கொஞ்சம் இருங்க பாய்.. அசத்துது நம்ம ஆப்பிள்! அட்டகாச அம்சங்களோடு IPHONE 17 ஏர்! லீக்கான விவரங்கள்..!
சென்னை: பல்வேறு சிறப்பம்சங்களுடன் கடந்த செப்டம்பர் மாதத்தில் ஆப்பிள் நிறுவனம் தனது ஐபோன் 16 சீரிஸ் போன்கள்-ஐ அறிமுகம் செய்தது. இந்த நிலையில் அடுத்த அதிரடிக்கு தயாராகி உள்ளது ஆப்பிள். ஆப்பிள் நிறுவனத்தின் ஐபோன் 17 சீரிஸ் போன்கள் இந்த ஆண்டு இறுதியில் அறிமுகமாக இருக்கிறது. இந்த நிலையில் இந்த போன்களின் பல முக்கிய அம்சங்கள் தற்போது இணையத்தில் லீக் ஆகி உள்ளது.
கடந்த ஆண்டு செப்டம்பர் மாதம் ஆப்பிள் நிறுவனம் வாடிக்கையாளர்களின் அதீத எதிர்பார்ப்புகளுக்கு இடையே ஐபோன் 16 சீரிஸ் ஸ்மார்ட்போன்கள் மற்றும் ஏர்பாட்ஸ், வாட்ச் உள்ளிட்டவற்றை அறிமுகப்படுத்தியது. தொடர்ந்து செப்டம்பர் 2024ல் 16 ஆம் தேதி அன்று ஐஓஎஸ் 18 என்ற புதிய ஓஎஸ்-ஐ அறிமுகப்படுத்தியது
ஆப்பிளின் அடிப்படை மாடல் ஐபோன் 16, ஐபோன் 16 ப்ளஸ், ஐபோன் 16 ப்ரோ, ஐபோன் 16 ப்ரோ மேக்ஸ் ஆகிய மாடல்களுடன், 4th ஜெனரேஷன் ஏர்பாட்ஸ், ஐஓஎஸ் 18 இயங்கு தளம், ஆப்பிள் வாட்ச் 10 ஆகியவை கடந்த ஆண்டு அறிமுகமான நிலையில், பலர் அதை வாங்கி உபயோகித்து வருகின்றனர்.
ஐபோன் 16 சீரிஸ் மாடல்கள் வெளியாகி நான்கு மாதங்கள் கடந்து இருக்கும் நிலையில் இந்த ஆண்டும் செப்டம்பர் அல்லது அக்டோபரில் அடுத்த ஆப்பிள் போன்கள் வெளியாகும் என எதிர்பார்க்கப்படுகிறது. அந்த வகையில் செப்டம்பர் மாதத்தில் ஐபோன் 17 சீரிஸ் ஸ்மார்ட்போன்கள் வெளியாகும் என எதிர்பார்க்கப்படுகிறது.
இந்த சீரிஸில் வழக்கமான ஐ போன் 17 பேஸிக் மாடல் உடன் iphone 17 ஏர், ஐ போன் 17 ப்ரோ, ஐ போன் 17 ப்ரோ மேக்ஸ் ஆகிய மாடல்கள் அதனுடன் இருக்கும் என எதிர்பார்க்கப்படுகிறது. ஆப்பிள் 16 விட அதிக மேம்படுத்தப்பட்ட கேமராக்கள், புதிய வடிவமைப்பு மேம்பட்ட செயல்திறன், மறு வடிவமைப்பு செய்யப்பட்ட கேமரா தொகுதிகள் இருக்கும் என எதிர்பார்க்கப்படுகிறது. ஆப்பிள் 17 ஏர் இதுவரை வெளியிட்ட ஆப்பிள் ஐபோன்களை விட மிகவும் வலிதான ஐபோன் மாடல் ஆக இருக்கும் என எதிர்பார்க்கப்படுகிறது. அதன் தடிமன் 6.25 மில்லி மீட்டர் இருக்கும் என தகவல்கள் உலாவுகிறது. அதனுடன் 5வது ஜெனரேஷன் ஏர்பாட்ஸ், ஆப்பிள் வாட்ச், ஆப்பிள் வாட்ச் ப்ரோ ஆகியவையும் இருக்கும் என எதிர்பார்க்கப்படுகிறது.
அதே நேரத்தில் ஐபோன் 17 சற்று தடிமனாக இருக்கும் என கூறப்படுகிறது தற்போதைய மாடல்களை விட ஐபோன் 17 மற்றும் ஐபோன் 17 ஏர் ஆகியவை மென்மையான விளிம்புகள் மற்றும் கிளாஸ் மெட்டல் இணைவு மூலம் உருவாக்கப்பட்டு இருக்கும் என எதிர்பார்க்கப்படுகிறது.
ஐபோன் 17 ஏர் மாடல்களில் 24 எம்பி பிரண்ட் கேமரா, 48 எம்பி சிங்கிள் லென்ஸ் பின்புற கேமரா இருக்கும் என எதிர்பார்க்கப்படுகிறது. ஐபோன் 17ல் பின்புற கேமரா 48 எம் பி யாக இருக்கும் என எதிர்பார்க்கப்படுகிறது. மேலும் அல்ட்ரா வைட் லென்ஸ் ஆகிய கூடுதல் அம்சங்கள் இருக்கும் என கூறுகின்றனர் டெக் வல்லுநர்கள்.
இந்தியாவில் ஐபோன் 17 சுமார் 80,000 ரூபாய் முதல் தொடங்கும் என எதிர்பார்க்கப்படுகிறது, ஐபோன் 17 ஏர் கூடுதல் அம்சங்கள் காரணமாக 90 ஆயிரத்திலிருந்து விலை தொடங்கும் என எதிர்பார்க்கப்படுகிறது. செப்டம்பர் 11, 12, 13 ஆகிய தேதிகளில் ஐபோன் 17 மாடல்கள் வெளியாகலாம் என உலகம் முழுவதும் எதிர்பார்க்கப்படுகிறது.
Click it and Unblock the Notifications
Sign in with Google