செவ்வாய் கிரகத்தில் அமெரிக்காவின் கொடி பறக்கும்! தனது முதல் உரையில் டிரம்ப் அறிவிப்பு

Updated: Monday, January 20, 2025, 23:53 [IST]

Subscribe to Oneindia Tamil

வாஷிங்டன்: அமெரிக்காவின் 47வது அதிபராக டொனால்ட் டிரம்ப் இன்று பதவியேற்றுள்ளார். அவரது முதல் உரையில், செவ்வாய் கிரகத்தில் அமெரிக்க கொடி பறக்கும் என்று கூறியுள்ளார்.

இது எலான் மஸ்க்கின் கனவு திட்டமாகும். செவ்வாய் கிரகத்தில் மனித குடியேற்றத்தை அமைப்பதற்காகவே எலான் மஸ்க் ஸ்பேஸ் எக்ஸ் என்கிற விண்வெளி நிறுவனத்தை தொடங்கினார். இந்நிலையில் எலான் மஸ்க்கின் கனவை சாத்தியப்படுத்தப்போவது குறித்து டிரம்ப் பேசியிருப்பது கவனம் பெற்றிருக்கிறது.

விண்வெளி துறையில் அமெரிக்கா தொடர்ந்து கொடி கட்டி பறக்க வேண்டும் எனில் செவ்வாய் கிரகத்தை காலணியத்துவப்படுத்த வேண்டும். இதற்கான பணிகளை எலான் மஸ்க்கை வைத்து டிரம்ப் தீவிரமாக முயன்று வருகிறார். தற்போது கியூரியாசிட்டி மற்றும் பெர்சோவரன்ஸ் என அமெரிக்காவின் இரண்டு லேண்டர்கள் செவ்வாய் கிரகத்தை ஆய்வு செய்து வருகின்றன. ஆனால், அதற்கு போட்டியாக ரஷ்யா மற்றும் சீனாவின் விண்கலன்களும் இருக்கின்றன. எனவே, அவர்களுக்கு முன்னதாக செவ்வாய் கிரகத்தை அமெரிக்கா கைப்பற்ற வேண்டும்.

இதற்கான முன்னோட்டாக ஆர்டெமிஸ் எனும் திட்டத்தை நாசா செயல்படுத்த முயன்று வருகிறது. பூமியிலிருந்து நான்கு, ஐந்து பேரை நிலவுக்கு கொண்டு போய் அங்கு தங்க வைக்க வேண்டும். இதுதான் இந்த திட்டத்தின் நோக்கம். ஆனால் உண்மையான நோக்கம், நிலவிலிருந்து செவ்வாய் கிரகத்திற்கு போவதுதான். பூமியிலிருந்து செவ்வாய் கிரகத்திற்கு போவதைவிட, நிலவிலிருந்து செவ்வாய் கிரகத்திற்கு ஈஸியாக போய்விடலாம்.

1.ஈர்ப்பு விசை
2.எரிபொருள்

இந்த இரண்டும்தான் நிலவிலிருந்து செவ்வாய் கிரகத்திற்கு போக காரணங்கள்தான். பூமியிலில் உள்ள ஈர்ப்பு விசையை விட செவ்வாயில் ஈர்ப்பு விசை குறைவு. எனவே, அங்கிருந்து ராக்கெட்டை அனுப்புவது என்பது எளிதானது. அதேபோல நிலவில் நீர் இருப்பதற்கான ஆதாரங்கள் கண்டுபிடிக்கப்பட்டிருக்கின்றன. நீர் இருந்தால் அங்கு எரிபொருளும் இருக்கிறது என்று அர்த்தம்.

அதாவது H2O என்பதுதான் நீரின் மூலக்கூறு. இதில் H என்பது ஹைட்ரஜன். நீரிலிருந்து ஹைட்ரஜனையும், ஆக்சிஜனையும் பிரித்து நம்மால் பயன்படுத்த முடியும். ஹைட்ரஜனை எரிபொருளாகவும், ஆக்ஸிஜனை உயிர்வாழவும் பயன்படுத்தி நிலவில் ஒரு குடியிருப்பை உருவாக்கி, அங்கிருந்து செவ்வாய் கிரகத்திற்கு செல்வது என்பதுதான் தற்போதைய இலக்கா இருக்கிறது. இதனை எலான் மஸ்க்கின் ராக்கெட்தான் செய்யும்.

இதைதான் பதவி ஏற்பு விழாவில், "செவ்வாய் கிரகத்தில் அமெரிக்க கொடி பறக்கும்" என டிரம்ப் கூறியுள்ளார்.