நேற்று பின்தொடர்ந்தது.. இன்று முந்திவிட்டது.. புதிய கொரோனா பாதித்தோர் எண்ணிக்கையில் இந்தியா முதலிடம்
வாஷிங்டன்: உலகளவில் கொரோனாவால் பாதிக்கப்பட்டவர்களின் எண்ணிக்கை 1.97 கோடியாக உயர்ந்துள்ளது. உலகளவில் கொரோனாவால் பாதிக்கப்படும் புதிய கேஸ்களில் இந்தியா முதலிடத்தில் உள்ளது.
உலகம் முழுவதும் கொரோனா பாதிப்பு தினமும் அதிகரித்து வருகிறது. உலகில் 200-க்கும் மேற்பட்ட நாடுகளில் பரவியுள்ள இந்த கொரோனா இதுவரை 19,794,206 பேருக்கு பாதிப்பை கொடுத்துள்ளது. இதுவரை பலியானோரின் எண்ணிக்கை 7.28 லட்சமாகும்.
இதுவரை கொரோனாவிலிருந்து மீண்டவர்களின் எண்ணிக்கை 1.2 கோடியாகும். அமெரிக்காவில் கொரோனாவால் பாதித்தோரின் எண்ணிக்கை 51 லட்சத்தை தாண்டியது. இதுவரை பலியானோரின் எண்ணிக்கை 1.65 லட்சமாக உயர்ந்துள்ளது.
நேற்று ஒரே நாளில் 54 ஆயிரம் பேருக்கு கொரோனா பாதிப்பு ஏற்பட்டுள்ளது. இதுவரை 26 லட்சம் பேர் மீட்கப்பட்டுள்ளார்கள். பிரேசிலில் 30 லட்சம் பேருக்கு கொரோனா பாதிப்பு ஏற்பட்டுள்ளது. நேற்று ஒரே நாளில் 46,395 பேருக்கு புதிதாக கொரோனா பாதிப்பு ஏற்பட்டுள்ளது. இதுவரை இங்கு 1,00,543 பேர் பலியாகிவிட்டனர்.
இந்தியாவில் 21 லட்சம் பேர் கொரோனாவால் பாதிக்கப்பட்டுள்ளார்கள். நேற்று ஒரே நாளில் புதிதாக 65,156 நோய் தொற்று ஏற்பட்டுள்ளது. உலகளவில் நேற்று ஒரே நாளில் அதிகபட்சமாக கொரோனா பாதித்த நாடுகளில் முதலிடத்தில் இந்தியாவும், இரண்டாவது இடத்தில் அமெரிக்காவும் உள்ளது. இதுவரை இந்தியாவில் பலியானோரின் எண்ணிக்கை 43,453 ஆக உயர்ந்துள்ளது.
அடுத்தடுத்து பாதிப்படையும் எம்எல்ஏக்கள்.. பழனி தொகுதி திமுக எம்எல்ஏ செந்தில்குமாருக்கு கொரோனா
ரஷ்யாவில் கொரோனாவால் பாதிக்கப்பட்டோரின் எண்ணிக்கை 8.82 லட்சமாக உயர்ந்துள்ளது. இங்கு பலியானோரின் எண்ணிக்கை 14,854 ஆக உயர்ந்துள்ளது. தென்னாப்பிரிக்காவில் இதுவரை 5.53 லட்சம் பேர் பாதிக்கப்பட்டுள்ளார்கள். இதுவரை 10,210 பேர் பலியாகிவிட்டனர்.
மெக்சிக்கோவில் 4,69,407 பேருக்கு கொரோனா பாதிப்பு ஏற்பட்டுள்ளது. பெருவில் 4.71,012 பேருக்கும் சிலியில் 3.68 லட்சம் பேருக்கும், கொலம்பியாவில் 3.76 லட்சம் பேருக்கும் கொரோனா பாதிப்பு ஏற்பட்டுள்ளது. ஸ்பெயினில் 3.61 லட்சம் பேர் பாதிக்கப்பட்டுள்ளார்கள்.