உங்கள் ஆண்ட்ராய்டு போனை பராமரிப்பது எப்படி? 10 எளிய வழிகள்.. இது ரொம்ப முக்கியம்!

சென்னை: ஆண்ட்ராய்டு போன் இப்போது பலராலும் பயன்படுத்தப்பட்டு வருகிறது. ஆனாலும் பலருக்கும் ஆண்டிராய்டு போன்களை சரியாக பயன்படுத்தும் முறைகள் தெரிவது இல்லை.

இதனால் பலருக்கும் ஆண்ட்ராய்டு போன்களின் ஆயுள் ஒன்றரை வருடம் கூட வருவது இல்லை. 25 ஆயிரம் ரூபாய் முதல் 50 ஆயிரம் ரூபாய் வரை கொடுத்து வாங்கிய பலரும் மீண்டும் போனை மாற்ற வேண்டிய நிலை ஏற்படுகிறது.

ஸ்மார்ட்போன்கள் அடிப்படையில் சிறிய கணினிகள் என்பதை மக்கள் அடிக்கடி மறந்துவிடுகிறார்கள். நாசாவிற்கு மனிதன் அனுப்பப்பட்ட போது நாசாவிடம் இருந்ததை விட பெரிய தொழில்நுட்பம் நம்முடைய ஆண்டிராய்டு போன்களில் உள்ளது. எனவே, உங்கள் ஆண்டிராய்டு போன்களில் நீண்ட ஆயுளை உறுதிப்படுத்த உங்கள் லேப்டாப் அல்லது டெஸ்க்டாப் பிசியைப் போலவே போனுக்கும் நல்ல பராமரிப்பு தேவைப்படுகிறது.

பராமரிப்பு புறக்கணிக்கப்பட்டால், உங்கள் Android ஃபோனை மேம்படுத்துவதற்கான சரியான நேரத்திற்கு முன்பே அவை சிக்கல்களை உருவாக்கத் தொடங்கலாம். எனவே உங்கள் மொபைலைப் பராமரிக்க 10 எளிய வழிகளைப் இங்கே பார்ப்போம்.

1. உங்கள் ஃபோன் சார்ஜ் செய்யும் போது அதைப் பயன்படுத்த வேண்டாம், ஏனெனில் அதிக வெப்பத்தை உருவாக்கும்.போனில் வெப்பம் அதிகரித்தால் சர்க்யூட் பாதிப்பு ஏற்படும்.

2. அதிக நேரம் ஹாட்ஸ்பாட் ஆன் ஆகி இருப்பதை தவிர்க்கவும். உங்கள் ஃபோன் சார்ஜ் செய்யும் போது ஹாட்ஸ்பாட் பயன்படுத்த வேண்டாம்.

3. வயர்லெஸ் சார்ஜ் செய்வதைத் தவிர்க்கவும், ஏனெனில் இது தேவையற்ற வெப்பத்தை உருவாக்குகிறது; வழக்கமான வயர் சார்ஜரைப் பயன்படுத்துவது உங்கள் போனை சார்ஜ் செய்ய சிறந்த வழியாகும்.

4. உங்கள் பேட்டரியை முழுமையாக சார்ஜ் செய்யவோ அல்லது வடிகட்டவோ வேண்டாம்; எல்லா நேரங்களிலும் 20 முதல் 80 சதவிகிதம் வரை வைத்திருக்கவும். பேட்டரிகள் எவ்வளவு மாற்றத்தை கொண்டு இருக்கிறதோ அவ்வளவு வேகமாக சிதைந்துவிடும்.

5. போனில் எப்போதும் கூகுள் அப்ரூவ் செய்த செயலிகளை மட்டுமே பதிவிறக்கவும்.

6. உங்கள் போனின் ஸ்டோரேஜ் அதிகம் இருக்காமல் அடிக்கடி பேக் அப் செய்து கிளீன் செய்து கொள்ளவும்.

7. அதிக காலம் பயன்படுத்த விரும்பினால், அதிகம் கிராபிக்ஸ் பயன்படுத்தும் கேம்ஸ்களை தவிர்க்கவும்.

8. வாரத்திற்கு ஒரு முறையாவது உங்கள் தொலைபேசியை restart செய்யுங்கள்.

9.அடிக்கடி போனை அதற்கு உரிய moisture பயன்படுத்தி சுத்தம் செய்யுங்கள்.

10. நல்ல ஸ்மார்ட்போன் பராமரிப்புக்காக, அதிக வெப்பநிலை உள்ள இடங்களை நீங்கள் தவிர்க்க வேண்டும். அதிக வெப்பநிலை உங்கள் பேட்டரியை வீங்க வைக்கலாம் அல்லது செயல்பாட்டை பாதிக்கலாம்.

English summary

10 TIPS: How to maintain Android smart phones? What you should do?