கிச்சனில் ஸ்லாப்பில் சப்பாத்தி மாவு பிசையறீங்களா? சமையலறையில் பூரிக்கட்டையை இப்படி வெச்சிடாதீங்க

Updated: Sunday, December 15, 2024, 13:18 [IST]

Subscribe to Oneindia Tamil

சென்னை: சப்பாத்தி மாவு பிசைவதில் இருந்து சப்பாத்தி கட்டை வாங்குவது வரை அனைத்துக்குமே வாஸ்து சாஸ்திரம் உள்ளது.. சமையலறையில் சப்பாத்தி செய்யும்போது சில விஷயங்களை கடைப்பிடித்தாலே, பல்வேறு பிரச்சனைகளிலிருந்து நாம் தப்பிக்கலாம் என்று வாஸ்துவில் தெளிவாக சொல்லப்பட்டுள்ளது. அதனை சுருக்கமாக இங்கே பார்க்கலாம்.

சப்பாத்தியை திரட்டுவதற்கு பயன்படும் பூரிக்கட்டை அல்லது சப்பாத்தி கல்லை வாங்க வேண்டுமானால், அதற்குரிய நாளை தேர்ந்தெடுத்து வாங்க வேண்டுமாம். அதன்படி, சப்பாத்தி கல் மற்றும் கட்டையை புதன்கிழமைகளில் வாங்கினால் சிறப்பு என்கிறார்கள். ஆனால் எக்காரணம் கொண்டும், செவ்வாய், சனிக்கிழமைகளில் சப்பாத்தி கட்டையை வாங்க கூடாதாம்.

சப்பாத்தி கட்டை: ஒருமுறை சப்பாத்தியை திரட்டி விட்டால், அந்த சப்பாத்தி கட்டையை உடனே சுத்தம் செய்துவிட வேண்டும். சப்பாத்தி கட்டையில், மாவு தேங்கி கிடந்தாலோ அல்லது ஒட்டிக்கிடந்தாலோ, வீட்டிற்குள் பணம் வருவதில் சிக்கல் வரும்.. குடும்ப உறுப்பினர்களின் ஆரோக்கியத்திலும் குறைபாடு வரலாம். அதனால், சப்பாத்தி கட்டையை எப்போதுமே கழுவி சுத்தமாக வைத்திருக்க வேண்டும்.

அதேபோல, சப்பாத்தி கட்டைகள் எப்போதுமே உடையாமல் இருக்க வேண்டும். லேசாக உடைந்திருந்தாலும் அதனை பயன்படுத்த வேண்டாம். சப்பாத்தி கட்டையை தலைகீழாக வைக்கக்கூடாது... முக்கியமாக அரிசி, கோதுமை மாவு இருக்கும் பாத்திரங்களின் மீதும் வைக்கக்கூடாது, இது குடும்பத்தில் வறுமையை பீடிக்க செய்துவிடும்.

சப்பாத்திகள்: சப்பாத்தி சுடும்போது அவைகளை எண்ணக்கூடாது என்பார்கள். எத்தனை சப்பாத்தி என்று எண்ணினால், வீட்டில் பொருளாதார நிலை மோசமாகிவிடுமாம். முதலில் சுடும் ரொட்டியை பசுக்களுக்கு தருவது மிகவும் நல்லது. அதேபோல, கடைசி ரொட்டியை நாய்க்கு தரவேண்டுமாம்.

சிலர் சப்பாத்தி கட்டை இல்லாமல், கிச்சன் ஸ்லாப்பிலேயே சப்பாத்தி திரட்டுவார்கள்.. அதனால், ஸ்லாப்களில் ஏதாவது கிருமிகள் மற்றும் பாக்டீரியாக்கள் இருக்கலாம் என்பதால் கவனமாக இருக்க வேண்டும்..

ஸ்லாப்கள்: கிச்சன் ஸ்லாப் கிழக்கு நோக்கி இருந்தால், சப்பாத்தி மாவை கிச்சன் ஸ்லாப்பில் வைத்து திரட்டலாம் என்று வாஸ்து சாஸ்திரம் கூறுகிறது. எனவே ஸ்லாப்பை நன்றாக சுத்தம் செய்துவிட்டு சப்பாத்தி திரட்டலாம். அல்லது ஸ்லாப்கள் இருந்தாலும்கூட, அதன்மீது மரப்பலகையை வைத்து சப்பாத்தியை திரட்டுவது நல்லது.