"நான் பிரப்போஸ் செய்ய போறேன்.." ஆண் சீல் கொடுத்த க்யூட் கிப்ட்..துள்ளி குதித்த காதலி! க்யூட் வீடியோ

Updated: Thursday, June 30, 2022, 18:48 [IST]

Subscribe to Oneindia Tamil

வாஷிங்டன்: ரொமேன்டிக் சீல் ஒன்று தனது காதலியை கரெக்ட் செய்யச் செய்த செயலின் வீடியோ இணையத்தில் வேகமாகப் பரவி வருகிறது.

கியூட் வீடியோ

மனிதர்கள் தங்களுக்குப் பிடித்தவர்கள் மீதான காதலைக் காட்டப் பூக்கள், கிப்ட்களை வாங்கிக் கொடுப்பார்கள். அதேபோலத் தான் ரொமேன்டிக் சீல் ஒன்று தனது காதலியைப் பூங்கொத்து கொடுத்து கரெக்ட் செய்துள்ளது. Creature Nature என்ற அமைப்பு வெளியிட்டுள்ள இந்த வீடியோ, இணையத்தில் பலரது கவனத்தையும் ஈர்க்கும் வகையில் அமைந்துள்ளது. பெண் சீல் இதை விட மகிழ்ச்சியாக இருக்க முடியாது என்று கேப்ஷனில் வீடியோவை பகிர்ந்து உள்ளனர்.

சீல்

அந்த வீடியோவில் ஒரு நீச்சல் குளத்தில் இரு சீல்கள் இருக்கிறது. அதில் ஆண் சீல் ஒன்று பூக்களை எடுத்துக் கொண்டு செல்கிறது. பூக்களை நேரடியாகப் பெண் சீல் ஒன்றுக்கு அது தருகிறது. ஆரஞ்சு டூலிப் பூக்களை அந்த பெண் சீலிடம் கொடுக்கிறது. அதை மிகவும் மகிழ்ச்சியாக அந்த பெண் சீல் வாங்கிக் கொள்கிறது. இரு சீல்களுக்கும் இடையே இருக்கும் காதலை இது வெளிப்படுத்தும் வகையில் உள்ளது.

பூக்கள்

இந்த கியூட் வீடியோவை தான் இணையத்தில் பலரும் பகிர்ந்து வருகின்றனர். மேலும், அந்த பூக்களை வாங்கிக் கொண்ட பெண் சீல் மகிழ்ச்சியை வெளிப்படுத்தும் வகையில் பல முறை சுற்றுகிறது. அது எவ்வளவு மகிழ்ச்சியாக இருக்கிறது என்பது அதன் முகத்தைப் பார்த்தாலேயே தெளிவாகத் தெரிகிறது. அத்துடன் அந்த வீடியோ முடிவடைகிறது.

நெட்டிசன்கள்

இந்த வீடியோ நெட்டிசன்கள் மனதை அள்ளிவிட்டது என்றே சொல்லலாம். விலங்குகளுக்கும் கூட எது உண்மையான காதல் என்று தெரிந்து உள்ளதாக ஒருவர் கமெண்ட் செய்துள்ளார். மற்றொருவர் உண்மையான காதல் எப்போதும் கொண்டாடப்படும் என்று தெரிவித்து உள்ளார். இன்னும் பலர் அந்த இரு விலங்குகளின் செயல்களும் க்யூட்டாக உள்ளதாகக் கருத்து பதிவிட்டு வருகின்றனர்.