மகா சிவராத்திரி பூஜை.. அடடே வணங்கான் பட ஹீரோயினும் ஈஷா யோகா மையத்தில் என்னம்மா டான்ஸ் ஆடுறாங்க!

கோவை: ஈஷா யோகா மையத்தில் உள்ள ஆதியோகி சிலை முன் ஆண்டுதோறும் மகா சிவராத்திரி விழா பிரம்மாண்டமாக நடைபெற்று வருகிறது. அரசியல் தலைவர்கள் முதல் பிரபல நடிகைகள் வரை பலரும் ஈஷா யோகா மையத்தில் நடைபெறும் சிவராத்திரி பூஜையில் கலந்துக் கொண்டு இரவு முழுவதும் உற்சாக நடனமாடிய காட்சிகள் ரசிகர்களை பரவசப்படுத்தி உள்ளன.

நடிகைகள் தமன்னா, சாரா அர்ஜுன், ஸ்ரீனிதி ஷெட்டி, ஸ்ரீலீலா உள்ளிட்ட பல பிரபலங்கள் இந்த ஆண்டு நடைபெற்ற மகா சிவராத்திரி பூஜையில் கலந்துக் கொண்டு உற்சாக நடனமாடிய காட்சிகள் வைரலாகின.

Photo Credit:

Roshini Prakash / Instagram

இந்நிலையில், பாலா இயக்கத்தில் அருண் விஜய் நடித்த வணங்கான் படத்தில் நடித்த நடிகை ரோஷினி பிரகாஷும் தனது அம்மாவுடன் ஈஷா யோகா மையம் சென்று சிவராத்திரியை கொண்டாடிய நிலையில், அங்கே நடனமாடிய வீடியோவையும் புகைப்படங்களையும் ஷேர் செய்துள்ளார்.

பிரமாண்டமாக கொண்டாடப்படும் மகா சிவராத்திரி: அம்மனுக்கு கொண்டாடப்படும் நவராத்திரி விழா தசரா பண்டிகை என நாட்டின் பல்வேறு பகுதிகளில் சிறப்பாக கொண்டாடப்பட்டு வரும் நிலையில், சிவனுக்காக கொண்டாடப்படும் மகா சிவராத்திரி விழா தமிழ்நாட்டில் உள்ள பஞ்சபூத தலங்கள் முதல் நாடு முழுக்க வெகு சிறப்பாக கொண்டாடப்பட்டு வருகிறது. கோவையில் ஈஷா யோகா மையத்தில் பிரம்மாண்டமாக ஆதியோகி சிலை உருவாக்கப்பட்ட நிலையில், பல சினிமா பிரபலங்களும் அரசியல் தலைவர்களும் அங்கே ஆண்டுதோறும் நடைபெற்று வரும் மகா சிவராத்திரி விழாவில் பங்கேற்று வருகின்றனர்.

Photo Credit:

Roshini Prakash / Instagram

தமன்னா முதல் சாரா அர்ஜுன் வரை: நடிகை சமந்தா சமீபத்தில் தனது 2வது திருமணத்தையே ஈஷா யோகா மையத்தில் தான் நடத்தினார். இந்த ஆண்டு சமந்தா வருவார் என எதிர்பார்க்கப்பட்ட நிலையில், அவர் பங்கேற்றது போல தெரியவில்லை. லவ் பிரேக்கப் ஆன நடிகை தமன்னா இந்த ஆண்டு சிவராத்திரி விழாவில் பங்கேற்று உற்சாக நடனமாடினார். துரந்தர் படத்தின் மூலம் 1000 கோடி ஹீரோயினாக மாறிய நடிகை சாரா அர்ஜுனும் இந்த திருவிழாவில் பங்கேற்றார். மேலும், கேஜிஎஃப் நடிகை ஸ்ரீனிதி ஷெட்டி, பராசக்தி பட ஹீரோயின் ஸ்ரீலீலா, நாகினி நடிகை மெளனி ராய் உள்ளிட்ட பல பிரபலங்கள் பங்கேற்றனர்.

வணங்கான் ஹீரோயின் டான்ஸ்: பாலா இயக்கத்தில் அருண் விஜய் நடித்து கடந்த ஆண்டு பொங்கலுக்கு வெளியான வணங்கான் திரைப்படத்தில் ஹீரோயினாக நடித்து அசத்திய நடிகை ரோஷினி பிரகாஷ் ஈஷா யோகா மையத்தில் நடைபெற்ற மகா சிவராத்திரி விழாவில் பங்கேற்று நடனமாடிய காட்சிகளை தனது இன்ஸ்டாகிராம் பக்கத்தில் வெளியிட்டுள்ளார். வணங்கான் படத்தில் தனது மொத்த நடிப்புத் திறமையும் ரோஷினி வெளிக்காட்டி செம போல்டாக நடித்திருப்பார். தொடர்ந்து அவருக்கு பட வாய்ப்புகள் கிடைக்க வேண்டும் என ரசிகர்கள் வாழ்த்தி வருகின்றனர்.

Credit: Filmibeat