சுனிதா வில்லியம்ஸின் 3வது விண்வெளி பயணம் ரத்து.. கடைசி நேரத்தில் என்ன நடந்தது!

Updated: Tuesday, May 7, 2024, 8:53 [IST]

Subscribe to Oneindia Tamil

வாஷிங்டன்: அமெரிக்காவில் உள்ள முக்கிய இந்திய வம்சாவளி விண்வெளி வீராங்கனையான சுனிதா வில்லியம்ஸ் இன்று விண்வெளிக்கு செல்லவிருந்த நிலையில், கடைசி நிமிடத்தில் அவரது பயணம் ரத்து செய்யப்பட்டுள்ளது.

அமெரிக்காவில் இருக்கும் முக்கியமான இந்திய வம்சாவளி விண்வெளி வீராங்கனை தான் சுனிதா வில்லியம்ஸ்.. இவர் ஏற்கனவே 2 முறை அமெரிக்காவில் இருந்து விண்வெளிக்குச் சென்று திரும்பியுள்ளார்.

Sunita Williams 3rd Mission To Space Called Off Hours Before Liftoff

அந்த பயணங்களில் இவர் தன்னுடன் பகவத் கீதையை விண்வெளிக்கு எடுத்துச் சென்றிருந்தார். இதற்கிடையே 58 வயதான சுனிதா வில்லியம்ஸ் 3ஆவது முறையாக இப்போது விண்வெளிக்குச் செல்ல இருக்கிறார்.

போயிங்கின் ஸ்டார்லைனர் விண்கலத்தில் அவர் விண்வெளிக்குச் செல்ல இருந்தார். இந்த போயிங்கின் ஸ்டார்லைனர் விண்கலம் புளோரிடாவில் உள்ள கேப் கனாவெரலில் இருந்து சர்வதேச விண்வெளி நிலையத்திற்குச் செல்லும். இந்தத் திட்டம் பல ஆண்டுகளுக்கு முன்பே நடக்க இருந்தது. இருப்பினும், பல்வேறு காரணங்களால் இத்திட்டம் ஆண்டுக்கணக்கில் தாமதம் ஆனது.

இந்தச் சூழலில் தான் அவர் போயிங்கின் ஸ்டார்லைனர் விண்கலத்தில் இன்று காலை விண்வெளிக்குச் செல்ல உள்ளதாக அறிவிக்கப்பட்டது. இதற்குத் தேவையான அனைத்து முன்னேற்பாடுகளும் செய்யப்பட்ட நிலையில், தொழில்நுட்ப கோளாறு காரணமாகத் திட்டம் கடைசி நேரத்தில் ரத்து செய்யப்பட்டது. வேறு ஒரு நாளில் ராக்கெட் ஏவப்படும் என அறிவிக்கப்பட்டுள்ளது.

இருப்பினும், ராக்கெட் ஏவப்படுவதற்கு 90 நிமிடங்களுக்கு முன்பு, அட்லஸ் V ராக்கெட்டின் லான்ச் நிறுத்தப்பட்டது. ஆக்சிஜன் நிவாரண வால்வில் பிரச்சினை இருந்ததே இதற்குக் காரணமாகச் சொல்லப்படுகிறது. இதையடுத்து ஸ்டார்லைனர் விண்கலத்தில் இருந்து சுனிதா வில்லியம்ஸ் மற்றும் நாசாவின் பேரி வில்மோர் இருந்து பாதுகாப்பாக வெளியேறியுள்ளனர்.