Mudakkathan Dosai: உடலுக்கு வலிமை தரும்.. ஆரோக்கியமான முடக்கத்தான் தோசை செய்வது எப்படி?

Updated: Tuesday, December 2, 2025, 19:57 [IST]

Subscribe to Oneindia Tamil

Mudakathan Dosai Recipe: வீட்டில் தினமும் வழக்கமான இட்லி, தோசை சாப்பிட்டு சலித்துவிட்டதா. உங்களுக்காகவே சற்று வித்தியாசமாகவும், மிகுந்த ஆரோக்கியத்துடனும் சூப்பரான டிபன் முடக்கத்தான் தோசை. மூட்டுவலி, அலர்ஜி உள்ளிட்ட பல்வேறு பிரச்சனைகளுக்கு முடக்கத்தான் சிறப்பான வைத்தியக்காரனாக செயலாற்றும். முடக்கத்தான் தோசை செய்வது எப்படி என்று இந்தக் கட்டுரையில் பார்க்கலாம்.

பரபரப்பான வாழ்க்கை முறையில் நாம் அதிகம் மிஸ் செய்யும் ஒன்று ஆரோக்கியம். துரித உணவுகள் நம் வாழ்க்கை முறையை அதிகம் ஆக்கிரமித்துவிட்டன. உடல் நலம் பாதிக்கப்பட்ட பிறகு தான், இயற்கை உணவுகளை தேடி செல்கிறார்கள். அப்படி சமீப காலமாக சமையலறைகளில் சக்கை போடு போட்டு கொண்டிருக்கிறது முடக்கத்தான் தோசை.

முடக்கத்தான் கீரை மூட்டு வலியை போக்கும், அலர்ஜி, வீக்கம், சளி உள்ளிட்ட பல பிரச்சனைகளுக்கு எதிராக அரு மருந்தாக செயலாற்றும். தோசை பச்சை நிறத்தில் இருப்பதால் குழந்தைகளும் இதை ரசித்து ருசித்து ஆர்வமாக சாப்பிடுவார்கள். வழக்கத்திற்கு மாறான ஆரோக்கியமான டிபன் வகையால் உங்கள் உடலும், மனமும் பலமடையும்.