Potato Balls: 3 உருளைக்கிழங்கு இருந்தால் போதும்! மழைக்காலத்தில் சூப்பர் ஸ்நாக்ஸ் செய்யலாம்!

(Potato balls Recipe) என்னங்க தமிழகம் முழுவதும் கனமழைக்கு வாய்ப்பிருக்குனு சொல்லியிருக்காங்க! மழைக்கு இதமாக ஒரு சூப்பரான ஸ்னாக்ஸ் செய்யலாமா? இதுக்கு தேவையான பொருட்கள் என்னென்ன, எப்படி செய்வது என்பதை பார்க்கலாம்.

சாதாரணமாகவே மாலை வேளைகளில் எதையாவது கொரிக்கலாம் என தோன்றும்! அதிலும் மழை காலம் என்றால் கேட்கவே வேண்டாம்!

சூடாக, காரமாக என்ன சாப்பிடலாம் என யோசித்துக் கொண்டிருக்கிறீர்களா? உருளைக் கிழங்கு பால்ஸ் செய்யலாமா, இதற்காக கடைக்கு போய் எந்த சாமானையும் வாங்க தேவையில்லை. வீட்டில் இருக்கும் பொருட்களை வைத்து செய்யலாம்.

தேவையான பொருட்கள்

உருளைக் கிழங்கு- 3

மிளகுத் தூள்- அரை ஸ்பூன்

கொத்தமல்லி- பொடியாக நறுக்கியது

உப்பு- தேவையான அளவு

சோள மாவு- 3 டீஸ்பூன்

செய்முறை

உருளைக்கிழங்கை வேக வைத்து மசித்து வைத்துக் கொள்ளுங்கள்.

அதில் மிளகுத் தூள் சேர்த்து, கொத்தமல்லி, உப்பு சேர்க்கவும்.

பின்னர் சோள மாவை சேர்த்து நன்கு பிசையவும்.

வாணலியில் எண்ணெயை காய வைத்து கொள்ளவும்.

கைகளில் எண்ணெய் தடவிக் கொண்டு பிசைந்த மாவை சிறிய நெல்லிக்காய் அளவுக்கு உருட்டி ஒரு தட்டில் வைத்துக் கொள்ளுங்கள்.

எண்ணெய் சூடானதும் இந்த உருண்டைகளை போட்டு பொன்னிறமாகும் வரை பொரித்து எடுத்துக் கொள்ளுங்கள்.

இதில் கார்ன் மாவு போட்டதால் வெளி பகுதி மொறுமொறுப்பாக இருக்கும்.

இதில் சீஸை துருவி போட்டும் பிசைந்து பொரிக்கலாம்.

மிளகுத் தூளுக்கு பதிலாக சாட் மசாலா, கரம் மசாலா போடலாம்.