Veg Omelette: முட்டை ஆம்லெட் சாப்பிட முடியலையா! ஐயப்பனுக்கு விரதமா? வெஜ் ஆம்லெட் செய்யலாமா?

Veg Omelette recipe: புரட்டாசி மாதம், கார்த்திகை மாதங்களில் பலர் அசைவ உணவுகளை சாப்பிட மாட்டார்கள். அந்த அளவுக்கு கட்டுப்பாடாக இருப்பார்கள். ஆனால் சிலருக்கு எங்காவது ஆம்லெட்டை பார்த்துவிட்டால், நாக்கு ஊறும் (தவறு இல்லை, ஆனாலும் கட்டுப்பாடு என்பது அவசியம்)!

ஐயோ தெய்வ குத்தமாகிவிடுமே என்ற அச்சமும் இருக்கும். இதுபோன்ற விரத காலங்களில் ஆம்லெட்டை போன்றே சுவையை கொடுக்கக் கூடிய ஒரு ரெசிபியை செய்யலாம்.

தேவையான பொருட்கள்

வெள்ளை கொண்டைகடலை- 1 கப்

வெங்காயம்- 2

பச்சை மிளகாய்- 2

மிளகு தூள்- அரை டீஸ்பூன்

எண்ணெய்- தேவைக்கேற்ப

உப்பு- தேவைக்கேற்ப

கொத்தமல்லி, கறிவேப்பிலை- சிறிது

செய்முறை

வெள்ளை கொண்டைக் கடலையை இரவு ஊற வைத்துக் கொள்ளுங்கள்.

இந்த கொண்டைக் கடலையை நைஸாக அரைத்துக் கொள்ளுங்கள்.

பிறகு ஒரு பாத்திரத்தில் பொடியாக நறுக்கிய வெங்காயம், பச்சை மிளகாய் சேர்த்து, கொத்தமல்லி, கறிவேப்பிலை சேர்க்கவும்.

பிறகு அரைத்த கொண்டை கடலையை அதில் ஊற்றி, உப்பு, மிளகு தூள் சேர்த்து ஆம்லெட் பதத்திற்கு தண்ணீர் ஊற்றி கரைத்துக் கொள்ளவும்.

பின்னர் ஒரு வாணலியில் எண்ணெய் தடவி, ஒரு கரண்டி மாவை ஊற்றி நன்றாக பரப்பிவிடவும், பின்னர் எண்ணெய் ஊற்றி இரு பக்கமும் வேக வைத்துவிடுங்கள். இது சாப்பிடுவதற்கு அப்படியே ஆம்லெட் போல் இருக்கும். புரதச் சத்தும் கிடைக்கும்.