காஷ் படேல் என்னதான் அமெரிக்காவிலேயே பிறந்து வளர்ந்திருந்தாலும் அவரது பெற்றோர் குஜராத்தைச் சேர்ந்தவர்கள் ஆவர். இந்த ஹியரிங்கிற்கு முன்பு காஷ் படேல் தனது பெற்றோரின் பாதங்களைத் தொட்டு வணங்கினார்.

This is ❤️ - surely this is for the first time that anyone inside that Congressional hearing chamber touched anyone’s feet to pay his/her respects… notice how @Kash_Patel touched feet of his parents as soon as he entered for his confirmation hearing!

Sanskaar! pic.twitter.com/tIDqS3WVB0

— Alok Bhatt (@alok_bhatt) January 30, 2025

இது தொடர்பான வீடியோ தான் இணையத்தில் டிரெண்டாகி வருகிறது. காஷ் படேல் எவ்வளவு உயரம் சென்றாலும் தனது பூர்வீகத்தை மறக்கவில்லை என்பதையே இது காட்டுவதாகப் பலரும் பாராட்டி வருகிறார்கள். அதேபோல காஷ் படேலின் மற்றொரு வீடியோவும் இணையத்தில் பலரது பாராட்டையும் பெற்று வருகிறது. அதாவது தனது உரையைத் தொடங்கும் போது குடும்பத்தினர்க்கு நன்றி சொல்லிவிட்டுப் பேசத் தொடங்கிய காஷ் படேல், "ஜெய் ஸ்ரீ கிருஷ்ணா" என்றும் குறிப்பிட்டார். இதையும் நெட்டிசன்கள் டிரெண்ட் செய்து வருகிறார்கள்.

ஜெய் ஸ்ரீ கிருஷ்ணா:

தனது பேச்சியைத் தொடங்கிய படேல், "இன்று இங்கு அமர்ந்திருக்கும் என் அப்பா பிரமோத் மற்றும் அம்மா அஞ்சனாவை வரவேற்க விரும்புகிறேன். அவர்கள் இதற்காக மட்டும் இந்தியாவில் இருந்து இங்கு வந்தவர்கள். என் சகோதரி நிஷாவும் இங்கே இருக்கிறார். அவளும் என்னுடன் இருக்க இங்கு வந்துள்ளார். நீங்கள் இங்கே வந்துள்ளது மகிழ்ச்சியைத் தருகிறது. ஜெய் ஸ்ரீ கிருஷ்ணா.!

அவர்களின் வழிகாட்டுதல், ஆதரவு மற்றும் இடைவிடாத அன்பு இல்லாமல் என்னால் இந்த இடத்திற்கு வந்திருக்க முடியாது. எஃப்.பி.ஐ அமைப்பின் இயக்குநராக என்னை நியமிக்க விரும்புவதாக அதிபர் டிரம்ப் என்னிடம் தெரிவித்தபோது, அது மிகப் பெரிய கவுரவமாகவே கருதினேன்.

டிரெண்டிங்:

என் அம்மா முதலில் தான்சானியாவைச் சேர்ந்தவர். அவர் இந்தியாவில் படித்தார். அப்போது தான் எனது தந்தையைச் சந்தித்து, இருவரும் திருமணம் செய்து கொண்டார்கள். பின்னர் அவர்கள் நியூயார்க்கிற்கு குடிபெயர்ந்தனர். அங்குதான் நான் பிறந்தேன்.. எனது தந்தையின் ஏழு சகோதரர்கள், அவர்களது குடும்பத்தினர் என அனைவரும் ஒன்றாகவே இருந்தோம்" என்று அவர் தனது குடும்பத்தினர் குறித்து நெகிழ்ச்சியான கருத்துகளைக் கூறினார். இந்த வீடியோ தான் இணையத்தில் இப்போது டிரெண்டாகி வருகிறது.

Jai Shri Krishna…….

How @Kash_Patel began his speech at his congressional hearing after first introducing his parents and sister from India….. pic.twitter.com/U9ateObPvS

— Alok Bhatt (@alok_bhatt) January 30, 2025

English summary

Heartwarming video of FBI head Kash Patel greeting his parents with Jai Shri Krishna is trending (எஃப்பிஐ தலைவர் காஷ் படேல் பாராட்டு): FBI to saw major changes under Kash Patel leadership.