கண்ணு ஏன் பிங்க் கலர்ல இருந்துச்சு... கமலாவோடு டிபேட் செய்த பென்ஸுக்கு கொரோனாவா?
வாஷிங்டன்: துணை அதிபர் தேர்தலில் ஜனநாயகக் கட்சி சார்பில் போட்டியிடும் கமலா ஹாரிஸுடன், நேரடி விவாதத்தில் பங்கேற்ற துணை அதிபர் மைக் பென்ஸின் கண்கள் இளஞ்சிவப்பு நிறத்தில் இருந்ததற்கான காரணம் குறித்து விவாதங்கள் கிளம்பியுள்ளன.
இதுபோல இளஞ்சிவப்பு நிறத்தில் கண்கள் இருந்தால் அவர்களுக்கு கொரோனா தொற்று இருக்கக் கூடும் என்று சொல்கிறார்கள். ஆனால் விவாதத்திற்கு நான்கு நாட்களுக்கு முன்புதான் பென்ஸுக்கு கொரோனா நெகட்டிவ் என ரிசல்ட் வந்திருந்தது.
இருப்பினும் விவாதத்தின்போது பென்ஸ் இளஞ்சிவப்பு கண்களுடன் காணப்பட்டது விவாதத்தைக் கிளப்பியுள்ளது. இதுபோல கண்கள் மாறுவது மிகவும் அரிதானது. கொரோனா வைரஸ் பாதிப்புக்குள்ளானவர்களில் 3 சதவீதம் பேருக்கு இது போல கண்கள் நிறம் மாறியிருந்ததாக ஒரு தகவல் தெரிவிக்கிறது.
conjunctivitis அதாவது இளஞ்சிவப்பு கண்கள் என்பது, கண்களில் ஏதேனும் வைரஸ் அல்லது பாக்டீரியா தொற்று பாதித்தால் இதுபோல ஏற்படும். இது எப்படி வருகிறது என்பதற்கு பல காரணங்கள் உள்ளன. பாதிக்கப்பட்டவரின் கண்களை ஆராயாமல் எதனால் அது ஏற்பட்டது என்று யூகமாக சொல்ல முடியாது. பென்ஸின் கண்கள் ஏன் இளஞ்சிவப்பில் இருந்தன என்று தெரியவில்லை.
கண் பாதிப்புக்குள்ளானோருக்கு கொரோனா வரும் என்று டாக்டர்கள் சொல்லவில்லை. ஆனால் கொரோனா பாதிப்புக்குள்ளானோரில் 3 சதவீதம் பேருக்கு இந்த கண்கள் நிறம் மாறுதல் இருந்தது என்று டாக்டர்கள் தெரிவிக்கின்றனர். இதனால்தான் பென்ஸுக்கும் ஒரு வேளை கொரோனா பாதிப்பு இருக்கிறதா என்ற சந்தேகத்தை பலர் கிளப்பியுள்ளனர்.
"டைம் வேஸ்ட்.." ஜோ பிடனுடனான 2வது விவாதத்தில் பங்கேற்க ட்ரம்ப் மறுப்பு.. நிகழ்ச்சி ரத்து
பென்ஸ், கமலா ஹாரிஸ் இருவருக்கும் இடையே நடந்த விவாதத்தின்போது தகுந்த பாதுகாப்பு ஏற்பாடுகள் செய்யப்பட்டிருந்தன. இருவரும் தனித் தனியாக பிரிக்கப்பட்ட பகுதிகளில்தான் அமர்ந்திருந்தனர். இருவரும் கொரோனா டெஸ்ட் எடுத்த பின்னரே விவாதத்தில் கலந்து கொள்ள அனுமதிக்கப்பட்டனர். இருப்பினும் இந்த பாதுகாப்பு ஏற்பாடுகள் கொரோனா தொற்று தாக்குவதை தடுக்க போதுமானதாக இல்லை என்று சில மருத்துவ நிபுணர்கள் தெரிவித்துள்ளனர்.
இப்போது அமரிக்காவில் பென்ஸ் கண்கள் புதிய விவாதத்தைக் கிளப்பியுள்ளன. பென்ஸ்தான் இதற்கு விளக்கம் தர வேண்டும்.