கொரோனாவை பத்தி பேசினாலே.. டிரம்ப் பீதியாகி விடுறாரே.. போட்டு தாக்கிய பிடன்

கமலா ஹாரிஸ் டீமில் ஒருவருக்கு கொரோனா தொற்று ஏற்பட்டுள்ளதாம்

Updated: Friday, October 16, 2020, 12:20 [IST]

Subscribe to Oneindia Tamil

வாஷிங்டன்: அமெரிக்காவை விட்டு இன்னும் கொரோனா போன பாடில்லை. இப்போது அமெரிக்க அதிபர் தேர்தலிலும் கொரோனா ஒரு பிரச்சினையாக உருவெடுத்துள்ளது. இந்த நிலையில் கமலா ஹாரிஸ் டீமில் ஒருவருக்கு கொரோனா வந்து விட்டதாம். இதற்கிடையே டிரம்ப்பை தனது பிரச்சாரத்தில் கொரோனாவைப் பத்திப் பேசினாலே பீதியாகி விடுகிறார் என ஜோ பிடன் கூறியுள்ளார்.

ஏற்கனவே இப்படித்தான் அதிபர் டொனால்ட் டிரம்ப்புக்கு கொரோனா வந்தது. அதேபோல துணை அதிபர் பென்ஸ் கண்கள் சிவந்திருந்தது தொடர்பாகவும் பரபரப்பாக பேசப்பட்டது. இப்போது கமலா ஹாரிஸ் டீம் வரைக்கும் கொரோனா வந்து விட்டது.

Kamala Harris’s team member tested positive for coronavirus

இதன் காரணமாக தனது பிரச்சாரத்தை ரத்து செய்துள்ளார் கமலா ஹாரிஸ். நேரில் சென்று வாக்கு சேகரிப்பதற்குப் பதில் ஆன்லைன் மூலமாக அவர் வாக்கு சேகரிக்க போகிறாராம்.

சீனாவிலிருந்து கிளம்பிய கொரோனாவைரஸ் தொடர்ந்து உலகையே உலுக்கிக் கொண்டுள்ளது. குறைவது போலத் தோன்றினாலும் கூட 2வது அலை என்று இப்போது பரபரப்பாக போய் கொண்டிருக்கிறது கொரோனாவைரஸ்... இந்த நிலையில்தான் அமெரிக்க அதிபர் தேர்தலில் கொரனாாவும் ஒரு பெரிய பிரச்சினையாக உருவெடுத்துள்ளது.

அதிபர் டிரம்ப் கொரோனா ஒழிப்பில்தோல்வி அடைந்து விட்டதாக ஜனநாயகக் கட்சி அதிபர் வேட்பாளர் ஜோ பிடன் கடுமையாக சாடி வருகிறார்.. தொடர்ந்து அதையே குறி வைத்தும் பேசி கொண்டிருக்கிறார்... அமெரிக்க பொருளாதாரத்தை கொரோனாவைரஸ் காலிசெய்து விட்டதாக கூறியுள்ள அவர் கொரோனாவை ஒழித்தால்தான் பொருளாதாரத்தை சீர் செய்ய முடியும் என்றும் கூறியுள்ளார்.

இதற்கிடையே டிரம்ப் - பிடன் இடையிலான 2வது விவாதம் ரத்தாகி விட்ட நிலையில் வியாழக்கிழமையன்று ஆளுக்கொரு டிவியில் தோன்றி பேசினர்.. 2வது விவாதத்திற்கு வர டிரம்ப் மறுத்து விட்டதால் அது ரத்தானது என்பது நினைவிருக்கலாம்.. இந்த நிலையில் வியாழக்கிழமையன்று இருவரும் 2 நிகழ்ச்சிகளில் கலந்து கொண்டனர்.

வாக்காளர்கள் கேட்கும் கேள்விகளுக்கு பதில் அளித்தனர். டிரம்ப் என்பிசி டிவிக்காகவும், பிடன் ஏபிசி டிவிக்காகவும் இந்த நிகழ்ச்சியில் கலந்துகொண்டனர்.. அப்போது பிடன் பேசுகையில், டொனால்ட் டிரம்ப், கொரோனா குறித்துப் பேசினாலே பீதியாகி விடுகிறார் என்று நக்கலடித்தார்.. பதிலுக்கு டிரம்ப், நாங்கள் மிகவும் திறமையாக இந்த பிரச்சினையை கையாண்டுள்ளோம் என்று பதிலடி கொடுத்தார்.