“என்னுடை டீம் லீட் இந்தியர்தான்! ஆனால்..” அமெரிக்க சாப்ட்வேர் என்ஜினியரின் பேச்சால் வெடித்த விவாதம்!
வாஷிங்டன்: இந்திய பணியாளர்கள் குறித்து, வெளிநாடுகளில் குறிப்பாக அமெரிக்காவில் பல்வேறு விதமான பேச்சுக்கள் இருக்கின்றன. இந்நிலையில் தனது இந்திய மேலதிகாரி குறித்து அமெரிக்க சாப்ட்வேர் என்ஜினியர் பேசியிருப்பது விவாதங்களை கிளப்பியிருக்கிறது.
சமீப காலமாக, இந்திய பணியாளர்கள் குறித்து அமெரிக்காவில் பேசப்படும் கருத்துக்கள் அவ்வளவு சிறப்பானதாக இல்லை. இதற்கு காரணம், அமெரிக்காவின் சைபர் பாதுகாப்பு அமைப்பில் இந்தியர் ஒருவர் செய்த தவறுதான்.
மது கொட்டுமுக்கலா என்பவர் இந்தியாவை சேர்ந்தவர். இவர், சைபர் பாதுகாப்பு அமைப்பில் பணியாற்றி வந்தார். கடந்த ஆண்டு இவர் ChatGPTல் அமெரிக்காவின் ரகசிய ஆவணம் ஒன்றை தவறாக பதிவேற்றிவிட்டார். அந்த ஆவணம் மிக முக்கிய ரகசிய ஆவணம் எல்லாம் கிடையாது. ஆனால், அலுவலக பயன்பாட்டுக்கு மட்டும் என்று அறிவிக்கப்பட்ட ஆவணம் அது. இருப்பினும் இதை எப்படி ChatGPTல் பதிவேற்றலாம் என்று பல்வேறு தரப்பினரும் கேள்வி எழுப்பினர்.
கடலில் போட்ட உப்பும், ChatGPTல் போட்ட போட்டோவும்.. போட்டது போட்டதுதான். அதை டெலிட் செய்யவே முடியாது. எனவே மது மீது, இது தொடர்பான விசாரணை நடைபெற்றது. விசாரணையில், ChatGPT-யை பயன்படுத்த சிறப்பு அனுமதி கோரியிருந்ததாகவும், ஆனால் ஆவணங்களை பதிவேற்ற இந்த அனுமதியை தவறாக பயன்படுத்தியதும் தெரிய வந்தது.
இந்த விஷயம் டெக் உலகில், இந்தியர்கள் மீத விமர்சனங்கள் எழ காரணமாக அமைந்தது. குறிப்பாக தீவிர வலதுசாரி ஆதரவாளர்கள், இந்தியர்கள் என்றாலே இப்படித்தான் என்று போட்டு வறுத்தெடுத்தனர்.இந்தியர்கள் தொழில்நுட்பத் துறையில் தகுதியற்றவர்கள் என்றும், எப்போதுமே எல்லாமே அவசரம் என்று பதற்றத்தை உருவாக்குபவர்கள் என்று பேச தொடங்கினர். இந்தியப் பணியாளர்கள் காரணமே இல்லாமல் கத்துவார்கள், மிரட்டுவார்கள் என பொத்தாம் பொதுவாக பேச தொடங்கினர்.
இப்படி இருக்கையில்தான் அமெரிக்க மென்பொருள் பொறியாளரான ஜான் ஃப்ரீமேன், என்னுடைய டீம் லீட் இந்தியர், எனது மேலாளர் இந்தியர், அவருக்கு மேலதிகாரியும் இந்தியர், நிறுவனத்தின் CTO கூட இந்தியர் தான். அவர்கள் அனைவருமே மிகச் சிறந்த அறிவாளிகள். தொழில்முறைத் தகுதியுள்ளவர்கள்" என்று குறிப்பிட்டார். இந்த கருத்து இந்தியர்கள் குறித்த பார்வையை மாற்றியிருக்கிறது.
Click it and Unblock the Notifications
Sign in with Google