வானில் பேரதிசயம்.. வாழ்நாளில் ஒருமுறைதான் இது நடக்குமாம்! திடீரென மறைந்த நட்சத்திரம்.. என்ன மேட்டர்

வாஷிங்டன்: திருவாதிரை நட்சத்திரம் நள்ளிரவு திடீரென மறைந்து போனதாக வானியல் ஆர்வலர்கள் தெரிவித்துள்ளனர். வாழ்நாளில் ஒருமுறை மட்டுமே நிகழக்கூடிய அரிய நிகழ்வாக இந்த நிகழ்வு வானில் நடைபெற்று இருப்பதாக அவர்கள் கணித்துள்ளனர்.

கற்பனைக்கும் எட்டாத பேரதிசயங்கள் வானில் நடைபெற்று வருகின்றன. பிரபஞ்சத்தில் மனிதனால் நினைத்து கூட பார்க்க முடியாத அளவுக்கு பல்வேறு வானியல் மாற்றங்கள் தினம்தோறும் நடந்து கொண்டிருந்தன. சூரிய கிரகணம், சந்திர கிரகணம் ஆகியவையும் இந்த பட்டியலில் தான் அடங்குகிறது. இந்த நிலையில்தான், வாழ்நாளில் ஒருமுறை மட்டுமே நிகழக்கூடிய அரிய நிகழ்வு ஒன்று வானில் நடைபெற்று இருப்பதாக வானியல் ஆர்வலர்கள் கணித்துள்ளனர்.

பூமியில் இருந்து பார்க்கக்கூடிய நட்சத்திரங்களில் மிகவும் பிராகசமான நட்சத்திரமாக திருவாதிரை ( Betelgeuse) உள்ளது. இந்த நட்சத்திரம் சிறிது நேரம் திடீரென நள்ளிரவு மறைந்து போயிருக்கிறது. இதற்கு காரணம் லியோனா என்ற விண்கல் நட்சத்திரத்தை கடந்து சென்றதுதான். மத்திய ஆசியாவில் உள்ள தஜிகிஸ்தான், தெற்கு ஐரோப்பில் உள்ள அர்மேனியா உள்பட துருக்கி, கிரீஸ், இத்தாலி, ஸ்பெயின், மியாமி, புளோரிடா ஆகிய பகுதிகளில் இருந்து இந்த நிகழ்வை பார்க்க முடிந்துள்ளது.
7 முதல் 12 வினாடிகள் மட்டுமே இந்த திருவாதிரை நட்சத்திரம் மறைந்து போயிருக்கிறது. அமெரிக்காவின் புளோரிடாவில் இருந்து இந்த நிகழ்வு நன்றாக தெரிந்துள்ளது. திருவாதிரை நட்சத்திரம் ஓரியன் விண்மீன் தொகுப்பில் அமைந்துள்ள சிவப்பு நிற பெரிய நட்சத்திரம் ஆகும். பூமிக்கும் சூரியனுக்கும் இடையே சந்திரன் வந்து எப்படி சூரிய கிரகணம் எப்படி நிகழ்கிறதோ அதேபோலத்தான் இந்த நிகழ்வும் வானில் நடந்துள்ளது.

திருவாதிரை நட்சத்திரத்தை மறைத்த விண்கல் 319 லியோனா என்பது செவ்வாய் மற்றும் ஜூபிடர் இடையே மெதுவாக சுழன்று வருகிறது. இந்த நட்சத்திரம் 80*55 கி.மீட்டர் அளவைக் கொண்டது. இந்த விண்கல், நட்சத்திரத்தை கடந்து செல்வது மிகவும் அசாதாரண நிகழ்வு என்று தெரிவித்துள்ள ஆய்வாளர்கள், பூமியில் இருந்து பல தசாப்தங்களுக்கு ஒருமுறைதான் இந்த நிகழ்வை பார்க்க முடியும் என்றனர்.

மேலும், தற்போது ஏற்பட்டு இருக்கும் இந்த அசாதாரண நிகழ்வு மூலம் திருவாதிரை நட்சத்திரம் பற்றியும் விண்கல் குறித்தும் புதிய விவரங்களை பார்க்க முடியும். திருவாதிரை நட்சத்திரம் என்பது டையிங் ஸ்டார் என்றும் அழைக்கப்படுகிறது. மிகவும் பிரகாசமாக ஒளிரக்கூடிய நட்சத்திரம் ஆகும். சூரியனை விட 700 மடங்கு பெரியதும் ஆயிரக்கணக்கான மடங்கு பிரகாசமானதாகவும் இந்த நட்சத்திரம் உள்ளது. சூரியன் இடத்தில் இந்த நட்சத்திரம் வந்தால் வியாழன் கிரகத்தை தாண்டும் அளவுக்கு பெரிதாக இருக்குமாம்.

இருந்தாலும் இந்த நட்சத்திரம் சூரியனைவிட மிகவும் இளமையானது. சூரியனின் வயது 4.6 பில்லியன் ஆண்டுகள் இருக்கும் என ஆய்வாளர்கள் கூறும் நிலையில், திருவாதிரை நட்சத்திரமோ 10 மில்லியன் ஆண்டுகள் பழமையானது ஆகும். இந்த நட்சத்திரம் தொடர்ந்து எரிந்து கொண்டே இருப்பதால் நீண்ட காலம் நீடிக்காது என்று விஞ்ஞானிகள் கூறுகின்றனர். அதனால்தான் இந்த நட்சத்திரத்திற்கு டையிங் ஸ்டார் என்ற ஒரு பெயரும் உள்ளது.

English summary

Astronomers have reported that Tiruvadhirai star disappeared suddenly at midnight. They predict that this event is taking place in the sky as a rare once-in-a-lifetime event.