ஈரான் போல மாறுகிறதா அமெரிக்கா? LGBTQ+க்கு அதிரடி தடை விதித்த டிரம்ப்

வாஷிங்டன்: ஈரானில்தான் கலாச்சார காவலர்கள் என்கிற ஒரு குழு இருக்கும். அது ஹிஜாப் அணியாத பெண்களை தண்டிக்கும். அதேபோல இனி அமெரிக்காவிலும் மாற்று பாலினத்தவர்களுக்கு எதிராக கலாச்சார காவல் குழுக்கள் உருவாக வாய்ப்பு இருப்பதை டிரம்பின் பேச்சு உணர்த்துவதாக சர்வதேச அரசியல் விமர்சகர்கள் குற்றம்சாட்டியுள்ளனர்.

அப்படி நடந்தால் ஈரான் உள்ளிட்ட மத அடிப்படைவாத நாடுகளுக்கும், ஜனநாயக நாடாக தன்னை காட்டிக்கொள்ளும் அமெரிக்காவுக்கும் என்ன வேறுபாடு இருக்க முடியும் என்றும் பலரும் கேள்வி எழுப்பியுள்ளனர்.

டிரம்ப் சார்ந்திருக்கும் குடியரசு கட்சி ஒரு பழமைவாத கட்சி. அதிலும் டிரம் பழுத்த பழமைவாதி என்று சொல்லப்பட்டு வருகிறது. இந்த கூற்றுகளை மெய்ப்பிக்கும் விதமாகவே அவர் செயல்பட்டு வருகிறார்.

ஈரானில் சமீபத்தில் நடந்த போராட்டங்கள் உலக அளவில் கவனம் பெற்றிருந்தன. குறிப்பாக மாஷா ஆமினி என்கிற பெண்ணின் மரணத்திற்கு எதிராக எல்லோரும் குரல் கொடுத்தார்கள். அப்பெண் ஹிஜாபை சரியா அணியவில்லை என்று கூறி கலாச்சார காவலர்களால் தாக்கப்பட்டிருக்கிறார். இதில் அவர் மரணமடைந்தார். ஈரானை பொறுத்தவரை ஹிஜாப், புர்கா போன்றவற்றை பெண்கள் கட்டாயமாக அணிய வேண்டும்.

ஆனால் அமெரிக்கா சுதந்திரமானது என்று சொல்லப்பட்டது. இந்த சுதந்திரத்தை கேள்விக்கு உள்ளாகும் வகையில் டிரம்பின் நடவடிக்கைகள் இருக்கின்றன. கடந்த 2017ம் ஆண்டு அப்போதைய அதிபராக இருந்த டிரம்ப், தனக்கு முந்தைய அதிபர் ஒபமா LGBTQ சமூகத்தினர் குறித்து போட்டிருந்த உத்தரவை ரத்து செய்திருந்தார். அதாவது ராணுவத்தில் மாற்று பாலினத்தவர்களுக்கும் வேலை வாய்ப்பு வழங்கப்பட்டிருந்தது. இதனை டிரம்ப் பதவியேற்றவுடன் ரத்து செய்தார்.

அதேபோல பள்ளிகளில் மாற்று பாலினத்தவர்களுக்கு என தனியாக கழிப்பறைகள் இருந்தன. இந்த திட்டத்தையும் டிரம்ப் ஒழித்தார். மட்டுமல்லாது மாற்று பாலினத்தவர்களுக்கு சிகிச்சை அளிப்பதில் தனி கவனம் செலுத்தப்பட்டிருந்தது. இந்த நடைமுறையையும் டிரம்ப் நீக்கினார். அமெரிக்காவில் நீதிபதிகள் என்பது அதிபரின் அதிகாரத்திற்கு உட்பட்டு நியமனமாகும். அந்த வகையில் டிரம்ப் அதிபராக இருந்தபோது நியமிக்கப்பட்ட நீதிபதிகள் அனைவரும் LGBTQ குறித்து பழமைவாத கருத்துக்களையே கொண்டிருந்தனர்.

இதன் தொடர்ச்சியாக இன்று அதிபராக பதவியேற்ற டிரம்ப், தனது முதல் உரையில், "அமெரிக்காவில் இனி LGBTQ கொள்கைகளின் அடிப்படையில் அல்லாமல், ஒழுக்கம் மற்றும் தகுதியின் அடிப்படையில் ஒரு சமூகத்தை உருவாக்குவேன்" என்று கூறியிரக்கிறார்.

இதன் மூலம் அமெரிக்காவிலும் விரைவில் கலாச்சார காவலர்கள் உருவாக வாய்ப்புகள் இருப்பதாக சர்வதேச அரசியல் விமர்சகர்கள் கருதுகின்றனர்.

English summary

Iran has a group called the Cultural Guard, which will punish women who do not wear the hijab. Similarly, international political commentators have accused Trump of suggesting that cultural guard groups against transgender people are likely to emerge in the United States.