'மாஸ்டர் பிளான்..' பெயரை மாற்றும் ஃபேஸ்புக்.. மெடாவெர்ஸ் திட்டத்தின் தொடக்கப்புள்ளி.. ஏன் முக்கியம்

Updated: Wednesday, October 20, 2021, 20:48 [IST]

Subscribe to Oneindia Tamil

வாஷிங்டன்: ஃபேஸ்புக் நிறுவனம் தனது பெயரை மாற்றவுள்ளதாகத் தகவல் வெளியாகியுள்ளது. இது குறித்த அதிகாரப்பூர்வ அறிவிப்பு அடுத்த மாதம் வெளியாகும் என எதிர்பார்க்கப்படுகிறது.

பெயரை மாற்றும் ஃபேஸ்புக்

இந்தச் சூழலில் ஃபேஸ்புக் நிறுவனம் தனது பெயரை மாற்றவுள்ளதாகத் தகவல்கள் வெளியாகியுள்ளது. இது குறித்து அமெரிக்காவின் the Verge செய்தி நிறுவனம் வெளியிட்டுள்ள செய்தியில், இந்த பெயர் மாற்றம் குறித்த அறிவிப்பை ஃபேஸ்புக் ஆண்டு மாநாட்டில் அறிவிக்க ஃபேஸ்புக் நிறுவனர் மார்க் ஜுக்கர்பெர்க் திட்டமிட்டிருந்ததாகக் கூறப்பட்டுள்ளது. இருப்பினும், சில காரணங்களால் பெயர் மாற்றம் குறித்த அறிவிப்பு முன்கூட்டியே வெளியாக வாய்ப்புள்ளதாகக் கூறப்பட்டுள்ளது.

அதிகரிக்கும் அழுத்தம்

இருப்பினும், இது குறித்து கருத்து தெரிவிக்க ஃபேஸ்புக் நிறுவனம் மறுத்துவிட்டது. ஃபேஸ்புக் நிறுவனத்தின் ஆண்டு மாநாடு வரும் அக். 28ஆம் தேதி நடைபெறுகிறது. அதற்கு சில நாட்கள் முன்னால் இந்த அறிவிப்பு வெளியாகும் என எதிர்பார்க்கப்படுகிறது. அமெரிக்க அரசு ஃபேஸ்புக் மீதான தனது கெடுபிடிகளை அதிகரித்துள்ள நிலையில், இந்த தகவல் வெளியாகியுள்ளது. அமெரிக்காவில் ஜனநாயக கட்சி மற்றும் குடியரசு கட்சி என இரு கட்சியைச் சேர்ந்த எம்பிகளும் தற்போது ஃபேஸ்புக் போன்ற சமூக வலைத்தளங்களுக்குக் கூடுதல் கட்டுப்பாடுகளை விதிக்க வேண்டும் என வலியுறுத்தத் தொடங்கியுள்ளது குறிப்பிடத்தக்கது.

என்ன காரணம்

இப்போது ஃபேஸ்புக் நிறுவனத்தின் கீழ் ஃபேஸ்புக்(சமூக வலைத்தளம்), இன்ஸ்டாகிராம், வாட்ஸ்அப், ஓக்குலஸ் ஆகிய நிறுவனங்கள் செயல்பட்டு வருகின்றன. சமூக வலைத்தளங்களைத் தாண்டி மெய்நிகர் தொழில்நுட்பத்தில் தடம் பதிக்கும் நோக்கில் ஃபேஸ்புக் நிறுவனம் இந்த பெயரை மாற்ற முயற்சியில் ஈடுபடலாம் என எதிர்பார்க்கப்படுகிறது. இது குறித்த அறிவிப்பு அடுத்த சில நாட்களில் வெளியாக வாய்ப்பு உள்ளது.

மிக பெரிய திட்டம்

ஃபேஸ்புக் நிறுவனம் மெடாவெர்ஸ் (metaverse) என்ற மெய்நிகர் உலகைப் படைப்பதில் அதிக கவனம் செலுத்தி வருகிறது. விஸ்வல் ரியாலிட்டி (VR) மற்றும் ஆக்மென்ட் ரியாலிட்டி (AR) ஆகிய தொழில்நுட்பங்களைப் பயன்படுத்தி உருவாக்கப்படும் இந்த மெடாவெர்ஸ் என்பது ஒரு இணைய உலகமாக இருக்கும் என்றும் குறிப்பிட்ட டெக் கருவிகளைப் பயன்படுத்தி இந்த மெடாவெர்ஸில் ஒருவரிடம் இருந்து மற்றொருவரால் தொடர்பு கொள்ள முடியும் இதற்காக மட்டும் ஃபேஸ்புக் நிறுவனம் மூன்று பில்லியின் பல மில்லியன் டாலர்களைச் செலவழித்து வருகிறது

சகஜம் தான்

பொதுவாக டெக் நிறுவனங்களுக்கு வேகமாக வளர்ச்சி என்பதே பிரதான இலக்கு. உலகம் முழுவதும் டெக் நிறுவனங்களால் வளர முடியும் என்பதால் அதை நோக்கியே டெக் நிறுவனங்கள் செயல்பட்டு வரும், இதனால் உலகெங்கும் தங்களுக்கு ரீச் கொடுக்கும் வகையில் டெக் நிறுவனங்கள் தங்கள் பெயர்களை மாற்றுவது வழக்கமான ஒரு நடவடிக்கை தான். முன்னதாக கடந்த 2016இல் கூகுள் நிறுவனம் தனது சந்தையை விரிவுபடுத்தும் நோக்கில் ஆல்பபெட் என்ற நிறுவனத்தைத் தொடங்கியிருந்தது குறிப்பிடத்தக்கது.