Good Bye USA.. அமெரிக்காவில் இருந்து சென்னை கிளம்பிய ஸ்டாலின்.. நெகிழ்ச்சி பதிவு
வாஷிங்டன்: தொழில் முதலீடுகளை ஈர்ப்பதற்காக அமெரிக்கா சென்ற முதல்வர் ஸ்டாலின் அந்த சுற்றுப்பயணத்தை முடித்து விமானத்தில் சென்னை புறப்பட்டுள்ளார். இதுதொடர்பாக அவர் ‛Goodbye, USA' என பதிவிட்டு மகிழ்ச்சியை வெளிப்படுத்தி உள்ளார்.
முதல்வர் ஸ்டாலின் தொழில் முதலீடுகளை ஈர்க்க கடந்த மாதம் 27 ம் தேதி சென்னையில் இருந்து துபாய் வழியாக அமெரிக்கா புறப்பட்டு சென்றார். அங்கு அவர் பல்வேறு முன்னணி நிறுவனங்களின் தலைமை செயல் அதிகாரிகளை சந்தித்து பேச்சுவார்த்தை நடத்தினார்.
மேலும் தமிழகத்தில் தொழில் தொடங்க பெரிய பெரிய நிறுவனங்களுக்கு அழைப்பு விடுத்தார். இதுதவிர பல நிறுவனங்கள் தமிழகத்தில் தொழில் தொடங்க விருப்பம் தெரிவித்து புரிந்துணர்வு ஒப்பந்தங்களில் கையெழுத்திட்டன.
முதல்வர் ஸ்டாலினின் இந்த அமெரிக்க பயணத்தில் மொத்தமாக தமிழகத்திற்கு 7,616 கோடி ரூபாய் தொழில் முதலீடுகள் ஈர்க்கப்பட்டுள்ளதாக தகவல்கள் வெளியாகியுள்ளது. அதற்கான ஒப்பந்தங்களும் கையெழுத்தாகியுள்ளதாக கூறப்படுகிறது. இந்நிலையில் தான் முதல்வர் ஸ்டாலினின் 17 நாள் அமெரிக்கா சுற்றுப்பயணம் என்பது இன்றுடன் முடிவுக்கு வந்தது.
இதையடுத்து அவர் சிகாகோ விமான நிலையத்தில் இருந்து இன்று துபாய் வழியாக சென்னைக்கு விமானத்தில் புறப்பட்டார். சிகோகோ விமான நிலையத்தில் புலம்பெயர் தமிழர்கள் திரண்டு முதல்வர் ஸ்டாலினுக்கு வாழ்த்து தெரிவித்து வழியனுப்பி வைத்தனர். இதுகுறித்து முதல்வர் ஸ்டாலின் தனது எக்ஸ் பக்கத்தில், ‛‛ 'Goodbye, USA!' என பதிவிட்டுள்ளார்.
Click it and Unblock the Notifications
Sign in with Google