தங்கம் வாங்கணுமா? வீட்டில் செழிக்கணுமா? அப்ப கிச்சனில் "இதை" உடனே தூக்கி போடுங்க.. வாஸ்து டிப்ஸ்

சென்னை: கிச்சனில் சில பொருட்கள் கட்டாயம் இருக்க வேண்டும் என்பதைவிட, சில பொருட்கள் கண்டிப்பாக இருக்கவே கூடாது என்கிறார்கள்.. இதுகுறித்து வாஸ்து சாஸ்திரத்திலும் விரிவாகவே சொல்லப்பட்டுள்ளது.

பொதுவாக வீடு கட்டும்போது, ஒவ்வொரு அறையும் அதற்கேற்ற திசைகளில் இருக்கும்படி கட்டுவது இயல்பான விஷயமாகும்.. அதிலும், கிச்சனில் கேஸ் ஸ்டவ் வைக்கும் மேடை, எப்போதுமே தென்கிழக்கு மூலையில், தெற்கு கிழக்கு சுவரை ஒட்டித்தான் அமைக்க வேண்டுமாம்.

காரணம் அப்போதுதான், சூரிய ஒளிக்கதிர்கள் கிச்சனுக்குள் நேராக வரும்.. எனவே, சூரிய ஒளி கிச்சனில் வரும்படியாக, ஜன்னலையும் அமைக்க வேண்டும்.. அந்தவகையில், சமையல் செய்யும்போது, கிழக்கு நோக்கியே நின்று சமைக்க வேண்டும்...

வடகிழக்கு மூலை: அதேபோல, பாத்திரம் கழுவும் குழாய், வடகிழக்கில் மூலையில் இருக்க வேண்டும். இந்த இடம் மாறியிருந்தால், பெண்களுக்கு ஆரோக்கிய குறைபாடு வரலாம். மேலும், குழாயில் தண்ணீர் கசிவு இருக்கக்கூடாதாம். அதேபோல, உப்பு எப்போதுமே நம்முடைய வலது கை பக்கத்தில்தான் வைக்க வேண்டும்.

சில பொருட்கள் கிச்சனுக்குள் இருந்தால், அது எதிர்மறையான தாக்கத்தை ஏற்படுத்திவிடும்.. குறிப்பாக கிச்சனில் மருந்து பொருட்களை வைக்கக்கூடாதாம். பிசைந்த மாவையும் நீண்ட நேரம் வைக்கக்கூடாதாம்.

பாத்திரங்கள்: பாத்திரங்களை கழுவாமல் அப்படியே வைத்திருக்கக் கூடாதாம்.. இதனால் நிதிப்பற்றாக்குறை ஏற்படலாம். உடைந்த பாத்திரங்களையும் கிச்சனில் வைத்திருக்கக்கூடாது. கத்திகள் போன்ற கூர்மையான பொருட்களை தொங்கவிடாதீர்கள்.. இது தீய ஆற்றலை தந்துவிடுமாம்..

மாவு பிசைந்து மீதமாகிவிட்டால், அதனை ஃபிரிட்ஜில்கூட வைக்கக்கூடாதாம். இது ராகு, சனியின் மோசமான விளைவுகளை ஏற்படுத்திவிடும் என்று அறிவுறுத்துகிறார்கள். எக்காரணம் கொண்டும் அழுகிய துர்நாற்றம் வீசும் பொருட்களை கிச்சனில் வைத்திருக்க கூடாதாம். அதேபோல, சிலர் கிச்சனில் கண்ணாடியை வைத்திருப்பார்கள். இதுவும் எதிர்மறை ஆற்றலை ஏற்படுத்துவதுடன், மனஅமைதியும் குடும்பத்தில் கொண்டுவந்துவிடும்.

பண வரவு: கிச்சன் எந்த அளவுக்கு அகலமாக இருக்கிறதோ, அந்தளவுக்கு பண வரவு இருக்குமாம். எப்போதுமே கிச்சனை சுத்தமாக வைத்திருக்க வேண்டும். எப்போதுமே கிச்சனில் நல்ல காற்றோட்டமும் வெளிச்சமும் இருக்குமாறு பார்த்து கொள்ள வேண்டும்.. மஞ்சள் நிறம் கிச்சனுக்கு சிறந்தது என்கிறார்கள்..

அதேபோல, கிச்சனில் எப்போதுமே புத்தம்புதிதாக மலர்ந்த பூக்களை வைக்கலாம்.. அதேபோல, செடிகள், பழங்கள், காய்கறிகள் என புதிதாக வைக்கலாம்..

English summary

Super Kitchen Vastu Tips and what are the important things to have in our kitchen bring Positive energy