அடிச்சாலே சிக்ஸர் தான்.. தேர்தல் களத்தை பற்ற வைக்கும் எடப்பாடி பழனிசாமியின் புதிய அவதாரம்!
சென்னை: தமிழ்நாட்டு அரசியல் களத்தில் எதிர்பார்க்காத திருப்பங்களை அடுத்தடுத்து உருவாக்கி அதிரடி ஆட்டம் ஆடிக்கொண்டிருக்கிறார் அதிமுக பொதுச்செயலாளர் எடப்பாடி பழனிசாமி.
பாஜகவின் கூட்டணிக்கட்சி என்ற ஒற்றை வாதத்தால் எளிதில் முடக்கிவிட முடியும் என்று திமுக எண்ணிக்கொண்டிருந்த சமயத்தில் பாஜகவுடன் கூட்டணி கிடையாது என்று உறுதியாக அடித்தார் எடப்பாடி பழனிசாமி. சொல்லப்போனால், கட்டிப்பிடித்திருந்த கரடி அலட்சியமாக அசந்த நேரம் அதுபுத்திசாலித்தனமாக தப்பிப்பதைப் போன்ற முடிவு அது. அதன்பிறகு கரடியின் நெருக்கடிகளிலிருந்து தப்பிப்பதே போதும் போதும் என்று இருந்திருக்கும். ஆனால், அதையும் தாண்டி பிரசாரங்களைத் தொடங்கிய ஒரே வாரத்தில் ஒட்டுமொத்த தமிழ்நாட்டுக்கும் எம்.ஜி.ஆர் மற்றும் ஜெயலலிதாவின் அதிமுகவை மீண்டும் காட்டினார் எடப்பாடி பழனிசாமி.
சாதுவான, சிரித்த முகமாக அறியப்பட்ட எடப்பாடி பழனிசாமி மேடைக்கு மேடை புது அவதாரமெடுத்தார் என்பதை தமிழ்நாடு பார்த்தது. மெல்ல மெல்ல இளைஞர்களின் கவனத்தை ஈர்த்த எடப்பாடி பழனிசாமி, அடுத்தடுத்த மேடைகளில் ஆவேசமாக அடித்து ஆடினார்.
தன் மீதும் அதிமுக மீதும் வைக்கப்படும் விமர்சனங்களை அவர் எதிர்கொண்ட விதம்தான் அடுத்த லெவலுக்கு அவரை உயர்த்தியது. வாசகங்களுக்கு வாசகம், போட்டோவுக்கு போட்டோ, புகார் பெட்டிகள் என இவர் கையாண்ட பிரசார உத்திகள் திமுகவினரின் பிரச்சார உத்திகளை வெகு எளிதாக ஓவர்டேக் செய்தன. திமுக என்னும் பிம்பத்தால் கவனிக்கப்படாமல் இருந்த அதிமுகவின் பலத்தை அசுர வேகத்தில் வெளிக்காட்டிய இந்த நிகழ்வுகளால் மீண்டும் தமிழ்நாட்டு அரசியலில் தன் ஆளுமையை நிலைநாட்டியுள்ளது அதிமுக.
பிரச்சார மேடைகள் ஒருபுறமென்றால் தேர்தல் நேரத்தில் செய்தியாளர் சந்திப்புகள் மற்றும் ஊடகப் பேட்டிகளை கையாண்ட விதம் தனிச்சிறப்பு. கூட்டணி குறித்த கேள்விகள், எதிர்தரப்பினரின் விமர்சனங்கள் என எந்தக் கேள்வி வந்த போதும் தனக்கே உரிய பாணியில் சிரித்தபடி கொடுத்த சவுக்கடி பதில்கள் ஒவ்வொன்றுமே டாப்.
குறிப்பாக அதிமுக ஆட்சி காலத்தில் வாங்கிய கடன்கள் குறித்தும் அந்த கடன்களை செலவு செய்தது குறித்தும், மூலதன செலவுகளின் முக்கியத்துவம் குறித்தும் எடப்பாடி பழனிசாமி பேசிய பேச்சு, படித்த இளைஞர்கள் இடையே பெரும் வரவேற்பைப் பெற்றுள்ளது. இதுக்குறித்து அவர் பேசிய வீடியோ சமூக வலைத்தளங்களில் வைரல் ஆகி வருகிறது. அதுமட்டும் இல்லாமல் விவசாயம், நீர் மேலாண்மை, மாநில உரிமை என எந்த சப்ஜெக்ட்டை எடுத்தாலும் அடித்து ஆடுகிறார் எடப்பாடி.
மொத்தத்தில், மீண்டும் அதிமுக தன் பழைய ஃபார்முக்கு வந்திருப்பதை தமிழ்நாடு, குறிப்பாக இளைய தலைமுறைக்கு காட்டிவிட்டார் எடப்பாடி பழனிசாமி. அடிச்சாலே சிக்ஸர் தான் பாணியில் அடித்து ஆடிய ஆட்டத்திற்கான நல்ல பலனை ஜுன் 4 ஆம் தேதி எதிர்பாக்கலாம்.
Click it and Unblock the Notifications
Sign in with Google