அதானி ரிப்போர்ட்டை வெளியிட்டு.. பரபரப்பை கிளப்பிய ஹிண்டன்பர்க் நிறுவனம் திடீரென மூடல்! என்ன காரணம்
வாஷிங்டன்: கடந்த சில மாதங்களுக்கு முன்பு அதானி குறித்த ரிப்போர்ட்டை வெளியிட்டு உலகெங்கும் பரபரப்பைக் கிளப்பிய ஷார்ட் செல்லிங் நிறுவனம் ஹிண்டன்பர்க். உலகெங்கும் பல நிறுவனங்கள் குறித்த ரிப்போர்ட்டை வெளியிட்டு வந்த இந்த நிறுவனம், திடீரென மூடப்படுவதாக அறிவிக்கப்பட்டுள்ளது. இது தொடர்பான அறிவிப்பை அந்த நிறுவனத்தின் தலைவர் நேட் ஆண்டர்சன் வெளியிட்டுள்ளார்.
அமெரிக்காவைச் சேர்ந்த நிறுவனம் ஹிண்டன்பர்க்.. ஷார்ட் செல்லிங் நிறுவனமான இது, உலகெங்கும் உள்ள பிரபல நிறுவனங்கள் குறித்த ரிப்போர்ட்டை வெளியிட்டுப் பரபரப்பைக் கிளப்பும்.
அதானி குழுமம் ஹிண்டன்பர்க் ரிப்போர்ட்
கடந்தாண்டு கூட அதானி குழுமம் குறித்து இந்த அமைப்பு வெளியிட்ட ரிப்போர்ட் பெரும் புயலைக் கிளப்பியது. இந்த ரிப்போர்ட்டிற்கு பிறகு அதானி குழுமத்தின் பங்குகளும் கூட மிகப் பெரியளவில் சரிந்தன. அதானி குழுமம் மட்டுமின்றி அமெரிக்காவின் நிகோலா உள்ளிட்ட பல நிறுவனங்கள் குறித்தும் இந்த அமைப்பு ரிப்போர்ட்டை வெளியிட்டுள்ளன. இதனால் அந்த நிறுவனங்கள் பங்குகள் மிகக் கடுமையாகச் சரிந்தது.
இதுபோல சர்வதேச அளவில் பரபரப்பைக் கிளப்பிய பல ரிப்போர்ட்களை வெளியிட்ட ஹிண்டன்பர்க் நிறுவனத்தை மூடப்போவதாக அதன் நிறுவனர் நேட் ஆண்டர்சன் அறிவித்துள்ளார். 2017ஆம் ஆண்டில் ஹிண்டன்பர்க் நிறுவனத்தைத் தொடங்கிய நாதன் ஆண்டர்சன், தனது நிறுவனத்தை மூடவுள்ளதாக நேற்று புதன்கிழமை அறிவித்தார்.
மூடப்படும் ஹிண்டன்பர்க் நிறுவனம்:
இது தொடர்பாக அவர் ட்விட்டரில் அதிகாரப்பூர்வ அறிவிப்பை வெளியிட்டுள்ளார். நிறுவனத்தை திடீரென மூட ஒரு குறிப்பிட்ட விஷயம் எதுவும் காரணமில்லை என்று குறிப்பிட்ட அவர், "அச்சுறுத்தல் இல்லை, உடல்நலப் பிரச்சினை இல்லை மற்றும் பெரிய தனிப்பட்ட பிரச்சினை இல்லை. இதற்காக நான் செய்யும் வேலை மிகக் கடினமாகவும் தீவிரமாகவும் இருக்கிறது. இதனால் உலகின் மற்ற பகுதிகள் மற்றும் நான் விரும்பும் நபர்களைச் சந்திக்க நேரமில்லாமல் போகிறது. ஹிண்டன்பர்க் என்பது என் வாழ்வின் ஒரு அத்தியாயம் தானே தவிர. அதுவே எனது வாழ்க்கை வரையறுக்கும் விஷயம் இல்லை" என்று குறிப்பிட்டுள்ளார்.
அடுத்து என்ன:
நேற்று புதன்கிழமையுடன் தனது நிறுவனம் செயல்பாட்டை நிறுத்தவுள்ளதாக அவர் அறிவித்துள்ளார். கடைசிக் கட்டத்தில் மோசடி திட்டங்கள் குறித்து ரெகுலேட்டர்களிடம் புகார் அளித்துள்ளதாகவும் அவர் குறிப்பிட்டுள்ளார். அடுத்த ஆறு மாதங்களில், ஹிண்டன்பர்க்கின் மாடல் எப்படிச் செயல்பட்டது என்பது குறித்த வீடியோக்களை உருவாக்க அவர் திட்டமிட்டுள்ளார்
இதில் ஹிண்பெர்ட் ஹிண்டன்பர்க் நிறுவனம் எப்படி விசாரணைகளை மேற்கொள்ளும் எப்படி ரிப்போர்ட்டை தயாரிக்கும் என்பது குறித்தெல்லாம் விளக்கவுள்ளனர். அவர் மட்டுமின்றி, அவரது டீமில் உள்ள அனைவரும் வாழ்க்கையின் அடுத்த கட்டத்தை நோக்கிச் செல்லவுள்ளதாகவும் அவர் அறிவித்துள்ளார்.
Click it and Unblock the Notifications
Sign in with Google