Andra Spicy chicken: காரசாரமான ஆந்திரா சிக்கன்.. இப்படி சமைச்சு பாருங்க.. டேஸ்ட் அள்ளும்

Andra Spicy chicken: சிக்கனில் பல வெரைட்டியான உணவுகள் உள்ளன. தமிழகத்தின் ஒவ்வொரு பகுதிக்கும் ஒரு வகையான ருசி உள்ளது. அதுபோலத்தான் ஆந்திரா உணவும். காரசாரமான உணவென்றாலே சட்டென்று நினைவுக்கு வருவது ஆந்திரா உணவுகள்தான். ஆந்திரா ஸ்பெஷல் ஸ்பைசி சிக்கன் ஈஸியாக செய்வது எப்படி என்று தெரிந்து கொள்ளலாம்.

ஆந்திரா சிக்கன் செய்ய தேவையான பொருள்கள்

சிக்கன் - 800 கிராம்

நெய் - 2 டேபிள் ஸ்பூன்

எண்ணெய் - 4 டேபிள் ஸ்பூன்

பெரிய வெங்காயம் - 200 கிராம்

மஞ்சள் தூள் - 1/2 டேபிள் ஸ்பூன்

மிளகுத்தூள் - 1 டேபிள் ஸ்பூன்

வறுக்கத் தேவையான பொருள்கள்

ஏலக்காய் - 2

பட்டை - 4 சிறிய துண்டு

இலவங்கம் - 6

வரமிளகாய் - 8

கொத்தமல்லி - 1 டேபிள் ஸ்பூன்

பூண்டு - 10 பல்

சோம்பு - 1/2 டேபிள் ஸ்பூன்

சீரகம் - 1/2 டேபிள் ஸ்பூன்

கறிவேப்பிலை - சிறிதளவு

கொத்தமல்லித் தழை

ஆந்திரா சிக்கன் செய்யும் முறை

1.அடுப்பில் ஒரு கடாயை வைத்து வறுக்க வேண்டிய அனைத்துப் பொருள்களையும் சேர்த்து மிதமான சூட்டில் வறுத்தெடுக்கவும். வறுத்த பொருள்களை ஆறவிட்டு, மிக்ஸி ஜாரில் சேர்த்து பொடி செய்து கொள்ளவும். பின்னர், 10 பல் பூண்டை வறுத்து இந்தப் பொடியுடன் சேர்த்து அரைத்துக் கொள்ளவும்.

2. அடுப்பில் ஒரு பாத்திரத்தை வைத்து கழுவி சுத்தம் செய்து வைத்த சிக்கனைப் போட்டு உப்பு, மஞ்சள்தூள், மிளகுத்தூள் சேர்த்து நன்கு கலந்து கொள்ளவும். பின்னர், 1 மணி நேரம் ஊற வைத்துக் கொள்ளவும்.

3. கடாயில் எண்ணெய், நெய் சேர்த்து காய்ந்ததும் பெரிய வெங்காயத்தை சேர்க்கவும். அதில், ஊறவைத்த சிக்கனைப் போட்டு 10 நிமிடம் நன்கு வதக்கிக் கொள்ளவும்.

4. 10 நிமிடம் மூடி போட்டு வேக வைக்கவும். சிக்கன் நன்றாக வெந்ததும் பொடித்து வைத்துள்ள மசாலாத் தூளஐ சேர்க்கவும். சிக்கன் வெந்ததும் கறிவேப்பிலை, கொத்தமல்லித்தழை சேர்த்து இறக்கினால் காரசாரமான ஆந்திரா சிக்கன் ரெடி.

English summary

Andra chicken recipe in tami: Let's learn how to make andra chicken recipe.