அமெரிக்க அதிபர் தேர்தலில் ஜெயிக்க போறது யார் தெரியுமா? துல்லியமாக கணிக்கும் டாப் நிபுணர் சொன்ன தகவல்
வாஷிங்டன்: அமெரிக்க அதிபர் தேர்தல் வரும் 5 ஆம் தேதி நடக்கிறது. இதில், டொனால்டு டிரம்ப் மற்றும் கமலா ஹாரிஸ் இடையே கடும் போட்டில் நிலவும் என்று கூறப்படுகிறது. இதனிடையே, அமெரிக்க அதிபர் தேர்தலில் யாருக்கு வெற்றி வாய்ப்பு உள்ளது? என்பது பற்றி பொருளாதார நிகழ்வுகளை துல்லியமாக கணிக்க கூடியவர் என பெயர் பெற்றவரான கிறிஸ்டோபே பராட், கணித்துள்ளார்.
உலகின் வலிமை மிக்க நாடுகளில் ஒன்றாக அமெரிக்கா உள்ளது. இதனால், அமெரிக்க அதிபர் தேர்தல் என்பது உலகம் முழுவதும் உற்று நோக்கப்படும் ஒன்றாக உள்ளது. அமெரிக்காவை பொறுத்தவரை அதிபரின் பதவிக்காலம் 4 ஆண்டுகள் மட்டுமேயாகும். இதனால், 4 ஆண்டுகளுக்கு ஒருமுறை அமெரிக்காவில் அதிபர் தேர்தல் நடைபெறுகிறது.
அமெரிக்க அதிபர் தேர்தல்: தற்போது அதிபராக இருக்கும் ஜோ பைடனின் பதவிக்காலம் வரும் ஜனவரியுடன் முடிவுக்கு வருகிறது. இதனால், அமெரிக்காவில் அதிபர் தேர்தல் அறிவிக்கப்பட்டுள்ளது. இந்த தேர்தலில் ஜனநாயக கட்சி சார்பில் இந்திய வம்சாவளியை சேர்ந்தவரும், தற்போதைய அதிபருமான கமலா ஹாரிஸ் போட்டியிடுகிறார். குடியரசுக்கட்சி சார்பில் முன்னாள் அதிபர் டொனால்டு டிரம்ப் போட்டியிடுகிறார்.
கடும் போட்டி?: வரும் 5 ஆம் தேதி அதிபர் தேர்தல் நடைபெற உள்ள நிலையில், அங்கு தேர்தல் களம் அனல் பறக்க தொடங்கியுள்ளது. சுமார் 2 கோடிக்கும் மேற்பட்ட வாக்காளர்கள் தற்போதே வாக்களிக்க துவங்கிவிட்டனர். தேர்தல் நெருங்கி வரும் நிலையில், அங்கு யார் வெற்றி பெறுவார்கள் என்ற எதிபார்ப்பு ஏற்பட்டுள்ளது. பல்வேறு கருத்துக்கணிப்புகளிலும் டிரம்ப் - கமலா ஹாரிஸ் இடையே கடும் போட்டி நிலவும் என சொல்கின்றன.
யாருக்கு வெற்றி?: டிரம்ப் கை சற்று ஓங்கியிருந்தாலும் பல மாகாணங்களில் மிகக் கடுமையான போட்டி நிலவும் என்றே சொல்லப்படுகிறது. இதனால் அமெரிக்க அதிபர் தேர்தலில் யார் வெற்றி பெறுவார்கள் என்று கணிக்க முடியாத சூழல் நிலவுகிறது. இதனிடையே, அமெரிக்க அதிபர் தேர்தலில் யாருக்கு வெற்றி வாய்ப்பு உள்ளது என்பது பற்றி பொருளாதார நிகழ்வுகளை துல்லியமாக கணிக்க கூடியவர் என பெயர் பெற்றவரான கிறிஸ்டோபே பராட் கணித்துள்ளார்.
டொனால்டு டிரம்ப்: குடியரசுக்கட்சி சார்பில் போட்டியிடும் டிரம்ப் தான் வெற்றி பெறுவார் என்று இவர் கணித்து இருகிறார். நிதி சந்தைகளில் ஏற்படும் குறியீடுகள் உள்பட பல்வெறு மெட்ரிக்ஸ் அளவீடுகளின் படி இவர் தனது கணிப்பை வெளியிட்டுள்ளார். டிரம்ப் தலைமையிலான குடியரசுக்கட்சி கிளீன் ஸ்வீப் ஆக வெல்லும் என்பது இவரது கணிப்பாக உள்ளது. இது தொடர்பாக அவர் தனது எக்ஸ் பக்கத்தில் வெளியிட்டு இருக்கும் பதிவில் கூறியிருப்பதாவது:-
கிளீன் ஸ்வீப்: பெட்டிங் மார்க்கெட், கருத்துக்கணிப்புகள், ஃபைனான்சியல் மார்க்கெட்டுகள் என பல்வேறு கணக்கீடுகளை வைத்து ஆய்வு செய்து பார்த்ததில், தற்போதைய சூழலில் டொனால்டு டிரம்ப் வெற்றி பெறவே அதிக வாய்ப்புள்ளது" என்று கூறியுள்ளார்.
மொனோக்கா நாட்டில் மார்க்கெட் செக்யூரிட்டிசில் முக்கிய கொள்கைகளை வகுப்பவரும் தலைமை பொருளாதார நிபுணராகவும், பராட் உள்ளார். ப்ளூம்பெர்க் பொருளாதார கணிப்பு ரேங்க் தரவரிசையில் கடந்த 10 ஆண்டுகளுக்கும் மேலாக டாப் இடத்தில் பராட் உள்ளார். பொருளாதாரம் பற்றிய அவரது கணிப்புகள் துல்லியமாக இருப்பதால், அமெரிக்க அதிபர் தேர்தல் தொடர்பான கணிப்பும் நம்பகத்தன்மையை அதிகப்படுத்தும் வகையில் அமைந்துள்ளது.
Click it and Unblock the Notifications
Sign in with Google