வாட்ஸ்அப் கொண்டு வந்த சூப்பர் மாற்றம்.. இனி எடிட் செய்யலாம்.. கையோடு 'மார்க்' வைத்த செக்!

Updated: Tuesday, May 23, 2023, 10:56 [IST]

Subscribe to Oneindia Tamil

வாஷிங்டன்: வாட்ஸ்அப் இல் அனுப்பிய மெசேஜை எடிட் செய்யும் வசதி அறிமுகம் செய்யப்பட்டுள்ளது. ஆனால் அனுப்பிய 15 நிமிடங்களுக்குள் மட்டுமே மெசேஜை எடிட் செய்ய முடியும் என் மார்க் ஜுக்கர்பெர்க் செக் வைத்துள்ளார்.

மெட்டா நிறுவனரும், அந்நிறுவனத்தன் தலைமை நிர்வாக அதிகாரி மார்க் ஜுக்கர்பெர்க் திங்கள்கிழமை வெளியிட்ட அறிவிப்பில், கோடிக்கணக்கான வாட்ஸ்அப் பயனர்கள் ஒரு செய்தியை அனுப்பிய 15 நிமிடங்களுக்குள் மாற்றியமைக்க முடியும் என்று தெரிவித்துள்ளார்.

how can i edit WhatsApp message in 15 minitues ? metta ceo Mark Zuckerberg explains

உலகம் முழுவதும் கோடிக்கணக்கான மக்கள் வாட்ஸ் அப்பை பயன்படுத்துகிறார்கள். வாட்ஸ்அப்பில் அவ்வப்போது புதிய அப்டேட் மற்றும் வசதிகள் அறிமுகம் செய்யப்பட்டு வருகின்றன. அந்த வகையில் வாட்ஸ்ஆப் இல் மெசேஜ் அனுப்பிய 15 நிமிடங்களுக்குள் மெசேஜை எடிட் செய்யும் வசதி அறிமுகம் செய்யப்பட்டுள்ளது.

இந்த வசதி முதலில் betta வெர்சனாக சோதனை செய்யப்பட்டு வந்த நிலையில் இனி உலகம் முழுவதும் பயனாளர்களுக்கு கிடைக்கும் என்று மெட்டா நிறுவனம் அறிவித்துள்ளது. அதாவது வரும் வாரங்களில் அனைவருக்கும் கிடைக்கும் என்று அறிவித்துள்ளது.

எப்படி மெசேஜை திருத்துவது: நீங்கள் மெசேஜ் அனுப்பிய பின் அது தவறாக இருக்கிறது என்று நினைத்தால், அதை கொஞ்சம் நேரம் கையை வைத்து அழுத்துங்கள். அதாவது லாங்பிரஸ் செய்தால், திருத்து என்ற ஆப்சன் வரும். அதை தேர்ந்தெடுத்து மெசேஜை திருத்திக் கொள்ளலாம். ஆனால் 15 நிமிடங்கள் வரை தான் அதற்கு அனுமதி, அதற்குள் திருத்திக் கொள்ள வேண்டும். தற்போதைய நிலையில் தவறான மெசேஜ் அனுப்பினால் அதே உடனே delete for every one ஆப்சன் கொடுத்தால் மொத்தமாக போய்விடும்.இதை தேர்ந்தெடுப்பதற்கு பதிலாக இனி திருத்திக்கொள்ளலாம்.

எனவே வாட்ஸ்அப்பில் அனுப்பும் மெசேஜ்களில் எழுத்துப்பிழைகளை சரி செய்ய மக்களுக்கு இந்த வசதி நிச்சயம் உதவியாக இருக்கும்.அதேநேரம் திருத்தப்பட்ட செய்தி என்பதும் மெசேஜ் அனுப்புபவர்களுக்கு தெரியும்.

கடந்த வாரம், வாட்ஸ்அப் 'Chat Lock' என்ற அம்சத்தை அறிவித்தது, இது வாட்ஸ் அப் பயனாளர்களின் நெருக்கமான உரையாடல்களைப் பாதுகாக்க உதவுகிறது. இதனை நீங்கள் பத்திரமாக பாதுகாக்க முடியும். யாரும் பார்க்காமல் செய்ய முடியும். பாஸ்வேர்டு அல்லது கைரேகை போன்ற பயோமெட்ரிக் மூலம் மட்டுமே பார்க்க முடியும். யார் மெசேஜை அப்படி செய்ய வேண்டுமோ அவர்களுக்கு மட்டும் 'Chat Lock' ஆப்சனை தேர்ந்தெடுத்துக் கொள்ளலாம்.