அரை கிலோ சின்ன வெங்காயத்தை 20 நிமிஷத்தில் உரித்துவிடலாமே! ஈஸி டிப்ஸ்!

How to peel small onion: சின்ன வெங்காயத்தின் தோலை உரிப்பதற்கு ஒரு எளிதான டிப்ஸ்ஸை பார்க்கலாம். சின்ன வெங்காயம் உரிக்கும் போது நேரமும் அதிகரிக்கும், கண்களும் எரியும். இவை ஏற்படாமல் இருக்க என்ன செய்ய வேண்டும் என்பதை தெரிநது கொள்ளுங்கள்.

வெங்காயம் உரிப்பது, நறுக்குவது என்றால் பலர் சற்று தள்ளியே இருப்பதுண்டு. இன்னும் சிலர், "ஐயோ கண் எரியுதே இந்த வெங்காயத்தை யார் கண்டுபிடித்தார்களோ" என திட்டிக் கொள்வார்கள்.

அதிலும் சின்ன வெங்காயத்தை உரிப்பது என்பது பெரும் சவாலான விஷயமாகும். அதிலும் அவசரத்திற்கு உரிப்பது என்பதெல்லாம் நடக்காத காரியம். என்னதான் கத்தியை பயன்படுத்தி தோலை உரித்தாலும் சற்று சிரமப்பட வேண்டியிருக்கும்.

கண்களும் எரியும். இதனால் சிறிய வெங்காயத்தை எப்படி எளிதாக உரிப்பது என்பதை பார்க்கலாம். முதலில் உங்களுக்கு தேவையான சின்ன வெங்காயத்தின் வேர் பகுதி அடி பகுதியை வெட்டிக் கொள்ளவும்.

ஒவ்வொன்றாக வெட்டி தண்ணீரில் போடவும். இப்படி தண்ணீரில் போடப்பட்ட வெங்காயம் 20 நிமிடம் ஊற வேண்டும். பின்னர் எடுத்து பார்த்தால் அப்படியே கைகளால் உரிக்கும் அளவுக்கு எளிதாக தோல் வந்துவிடும்.