வேற லெவலில் மாறப்போகும் ட்விட்டர்.. டிவிட் மட்டும் இல்லை.. ஆடியோ-வீடியோ காலும் பேசலாம்..எலான் மஸ்க்
வாஷிங்டன்: பிரபல சமூக வலைத்தளமான ட்விட்டரில் விரைவில் வாய்ஸ் கால், வீடியோ கால் வசதி அறிமுகம் செய்யப்பட இருப்பதாக எலான் மஸ்க் அறிவித்துள்ளார். போன் நம்பர் இன்றி இந்த சேவையை பெற முடியும் என்றும் கூறியிருக்கிறார்.
ட்விட்டர் நிறுவனத்தை எலான் மஸ்க் கடந்த ஆண்டு கையகப்படுத்தினார். ட்விட்டரை வாங்கியதில் இருந்தே எலான் மஸ்க் பல்வேறு அதிரடி நடவடிக்கைகளை மேற்கொண்டு வருகிறார். ட்விட்டரை வாங்கிய கையோடு ஆட்குறைப்பு நடவடிக்கையில் ஈடுபட்டு ஊழியர்களுக்கு அதிர்ச்சி கொடுத்தார்.
அதோடு, பணியாளர்கள் கூடுதல் நேரம் பணியாற்ற வேண்டும் என்று அறிவுறுத்தியதோடு... ட்விட்டர் திவால் நிலைக்கு சென்று விடும் இதனால், வருவாயை பெருக்க பல்வேறு நடவடிக்கைகளை எடுப்பதாக அறிவித்தார். அதன்படி, ட்விட்டர் புளு வசதி அறிமுகம் செய்யப்பட்டது.
அரசியல் தலைவர்கள், பிரபலங்கள் என சில பிரதேயக கணக்குகளுக்கு மட்டும் கொடுக்கப்பட்டு வந்த புளு டிக் வசதியை அனைவருக்கும் கொடுக்கப்போவதாக அறிவித்த எலான் மஸ்க். இதற்காக பணம் கட்டினால் போதும் என்ற வசதியை அறிமுகம் செய்தார். அதாவது, மாதம் 8 டாலர் செலுத்தினால் அனைவருக்கும் செலுத்தினால் மட்டுமே ப்ளூ டிக் வழங்கப்படும் என்று ட்விட்டர் நிறுவனம் அறிவித்தது.
இந்த வசதியை பயன்படுத்தி பலரும் சந்தா கட்டணம் செலுத்தி ப்ளு டிக் வசதி வாங்கினர். அதேவேளையில் பிரபலங்கள் யாரும் இதற்கு அசைந்து கொடுக்கவில்லை. இதனால், சந்தா கட்டணம் செலுத்தாத பிரபலங்கள் மற்றும் பிரபல நிறுவனங்களின் ப்ளு டிக் வசதியை ட்விட்டர் கடந்த மாதம் 20 ஆம் தேதி பறித்தது.
எங்கள் மூலம் ட்விட்டருக்கு வருமானம் கிடைக்கும் போது, நாங்கள் ஏன் ப்ளூ டிக்குகளுக்கு சந்தா செலுத்த வேண்டும் என கேள்வி எழுப்பிய பிரபலங்கள், கட்டணம் செலுத்த மறுத்துவிட்டனர். அதன்பிறகு 10 லட்சத்திற்கும் மேற்பட்ட பாலோயர்களை கொண்ட பிரபலங்களுக்கு ட்விட்டர் நிறுவனம் ப்ளு டிக் வசதியை கொடுத்தது. இவ்வாறாக ட்விட்டரை வாங்கியதில் இருந்தே அடுத்தடுத்த நடவடிக்கைகளை எடுத்து வரும் எலான் மஸ்க், தற்போது புதிய வசதியை அறிமுகம் செய்ய இருப்பதாக அறிவித்துள்ளார்.
அதாவது ட்விட்டர் மூலமாக ஆடியோ மற்றும் வீடியோ கால் செய்யும் வசதி அறிமுகம் செய்யப்பட இருப்பதாகவும் இதற்காக போன் நம்பர் எதுவும் தேவையில்லை என்றும் கூறியிருக்கிறார். அதேபோல், என்கிரிப்ட் வசதி கொண்ட மெசேஜ் சேவையும் வரப்போதாக எலான் மஸ்க் அறிவித்துள்ளார். எலான் மஸ்க்கின் இந்த அறிவிப்பு ட்விட்டர் பயனர்களுக்கு மகிழ்ச்சியை கொடுத்துள்ளது.
எனினும் டிவிட்டரில் கணக்கு வைத்திருக்கும் அனைவருக்கும் இந்த வசதி கிடைக்குமா அல்லது ப்ளு ட்விட்டர் சப்ஸ்கிரைப்ஷன் செய்தவர்களுக்கு மட்டும்தான் கிடைக்குமா? என்ற விவரம் வெளியாகவில்லை. பேஸ்புக், இன்ஸ்டாகிராமில் ஏற்கனவே இந்த வசதி இருக்கும் நிலையில் மெட்டா நிறுவனத்திற்கு போட்டியாக ட்விட்டரும் இந்த சேவையை அளிக்க முன்வந்துள்ளது.
Click it and Unblock the Notifications
Sign in with Google