Pallipalayam Chicken: காரசாரமான பள்ளிபாளையம் சிக்கன்.. இப்படி சமைச்சு பாருங்க..டேஸ்ட் சும்மா அள்ளும்

How to make pallipalayam chicken: சிக்கன் உணவில் பல வெரைட்டிகள் இருந்தாலும் கொங்குநாட்டு ஸ்பெஷல் பள்ளிபாளையம் சிக்கன் கறி எப்படி செய்வது என்று இந்த தொகுப்பில் பார்க்கலாம்.

சிக்கனில் பல வெரைட்டியான உணவுகள் உள்ளன. தமிழகத்தின் ஒவ்வொரு பகுதிக்கும் ஒரு வகையான ருசி உள்ளது. கொங்கு உணவுக்கென்று ரசிகர் பட்டாளமே உள்ளது. அரிசிம்பருப்பு முதல் சிந்தாமணி சிக்கன் வரை அத்தனையும் சுவையாக இருக்கும். கொங்கு மண்டல உணவுகளில் பள்ளிபாளையம் சிக்கனும் ஒன்று. இதனை செய்வதற்கு குறைந்த நேரமே செலவாகும். ஈஸியாக பள்ளிபாளையம் சிக்கன் செய்வது எப்படி என்று தெரிந்து கொள்ளலாம்.

பள்ளிபாளைம் சிக்கன் செய்ய தேவையான பொருட்கள்

சிக்கன் - 1/2 கிலோ

சின்னவெங்காயம் - 15

காய்ந்தமிளகாய் - 15

கருவேப்பிலை

பூண்டு - 20 பல்

இஞ்சி சிறிதளவு

பச்சை மிளகாய் - 3

இஞ்சி பூண்டு விழுது - 2 டேபிள் ஸ்பூன்

மஞ்சள் தூள்

நல்லெண்ணெய் - 4 டேபிள் ஸ்பூன்

கடுகு - 1 டேபிள் ஸ்பூன்

சோம்பு - 1 டேபிள் ஸ்பூன்

தேங்காய் - 1 கையளவு

கொத்தமல்லி

செய்முறை

1. முதலில் கோழிக்கறியை நன்கு கழுவி வைத்துக் கொள்ளவும்.

2. பூண்டு, இஞ்சி, பச்சை மிளகாயை சேர்த்து நன்கு இடித்து வைத்துக் கொள்ளவும்.

3. சிக்கனில் சிறிதளவு இஞ்சி, பூண்டு விழுதைப் போட்டு நன்கு கழுவிக் கொள்ளவும்.

4. அடுப்பில் கடாயை வைத்து எண்ணெய் சேர்த்து கடுகு தாளிக்கவும். பின்னர், சோம்பு சேர்த்து நன்கு கலந்து விடவும்.

5. பின்னர், கிள்ளி வைத்துள்ள காய்ந்த மிளகாய், கருவேப்பிலை சேர்த்து வதக்கி, சின்னவெங்காயம் சேர்க்கவும்.

6. சின்ன வெங்காயம் சேர்த்து நன்கு வதக்கிய பின்னர், நறுக்கிய தேங்காயை சேர்த்து கலந்துவிடவும்.

7. பின்னர், இடித்து வைத்துள்ள பூண்டு, இஞ்சி, பச்சை மிளகாய் கலவையை சேர்த்து நன்கு கலந்து வதக்கவும்.

8. சிக்கன் சேர்த்து நன்கு வதக்கி உப்பு சேர்க்கவும். சிறிதளவு தண்ணீரை சேர்த்து சிக்கனை மூடி போட்டு வேக வைக்கவும். கொத்தமல்லி தூவி அடுப்பை அணைத்தால் ருசியான கமகமக்கும் பள்ளிபாளையம் சிக்கன் ரெடி.

English summary

Pallipalayam chicken: Let's see how to make pallipalayam chicken recipe in tamil.