திடீரென தெரிந்த மர்ம கோபுரம்! அதுவும் அந்த டாப் சீக்ரெட் இடத்தில்! இது என்ன புதுசா! அலறும் அமெரிக்கா

வாஷிங்டன்: அமெரிக்காவின் டாப் சீக்ரெட் பகுதியாக அறியப்படுவது ஏரியா 51.. இங்கு ஏலியன் தொழில்நுட்பம் குறித்து பல்வேறு ஆய்வுகள் நடந்து வருவதாகச் சொல்லப்படுகிறது. இதற்கிடையே ஏரியா 51 பகுதியில் தெரிந்த திடீர் கோபுரம் நெட்டிசன்களிடையே குழப்பத்தை ஏற்படுத்தியுள்ளது. இது அந்தப் பகுதியைச் சுற்றியுள்ள மர்மத்தையும் அதிகரிப்பதாக இருக்கிறது.

அமெரிக்கா என்பது பல்வேறு மர்மமான இடங்கள் இருக்கும் ஒரு நாடு. அங்கு அமெரிக்க ராணுவம் சீக்ரெட்டாக பல்வேறு சோதனைகளை நடத்தி வருகிறது. அப்படி அமெரிக்காவில் உள்ள டாப் சீக்ரெட் ஏரியா தான் ஏரியா 51. நெவாடாவில் உள்ள இந்த ஏரியா 51 பகுதியில் தான் ஏலியன் குறித்த ஆய்வுகளை அமெரிக்க ராணுவம் செய்து வருவதாகக் கூறப்படுகிறது.

ஏரியா 51

இதற்கிடையே கூகுள் எர்த் செயலியில் திடீரென அந்த ஏரியா 51 பகுதியில் ஒரு விசித்திரமான முக்கோண அமைப்பு காணப்பட்டுள்ளது. இது தொடர்பாக நெட்டிசன்கள் பல்வேறு கருத்துகளைப் பதிவிட்டு வருகிறார்கள். கூகுள் எர்த் மற்றும் மேப்ஸ் செயலியில் குறிப்பிட்ட இடத்தில் அந்த இந்த மர்மமான கோபுரம் காணப்படுகிறது.

மர்ம கோபுரம்

இது வேற்று கிரகவாசிகள் மற்றும் ரகசிய ராணுவ சோதனைகள் பற்றிய விவாதங்களை அதிகரித்துள்ளது. 2.3 மில்லியன் ஏக்கர் பரப்பளவு கொண்ட அமெரிக்க விமானப்படையின் இந்த ஏரியா 51 என்பது நீண்ட காலமாகவே மர்மம் நிறைந்த பகுதியாகவே பார்க்கப்படும் நிலையில், இந்தக் கோபுரம் மர்மத்தை அதிகரித்துள்ளது. இது லாஸ் வேகாஸிலிருந்து வடமேற்கே சுமார் 130 கிலோமீட்டர் தொலைவில் அமைந்துள்ள இந்த அமைப்பு, கூகுள் வரைபடத்தில் குறிப்பிட்ட இடத்தில் தெளிவாகத் தெரிகிறதாம்.

அலறும் அமெரிக்கர்கள்

இந்த மர்மக் கோபுரம் குறித்து நெட்டிசன்கள் பல்வேறு கருத்துகளைப் பதிவிட்டு வருகிறார்கள். இது வேற்று கிரகச் செயல்பாடு அல்லது வேற்றுக்கிரகவாசிகளின் ஆராய்ச்சியுடன் தொடர்புடையதாக இருக்கலாம் என்று நெட்டிசன்கள் கூறி வருகிறார்கள். இது கறித்து நெட்டிசன் ஒருவர், "இது நிச்சயமாக வேற்றுக்கிரகவாசிகளின் தொழில்நுட்பம் தான். பூமி முடிவை நோக்கிச் செல்வதை இது காட்டுகிறது" எனப் பதிவிட்டுள்ளார். மற்றொரு நபர் ஏலியன்கள் தங்கள் தொழில்நுட்பங்களைச் சோதிக்கும் இடம் இதுவென பதிவிட்டுள்ளார்.

ஏரியா 51 ஆராய்ச்சிகள்

ஏரியா 51 என்பது லாஸ் வேகாஸிலிருந்து வடமேற்கே சுமார் 83 மைல் தொலைவில் உள்ளது. இது நெவாடா சோதனை மற்றும் பயிற்சிப் பகுதிக்குள் அமைந்துள்ள அமெரிக்காவின் ரகசிய விமானப்படைத் தளமாகும். இந்தத் தளத்தில் வைத்துத் தான் ஏலியன் மற்றும் வேற்றுக்கிரகவாசிகள் குறித்து சோதனை நடந்து வருவதாக நெட்டிசன்கள் கூறி வருகிறார்கள்.

பல ஆண்டுகளாக ஏரியா 51 குறித்து மர்மம் நிலவி வந்த நிலையில், அமெரிக்கா அது குறித்து மவுனம் சாதித்தே வந்தது. இருப்பினும், ஒபாமா அதிபராக இருந்தபோது 2013ல் தான் ஏரியா 51 என்ற இரு சீக்ரெட் படைத்தளம் இருப்பதைக் குறித்து அமெரிக்கா அதிகாரப்பூர்வமாக ஒப்புக்கொண்டது. இருப்பினும், அங்கு என்ன மாதிரியான ஆய்வுகள் நடைபெறுகிறது என்பதில் இன்னுமே மர்மம் நீடித்து வருகிறது.

என்ன ஆய்வு

ஏலியன் தொழில்நுட்பம் குறித்தும் பூமிக்கு ஏற்கனவே வந்த ஏலியன்கள் குறித்தும் அங்கு ஆராய்ச்சிகள் நடந்து வருவதாக நெட்டிசன்கள் கூறுகிறார்கள். இருப்பினும், இது தொடர்பாக உறுதியான தகவல்கள் எதுவும் இல்லை. உண்மையில், இந்தத் தளம் புதிய ராணுவ தொழில்நுட்பத்தைப் பரிசோதிக்கும் இடமாக இருக்கவே வாய்ப்புகள் அதிகம். இருப்பினும், இதன் ரகசியத்தன்மையே இந்த இடத்தின் மர்மத்தை அதிகரிப்பதாகச் சொல்லப்படுகிறது.

English summary

A mysterious tower has been spotted at Area 51, a US military base shrouded in secrecy, sparking claims of alien technology and conspiracy theories (ஏலியன் 51ல் தென்பட்ட மர்ம கோபுரத்திற்கு காரணம் என்ன): The tower's purpose remains unknown, fueling speculation among enthusiasts and theorists about the base's alleged extraterrestrial connections.