கிம்மின் உடல் நிலை குறித்து... என்ன இப்படி சொல்லிவிட்டார் அமெரிக்க அதிபர் டிரம்ப்!

Updated: Wednesday, April 22, 2020, 10:07 [IST]

Subscribe to Oneindia Tamil

வாஷிங்டன்: அமெரிக்க அதிபர் டொனால்ட் டிரம்ப், வட கொரியா அதிபர் கிம் ஜாங் உன்னின் உடல்நிலை குறித்து தனக்குத் தெரியாது என்று கூறினார்.

Recommended Video

கிம்மின் உடல் நிலை... என்ன இப்படி சொல்லிவிட்டார் அமெரிக்க அதிபர் டிரம்ப்!

அமெரிக்க மற்றும் தென் கொரிய அதிகாரிகள் வட கொரியாவின் தலைவரான கிம் ஜாங் உன்னின் உடல் நிலை குறித்து மாறுபட்ட தகவல்களை வழங்கினர். இதன் காரணமாக டிரம்ப் ஒரு பெரிய கொண்டாட்டத்திற்கு வெளிப்படையாக வரவில்லை.

கிம் ஜாங் உன் பற்றிய கேள்விக்கு வெள்ளை மாளிகையில் பதில் அளித்த அதிபர் டிரம்ப், "நான் அவரை நல்ல உடல் நலம் பெற வாழ்த்துகிறேன். நாட்டின் நலனுக்காக எங்களுக்குள் நல்ல உறவு இருந்தது. அவர் நலமாக இருப்பதை காண விரும்புகிறேன்.

உடல் நிலை பற்றி

மேலும் கிம் உடல்நலம் மோசமடைவதாக வரும் தகவல்கள் உண்மை என்று வந்தாலும், அதை பற்றி "எங்களுக்குத் தெரியாது. இந்த தகவல் உண்மையா இல்லையா என்பதை கிம்மே வெளிவந்து சொல்லக்கூடும், அவர் என்ன செய்கிறார் என்பதை பார்ப்போம்" என்று டிரம்ப் கூறினார்.

தென்கொரியா மாறுபட்ட விளக்கம்

இதனிடையே அமெரிக்க அதிகாரிகள் கூறுகையில், கடந்த வாரம் இருதய அறுவை சிகிச்சைக்கு பின்னர் கிம் ஆபத்தான நிலையில் இருப்பதாக தங்களுக்குத் தெரிவிக்கப்பட்டது. தற்போது அவரது உடல்நிலை குறித்து எங்களுக்கு தெரியவில்லை. இதனிடையே தென் கொரிய அதிபர் மூன் ஜே-இன் அலுவலகம், வடகொரியா அதிபர் கிம் நாட்டின் கிராமப்புறங்களில் நெருங்கிய உதவியாளர்களின் உதவியுடன் சாதாரண வேலைகளில் இருப்பதாக சொல்கிறார்கள் என்று கூறினார்கள்

விளக்கமும் வரவில்லை

கிம் எப்படி இருக்கிறார் என்பது பற்றி புதன்கிழமை காலை வரை வட கொரிய அரசு ஊடகங்களில் இருந்து தொடர்ந்து எந்த தகவலும் வரவில்லை. உலகெங்கிலும் கிம் பற்றி செய்திகள் அதிகரித்து வரும் நிலையில் கிம் பற்றி எந்த ஒரு செய்தியையும் வட கொரியா அரசு ஊடகமோ, அல்லது வடகொரியா அரசு பிரதிநிதிகளோ தெரிவிக்கவில்லை.

யாரும் பார்க்கவில்லை

கிம் ஜாங் உன் தாத்தாவின் பிறந்தநாள் ஏப்ரல் 15 ஆம் தேதி கொண்டாடப்பட்டது. வழக்கமாக இதில் கிம் பங்கேற்பார். ஆனால் இந்த ஆண்டு பிறந்த நாள் விழாவில் கிம் பங்கேற்கவில்லை. ஐந்து நாட்களுக்கு முன்னர் அவர் ஒரு அரசாங்க கூட்டத்தில் தோன்றினார். அப்போதுதான், மக்கள், கடைசியாக அவரை பொது நிகழ்வில் பார்த்தனர்.

அண்ணன் இடத்தில் தங்கை

இதனிடையே அதிபர் கிம்மின் உடல்நிலை குறித்த தகவல்கள் காட்டுத் தீ போல் வேகமாக பரவி வரும் நிலையில் அவரது இளைய சகோதரி கிம் யோ ஜங் (31), வடகொரியாவின் தலைவராக உருவெடுப்பார் என்று ஊடகங்கள் சொல்கின்றன. இப்போதைய நிலையில் அமெரிக்கா உள்பட எந்த நாடும் வடகொரியா அதிபருக்கு என்ன நடந்தது என்பதை சொல்ல முடியாது. முற்றிலும் மர்ம தேசமாக உள்ளதே இதற்கு காரணம்.