ஆனி திருமஞ்சனம்..மாங்கனி திருவிழா..ஆனி மாதத்தில் என்னென்ன விஷேசங்கள்..விரத நாட்கள்

சென்னை: மிதுன மாதம் எனப்படும் ஆனி மாதம் வெள்ளிக்கிழமை பிறக்கிறது. ஆனி மாதத்தில் பல முக்கிய விஷேச தினங்களும், முகூர்த்த நாட்களும் உள்ளன. ஆனி திருமஞ்சனம் எனப்படும் திருவிழா சிவ ஆலயங்களில் சிறப்பாக நடைபெறும் நடராஜருக்கு மகா அபிஷேகம் நடைபெறும். காரைக்காலில் ஆனி மாத பௌர்ணமியையொட்டி மாங்கனித் திருவிழா நடைபெறும். பல்வேறு சிறப்புகள் கொண்ட ஆனி மாதத்தில் எந்த நாட்களில் முக்கிய விஷேச நாட்கள் உள்ளன என்று பார்க்கலாம்.

உத்தராயண புண்ணிய காலத்தின் கடைசி மாதமாக திகழ்கிறது ஆனி. இந்த மாதம் தேவர்களுக்கு மாலைப்பொழுது என்று சாஸ்திரம் குறிப்பிடுகிறது. இளவேனிற் காலம் தொடக்கம் என்பதால் இதமான காற்று வீசி வெப்பத்தை தணிக்கிறது. மகாவிஷ்ணு கூர்ம அவதாரம் எடுத்து பூமியை மீட்டுக் கொணர்ந்தது இந்த ஆனி மாதத்தில் தான். ஆனி மாத உத்தர நட்சத்திரத்தன்று சிவாலயங்களில் சிவபெருமானுக்கு ஆனி திருமஞ்சனம் சாற்றப்படுகிறது.

ஆனி மாதத்தில் வரும் கேட்டை நட்சத்திரத்தில் ஸ்ரீரங்கத்தில் பெருமாளுக்கு ஜேஷ்டாபிஷேகம் செய்யப்படுகிறது. ஆனி மாதத்தில் வரும் பௌர்ணமி அன்று திருச்சி உறையூரில் மேற்கூரை இல்லாமல் எழுந்தருளியிருக்கும் வெக்காளி அம்மனுக்கு பக்தர்கள் கூடை கூடையாக மாம்பழத்தைக் கொட்டி அபிஷேகம் செய்கிறார்கள். வாழையடி வாழையாக தளைத்து சிறக்க வேண்டும் என்பதற்காக திருச்சி மலைக்கோட்டை தாயுமானவர் ஆலயத்தில் பக்தர்கள் வாழைப்பழ தார்களை காணிக்கையாக படைப்பார்கள். ஆனி மாதத்தில் எந்த நாளில் என்னென்ன விஷேசங்கள் நடைபெற உள்ளன என்று பார்க்கலாம்.

ஆனி 1: மாத சிவராத்திரி , சபரிமலையில் நடை திறப்பு

ஆனி 2: அமாவாசை , தந்தையர் தினம்

ஆனி 12: ஸ்ரீ நடராஜர் ஆனி திருமஞ்சனம்

ஆனி 16: திருமாலிருஞ்சோலை தீர்த்தவாரி

ஆனி 17: காரைக்கால் மாங்கனி திருவிழா

ஆனி 18: ஆனி பவுர்ணமி, வியாச பூஜை

ஆனி 19: காஞ்சி காமாட்சி அம்மன் வியாச பூஜை

ஆனி 22: திருவண்ணாமலை ஸ்ரீ மாணிக்கவாசகர் உற்சவம்

ஆனி 25: திருவண்ணாமலை அருணாச்சலேஸ்வரர் அயனேற்சவ த்வஜாரேஹணம்

ஆனி 27: ஸ்ரீரங்கம் ஜேஷ்டாபிஷேகம்

English summary

Aani matham important days: here is the list of important days, and muhurtham days of Month of aani month.