கொரோனா தடுப்பூசி போட்டவர்களுக்கு எதிர்பாராத இன்ப அதிர்ச்சி.. ஆராய்ச்சியில் வெளிவந்த ஹேப்பி நியூஸ்

By Oneindia Staff

Updated: Tuesday, November 11, 2025, 13:55 [IST]

Subscribe to Oneindia Tamil

வாஷிங்டன்: கொரோனா தடுப்பூசிகள் கடுமையான Covid-19 தொற்றைத் தடுக்கவும், நீண்டகால (Long COVID) ஆபத்தைக் குறைக்கவும் உதவுவது அனைவருக்கும் தெரிந்த விஷயம். சிலருக்கு அடிப்படை பக்க விளைவுகளான, காய்ச்சல், உடல் வலி, சோர்வு, இருக்கலாம். ஆனால் இப்போது, ஒரு புதிய, ஆச்சரியமான "நல்ல பக்க விளைவு" ஆராய்ச்சியில் வெளிப்பட்டுள்ளது:
ஆராய்ச்சி என்ன சொல்கிறது?

ஃப்ளோரிடா பல்கலைக்கழக ஆராய்ச்சியாளர்கள், Nature இதழில் வெளியிட்ட புதிய ஆய்வில், 1,000க்கும் மேற்பட்ட தோல் புற்றுநோய் (melanoma) மற்றும் நுரையீரல் புற்றுநோய் நோயாளிகளை ஆராய்ந்தனர். அவர்கள் "இம்யூன் செக்பாயின்ட் இன்ஹிபிட்டர்ஸ்" எனப்படும் நோயெதிர்ப்பு சிகிச்சை பெற்றிருந்தனர்.

முக்கிய கண்டுபிடிப்பு

அவர்களில், மாடர்னா அல்லது பயோஎன்டெக்-பயர் எம்ஆர்என்ஏ தடுப்பூசிகளை, சிகிச்சை தொடங்குவதற்கு 100 நாட்களுக்குள் பெற்றவர்கள்: 5 மடங்கு அதிக அளவுக்கு உயிர்வாழும் வாய்ப்பை அந்த நோயாளிகள் பெற்றுள்ளார்களாம். இந்த முடிவுகள், வயது, மற்ற நோய்கள், புற்றுநோயின் தீவிரம் போன்ற காரணிகளை கணக்கில் கொண்ட பிறகும் தாக்குப்பிடித்ததாம்.

இது எப்படி சாத்தியம்?

டாக்டர் ஜிஹாய் லி, ஓகியோ மாநில பல்கலைக்கழக புற்றுநோய் நோயெதிர்ப்பு ஆராய்ச்சி நிபுணர் கூறுகிறார்: "எம்ஆர்என்ஏ தடுப்பூசிகள், கொரோனாவை மட்டுமல்ல - புற்றுநோய் செல்களை எதிர்க்க நோயெதிர்ப்பு மண்டலத்தை 'தயார் நிலை'க்குக் கொண்டுவரலாம். அதாவது, இம்யூன் சிகிச்சையுடன் இணைந்து, உடலின் பாதுகாப்பு முறையை மிகவும் தீவிரமாகச் செயல்பட வைக்கிறது." ஆனால் - இது இன்னும் ஆராய்ச்சி கட்டத்தில் உள்ளது.

அமெரிக்க மருத்துவ சங்கங்கள் (ASCO) இன்னும், "புற்றுநோயை குணப்படுத்த தடுப்பூசி போடுங்கள்" என்று அதிகாரப்பூர்வமாக பரிந்துரைக்கவில்லை. புற்றுநோய் நோயாளிகளுக்கு கோவிட் தடுப்பூசியின் முக்கிய நோக்கம் - கோவிட்-19 தொற்றையும், அதன் பக்க விளைவுகளையும் தடுப்பதுதான்.ஆனால், அது வேறு வகையில் பலனளித்துள்ளது என்றார்.

மற்ற தடுப்பூசிகளும் இதே பலனைத் தருமா?

ப்ளு மற்றும் நிமோனியா தடுப்பூசிகள் (mRNA இல்லாதவை) - இதே விளைவைக் காட்டவில்லை.
BCG தடுப்பூசி - சிறுநீர்ப்பை புற்றுநோய்க்கு ஏற்கனவே சிகிச்சையாக பயன்படுத்தப்படுகிறது.
HPV & ஹெபடைடிஸ் B - வைரஸால் ஏற்படும் புற்றுநோயைத் தடுக்க உருவாக்கப்பட்டவை.
கோவிட் தடுப்பூசிகள் இந்த வகையில் இல்லை - ஆனால், இந்த புதிய ஆய்வு ஒரு புதிய நம்பிக்கையை திறந்துள்ளது.

முக்கிய குறிப்பு

கோவிட் தடுப்பூசி, புற்றுநோயை உண்டாக்காது! பலரும் அப்படி ஒரு வதந்தியை நம்புகிறார்கள். டாக்டர் ஜெஃப் யோரியோ (டெக்சஸ் ஆன்காலஜி) இதுகுறித்து விளக்குகிறார்: "2020-ல் கோவிட் பரவல் காரணமாக புற்றுநோய் பரிசோதனை செய்வது, குறைந்ததால் புற்றுநோய் கேஸ்கள் பதிவாகாமல் போனது. பின்னர் பரிசோதித்ததால், எண்ணிக்கை, அதிகரிப்பு வந்தது - அதற்கு தடுப்பூசி காரணமல்ல!" இவ்வாறு அவர் தெரிவித்தார்.

மாறாக, இந்த ஆய்வு கோவிட் தடுப்பூசிகள் புற்றுநோய் நோயாளிகளுக்கு வாழ்வை அதிகரிக்கும் சாத்தியத்தைக் காட்டுகிறது - ஆனால், இதை உறுதி செய்ய மேலும் முன்னோட்ட ஆய்வுகள் (clinical trials) தேவை. கோவிட் தடுப்பூசி போடுவது - தொற்றைத் தடுக்கவே முக்கியம். ஆனால், அதன் "பக்க விளைவுகளில்" ஒன்று நம்பமுடியாத அளவு நல்லதாக இருக்கும் என்றால்? அதை நாம் மறுக்க முடியாது. ஆராய்ச்சி தொடர்கிறது - நம்பிக்கை வளர்கிறது.