Murungaikeerai chutney recipe: இட்லி, தோசைக்கு தொட்டுக்க! முருங்கை கீரை சட்னி எப்படி செய்வது தெரியுமா?

Moringa chutney recipe in Tamil: முருங்கை கீரை போட்டு சட்னி செய்யலாமா? முருங்கை கீரையில் இரும்பு சத்து அதிகம் இருக்கிறது. இதை எடுத்துக் கொண்டால் ரத்த சோகை நோய் வராது. மேலும் கீரை சாப்பிடாதவர்களுக்கு இப்படி கொடுக்கலாம். இதை தோசை, இட்லிக்கு தொட்டு சாப்பிட சுவை அட்டகாசமாக இருக்கும்.

இட்லி, தோசைக்கு விதவிதமாக சட்னி அரைத்து வீட்டில் இருப்பவர்களை அசத்தி விடலாம்! வாங்க முருங்கைக் கீரை சட்னி எப்படி செய்யுறதுனு பார்க்கலாம்.

தேவையான பொருட்கள்

எண்ணெய் - 2 டீஸ்பூன்
கடலை பருப்பு- 1 டேபிள் ஸ்பூன்
உளுத்தம் பருப்பு- 1 டேபிள் ஸ்பூன்
மிளகு, சீரகம்- தலா கால் டீஸ்பூன்
வெங்காயம்- 1
பச்சை மிளகாய்- 2
வற்றல் மிளகாய்- 2
புளி - சிறிதளவு
முருங்கை கீரை- 2 கைப்பிடி
தேங்காய்- 2 டேபிள் ஸ்பூன்
உப்பு- தேவையான அளவு
கடுகு- ஒரு டீஸ்பூன்

செய்முறை

ஒரு வாணலியில் எண்ணெய் ஊற்றி, அது காய்ந்ததும் கடலை பருப்பு, உளுத்தம் பருப்பு சேர்த்து அது பொன்னிறம் வரும் வரை வறுக்க வேண்டும்.

அதில் மிளகு, சீரகம், வெங்காயம் சேர்த்து வதக்கிவிடவும். பின்னர் பச்சை மிளகாய், வற்றல் மிளகாய், புளி சேர்த்து 2 நிமிடம் வதக்கவும். முருங்கை கீரை போட்டு நன்றாக வதக்கிவிடவும்.

பின்னர் தேங்காய், உப்பு சேர்த்து வதக்கி ஆற வைத்து மிக்ஸியில் சேர்த்து அரைத்து கடுகு சேர்த்து தாளித்துக் கொள்ளலாம்.

English summary

Drumstick leaves are rich in iron and help prevent anemia. Making chutney with these nutritious leaves is an easy way to include them in the diet, especially for those who don’t usually eat greens. This flavorful chutney pairs perfectly with idli and dosa and offers a delicious, healthy alternative.