கனவில் உடைந்து விழும் பற்கள்.. நொறுங்கும் கட்டிடம்.. கனவு உணர்த்தும் உண்மை என்ன? நல்லதா? கெட்டதா?

மதுரை: தூக்கத்தில் சிலருக்கு அடிக்கடி பற்கள் உடைவது போல கனவு வரும். சிலருக்கு வீடு, கட்டிடம் இடிவது போல கனவு வந்து பயமுறுத்தும். சிலருக்கு மரம் முறிந்து விழுவது போல கனவு வரும். ஏன் இந்த மாதிரியான கனவு வருகிறது என்ற குழப்பம் சிலருக்கு வரும். மனதிற்குள் எழும் பயம் இந்த மாதிரியான கனவுகளுக்கு காரணமாக அமைகிறது என்று ஆய்வாளர்கள் சொல்கின்றனர்.

ஆழ்மனதில் படிந்துள்ள எண்ணங்கள்தான் கனவுகளாக வெளிப்படுகிறது என்று சொல்வார்கள். நமக்கு வரும் கனவுகளை பற்றி நாம் ஆராய்ச்சி செய்தால் அதில் பல உண்மைகள் தெரியவரும். நம்முடைய பற்கள் விழுவதை போன்ற கனவு வந்தால் அது நமக்கு பல்வேறு விஷயங்களை சுட்டிக் காட்டுகிறது என்று ஆராய்ச்சி தகவல்கள் தெரிவிக்கின்றன.

பற்கள் உதிர்ந்து விழுவது போல கனவு கண்டால் அது நமக்கு நேரப்போகும் ஆபத்தை எச்சரிக்கிகிறது என்று அர்த்தமாம். நம்முடைய பெற்றோர், உறவினர்களின் பற்கள் விழுவதைப்போல கனவு வந்தால் அவர்களின் உடல் நலத்தை பற்றிய கவலையால் அவர்களுக்கு பற்கள் விழுவது போலவும் அதனால் அவர்களுக்கு வரப்போகும் துன்பத்தை கனவுகள் உணர்த்துவதாகவும் ஆய்வாளர்கள் சொல்கின்றனர்.

உங்கள் நண்பரின் பற்கள் விழுவது போல கனவு கண்டால் அந்த நபர் உங்களை விட்டு பிரியப்போகிறார். உங்களுக்கும் அவருக்கும் ஏதோ பெரிய சண்டை நேரப்போகிறது என்று அர்த்தமாகும். ரத்தம் இல்லாமல் பற்கள் உடைந்து விழுந்தால் அது தோல்வியை உணர்த்துகிறது. பண நெருக்கடி, கடன் பிரச்சினையில் சிக்கியிருந்தால் உங்களுக்கு பற்கள் விழுவது போல கனவு வருமாம். தோல்வி பயம், வேலையிழப்பு, குடும்பத்தில் பிரச்சினை இருந்தாலும் பற்கள் விழுவது போல கனவு வருமாம். மன அழுத்தம் இருந்தாலோ, உடல் நலத்தில் வேறு பிரச்சினை இருந்தாலோ பற்கள் விழுவது போல கனவு வருமாம்.

சிலருக்கு வீடு கட்டுவது போல கனவு வரும். சிலருக்கு கட்டிடம், வீடு உடைந்து விழுவது போல கனவு வரும். அதற்கான அர்த்தமும் கனவு சாஸ்திரம் என்னும் நூலில் சொல்லப்பட்டுள்ளது. புதிதாக வீடு வாங்குவது போல கனவு வந்தால் சுப காரியம் நடைபெறுவதை உணர்த்துகிறது. தோரணங்கள் கட்டிய வீடு கனவில் வந்தால் நல்ல செய்தி தேடி வரப்போகிறது என்று அர்த்தம். அதே நேரத்தில் பாழடைந்த வீடு கனவில் வந்தாலே, இடிந்த வீடு கனவில் வந்தாலோ, வீடு இடிந்து விழுவது போல கனவு கண்டாலோ ஏதோ குழப்பம், வாழ்க்கையில் துன்பம் வரப்போகிறது என்பதை உணர்த்துகிறதாம். நீங்கள் புதிய வீடு கட்டுவது போல கனவு கண்டால் சோதனைகள் வந்தாலும் அதில் இருந்து மீண்டு விடுவீர்கள் என்பதை உணர்த்துகிறது.

English summary

Kanavugalum Palangalum: Good dreams or bad dreams Some people often dream of teeth breaking in their sleep. For some people, dreams of houses and buildings collapsing are scary. Some people dream of a falling tree. Some people get confused as to why this kind of dream comes. Researchers say that the fear that arises in the mind is the cause of these types of dreams.