அமெரிக்க அதிபர் பதவியேற்பு விழா... இந்திய நேரப்படி இன்றிரவு 10 மணிக்கு நேரடி ஒளிபரப்பு..!

வாஷிங்டன்: அமெரிக்க அதிபராக ஜோ பிடனும் துணை அதிபராக கமலா ஹாரிசும் இந்திய நேரப்படி இன்றிரவு 10 மணிக்கு பதவியேற்க உள்ளார்கள்.

ஜனவரி 6-ம் தேதியன்று நடைபெற்ற அமெரிக்க கேப்பிடல் கட்டிடம் மீதான தாக்குதல் மற்றும் கலவரத்துக்கு பின்னர் நடைபெறும் நிகழ்ச்சி என்பதால் ஜோ பிடன் பதவியேற்பு விழாவுக்கு வரலாறு காணாத பாதுகாப்பு ஏற்பாடுகள் செய்யப்பட்டுள்ளன.

ஜோ பிடன் மற்றும் கமலா ஹாரிஸ் பதவியேற்பு விழாவை கேக் பால்மர் தொகுத்து வழங்குகிறார். தேசிய கீதத்துடன் தொடங்கும் நிகழ்ச்சியில் அமெரிக்காவின் ஃபர்ஸ்ட் லேடி என்றழைக்கப்படும் ஜில் பிடன் (ஜோ பிடன் மனைவி) தொலைக்காட்சி மூலம் மக்களிடம் பேசுவார். இது அந்நாட்டு மரபுகளில் ஒன்றாகும்.

அமெரிக்க உச்சநீதிமன்ற தலைமை நீதிபதி ஜான் ராபர்ட் ஜோ பிடனுக்கு பதவிப்பிரமாணம் செய்து வைக்க இருக்கிறார். இதேபோல் துணை அதிபராக பொறுப்பேற்கும் கமலா ஹாரிசுக்கு சோனியா சோடோமேயர் என்ற மற்றொரு உச்சநீதிமன்ற நீதிபதி பதவிப் பிரமாணம் செய்து வைக்க உள்ளார்.

அமெரிக்க அதிபர் பதவியேற்பு நிகழ்ச்சி உலகின் அனைத்து முன்னணி செய்தி நிறுவனங்களிலும் நேரலையாக ஒளிப்பரப்பு செய்யப்பட உள்ளது. அந்தவகையில் நமது ஒன் இந்தியா குழுமமும் ஜோ பிடன் பதவியேற்பு நிகழ்வின் அனைத்து சுவாரஸ்யங்களையும் நேரலையாக சுடச்சுட உடனுக்குடன் தரவிருக்கிறது.

இதனால் நாளை இரவு 8 மணி முதல் ஒன் இந்தியா தமிழ் இணையப்பக்கத்துடன் இணைந்திருங்கள். உங்களுக்கு நொடிக்கு நொடி அமெரிக்க அதிபர் பதவியேற்பு விழா குறித்த தகவல் கிடைக்கும்.

English summary

Joe Biden and Kamala Harris' Inauguration Day Tomorrow: Check Schedule and Where to Watch