உலகம் முழுக்க முடங்கி மீண்ட கூகுள் நியூஸ்.. மொபைலில் செய்தி படிக்க முடியாமல் திணறிய மக்கள்
வாஷிங்டன்: கூகுள் நியூஸ் சேவை இன்று மாலை திடீரென முடங்கியது. மீண்டும் முயற்சிக்கவும்.. எதோ தவறாக சென்று விட்டது... என வந்ததால் பயனர்கள் பலரும் தங்களால் செய்திகளை படிக்க முடியவில்லை என்றும் சர்வர் டவுன் ஆகியிருக்கலாம் எனவும் பதிவிட்டு வருகிறார்கள்
டெக் உலகின் மிகப்பெரும் ஜாம்பவான் நிறுவனமாக விளங்குகிறது கூகுள். அமெரிக்காவை தலைமையிடமாக கொண்டு செயல்படும் கூகுள் நிறுவனம் இணைய தேடு பொறியியலில் தனி சாம்ராஜ்யம் நடத்தி வருகிறது.
பயனர்களை தக்க வைக்கும் விதமாக பல்வேறு சேவைகளையும் கூகுள் வழங்கி வருகிறது. அந்த வகையில், கூகுள் நியூஸ் என்ற சேவையும் கூகுள் வைத்துள்ளது. பயனர்கள் பலரும் சர்வதேசம் முதல் உள்ளூர் வரையிலான செய்திகளை எளிதாக படித்து அறிந்து கொள்ளும் வகையில், இந்த கூகுள் நியூஸ் சேவை உள்ளது.
இந்த நிலையில், இன்று மாலை திடீரென நியூஸ் திடீரென முடங்கியது. வழக்கம் போல கூகுள் நியூஸ் பக்கம் சென்ற பயனர்களுக்கு செய்திகளை அணுகுவதில் சிரமம் ஏற்பட்டது. மீண்டும் முயற்சிக்கவும்.. எதோ தவறாக சென்று விட்டது... Uh-oh! போன்றவைகளையே வந்ததால் பயனர்கள் அவதிக்குள்ளாகினர்.
கூகுள் டிஸ்கவர் செயலியும் சிறிது நேரம் பாதிக்கப்படது. எக்ஸ் தளத்தில் நெட்டிசன்கள் இது தொடர்பாக பதிவிட்டு வருகிறார்கள். இதற்கிடையே, தற்போது கூகுள் நியூஸ் சேவை வழக்கம் போல செயல் பட தொடங்கிவிட்டதாகவும் நெட்டிசன்கள் பதிவிட்டு வருகிறார்கள்.
கூகுள் நியூஸ் பக்கம் திடீரன முடங்கியதற்கான காரணம் குறித்து கூகுள் நிறுவனம் இதுவரை எந்த தகவலையும் அதிகாரப்பூர்வமாக தெரிவிக்கவில்லை. இந்தியா மட்டும் இன்றி சர்வதேச அளவில் பல்வேறு நாடுகளிலும் சிறிது நேரம் செயல்படாமல் முடங்கியதாக downdetector.com இணையதரவுகள் காட்டுகின்றன. சமூக வலைத்தளங்களில் கூகுள் நியூஸ் செயல்படவில்லை என்றும் சர்வர் முடங்கியிருக்கலாம் என்றும் நெட்டிசன்கள் பதிவிட்டு வருகிறார்கள்.
Click it and Unblock the Notifications
Sign in with Google