ஃபெட்னா விழா - எஸ் ராமகிருஷ்ணன், சரோஜா தேவி, அமலா பால் பங்கேற்பு!

வட அமெரிக்க தமிழ்ச் சங்கப் பேரவையின் வெள்ளி விழா வரும் ஜூலை 6 மற்றும் 7 ஆகிய தேதிகளில் மேரிலாண்ட் மாகாணத்தின் பால்டிமோர் நகரில் நடக்கிறது.

இந்த விழாவில் எழுத்தாளர் எஸ். ராமகிருஷ்ணன், நடிகர்கள் பரத், சிவகார்த்திகேயன், நடிகைகள் சரோஜாதேவி, அமலாபால் பின்னணிப் பாடகி சித்ரா ஆகியோர் பங்கேற்கிறார்கள்.

கடந்த 30 ஆண்டுகளாக வட அமெரிக்காவில் இயங்கி வரும் ஃபெட்னா, இந்த ஆண்டு விழாவை வாஷிங்டன் வட்டார தமிழ் சங்கத்துடன் இணைந்து நடத்துகிறது.

பால்டிமோரில் உள்ள ஜோஸப் மெயராஃப் சிம்பனி ஹாலில் இரு தினங்கள் நடக்கும் இந்த விழாவில், எஸ் ரா, சகாயம் ஐஏஎஸ், மறைமலை இலக்குவனார், தமிழச்சி தங்க பாண்டியன் ஆகியோர் சிறப்புச் சொற்பொழிவாற்றுகிறார்கள்.

தமிழறிஞர் மு வரதராசனாரின் நூற்றாண்டு விழாவும் கொண்டாடப்படுகிறது.

வாழும் கலை ஸ்ரீஸ்ரீரவிசங்கர், நடிகர் சிவகார்த்திகேயன், மதுரை முத்து என ஏராளமான கலைஞர்கள் இதில் பங்கேற்கிறார்கள்.

இலக்கிய வினாடி வினா, பட்டிமன்றம், கவியரங்கம், நேர்காணல்கள், எஸ் ராவுடன் வலைப்பதிவர்கள் சந்திப்பு, இணைய திருமண தகவல் பரிமாற்றம், யோகா, மருத்துவ கல்வி, தொழிலதிபர்கள் சந்திப்பு என ஏராளமான நிகழ்ச்சிகள் நடைபெற உள்ளன.

நுழைவுக் கட்டணம் 75 டாலர்கள். விவரங்களுக்கு www.fetna.org-ல் பார்த்து முன்பதிவு செய்து கொள்ளவும்.

English summary

Leading writer S Ramakrishnan, actresses Saroja Devi, Amala Paul and singer Chitra are going to participate in Fetna event at Baltimore, Maryland.