White Ellu Chutney: வெள்ளை எள் கால் கப் இருந்தால் போதும்! சூப்பரான சட்னி செய்யலாமே!

White Ellu Chutney recipe: வெள்ளை எள்ளை வைத்து சூப்பரான ஒரு சட்னி செய்வது எப்படி என்பதை பார்க்கலாம். வெள்ளை எள் நமது கல்லீரல், சிறுநீரகத்தை பாதுகாக்கிறது, இதயத்தை மேம்படுத்துகிறது. இந்த வெள்ளை எள்ளை அலர்ஜி இருப்போர் பயன்படுத்தக் கூடாது!

தேவையான பொருட்கள்

சிகப்பு மிளகாய்- 4- 5
பச்சை மிளகாய்- 2
இஞ்சி - அரை இன்ச்
பூண்டு 6- 7
வெள்ளை எள்- கால் கப்
புளி- 1 நெல்லிக்காய் சைஸ்
கொத்தமல்லி- ஒரு கைப்பிடி
புதினா இலைகள்- ஒரு கைப்பிடி
தேங்காய்- 2 டேபிள் ஸ்பூன்
உப்பு- தேவையான அளவு

தாளிக்க

எண்ணெய்- 2 டீஸ்பூன்
கடுகு- 1 டீஸ்பூன்
சிகப்பு மிளகாய்- 2
கறிவேப்பிலை- சிறிது

செய்முறை

ஒரு கடாயில் சிகப்பு மிளகாய், பச்சை மிளகாய், இஞ்சி, பூண்டு, வெள்ளை எள், புளி ஆகியவற்றை எண்ணை ஊற்றாமல் வெறுமனே 2 நிமிடம் வறுக்க வேண்டும்.

பின்னர் அவற்றை ஆற வைத்து அதை மிக்ஸி ஜாருக்கு மாற்றி அத்துடன் கொத்தமல்லி, புதினா, தேங்காய், தேவையான அளவு உப்பு, தண்ணீர் சேர்த்து அரைக்க வேண்டும்.

அந்த கலவையில் மேலே தாளிக்க சொன்னதை தாளித்து கொட்டவும். வெள்ளை எள் உடலுக்கு நல்லது. எனவே இவற்றை வாரத்தில் ஒரு முறை சட்னி அரைத்து கொடுக்கலாம்.