ஃபேஸ்புக்கில் வரும் முக்கியமான மாற்றம்.. புதிதாக ஒரு ‘பட்டன்’.. வீடியோ எடிட் செய்ய வேற லெவல் டூல்ஸ்!
சென்னை: முன்னணி சமூக வலைதளமான ஃபேஸ்புக், வீடியோ சார்ந்த அம்சங்களில் புதிய மாற்றங்களை கொண்டு வந்துள்ளது. அதன்படி, ஃபேஸ்புக்கில் புதிதாக வீடியோ எனும் டேப் அறிமுகமாகிறது.
மெட்டா நிறுவனத்தின் ஃபேஸ்புக் சமூக வலைதளம் உலகம் முழுவதும் பல கோடிக்கணக்கான மக்கள் பயன்படுத்தும் ஊடகமாக உள்ளது. கடந்த சில ஆண்டுகளாகவே ஃபேஸ்புக், வீடியோக்களுக்கு முக்கியத்துவம் கொடுத்து வருகிறது. யூடியூப் போல வீடியோக்களுக்கு மானிட்டைசேஷன் உள்ளது. இதன் மூலம் பணம் சம்பாதிக்கவும் முடியும்.
ஃபேஸ்புக்கில் வீடியோ எக்ஸ்பீரியன்ஸை இன்னும் சிறப்பாக்கும் வகையில், புதிய மாற்றங்களை கொண்டு வருவதாக மெட்டா தெரிவித்துள்ளது. அதன்படி, ஹெச்டிஆர் தரத்தில் வீடியோக்கள் பதிவேற்றும் வசதி மற்றும் வீடியோ எடிட்டிங் டூல்ஸ் ஆகியவையும் சேர்க்கப்பட்டு இருப்பதாக மெட்டா நிறுவனம் தெரிவித்துள்ளது.
தற்போது உலகம் முழுவதும் வீடியோவுக்களுக்கு மவுசு அதிகரித்துள்ள சூழலில் யூசர்களை வீடியோக்களை பார்க்க வைப்பது மற்றும் வீடியோ உருவாக்கத்தில் ஈடுபட வைப்பது போன்றவற்றை கருத்தில் கொண்டு புதிய மாற்றங்கள் உருவாக்கப்பட்டு இருப்பதாக மெட்டா நிறுவனம் தெரிவித்துள்ளது.
அந்த வகையில் முன்னர் ஃபேஸ்புக்கில் வாட்ச் என்று இருந்த டேப் தற்போது பேஸ்புக் வீடியோ என மாற்றப்பட உள்ளது. இதில் ரீல்ஸ், லாங் ஃபார்ம் வீடியோ, ஃபேஸ்புக் லைவ், க்ரியேட்டர்ஸ் வீடியோ என வீடியோ சார்ந்த அனைத்தையும் யூசர்கள் பெறலாம் என தெரிவிக்கப்பட்டுள்ளது.
இதில் சேர்க்கப்பட்டுள்ள புதிய ஷார்ட் கட்கள் குறித்த தகவல்களை யூசர்கள் விரைவில் பெறுவார்கள் எனவும் தெரிவிக்கப்பட்டுள்ளது. இந்த புதிய அப்டேட்கள் படிப்படியாக அனைத்து யூசர்களுக்கும் அறிமுகப்படுத்தப்படும் எனவும் தெரிவிக்கப்பட்டுள்ளது.
இந்த புதிய அம்சங்களை இடமிருந்து வலமாக அதாவது ஹாரிசாண்டலாக ஸ்க்ரோல் செய்யும் போது யூசர்கள் பெற முடியும் என்றும், வழக்கமான பெர்சனலைஸ்ட் வீடியோக்களை கீழிருந்து மேலாக (வெர்டிக்கல்) ஸ்க்ரோல் செய்யும் போது யூசர்கள் பார்க்கலாம் என்றும் ஃபேஸ்புக் நிறுவனம் தெரிவித்துள்ளது.
மேலும், ரீல்ஸ் வீடியோக்களை எடிட்டிங் செய்வதற்கான ஏராளமான டூல்களையும் கிரியேட்டர்கள் பெறலாம், ஆடியோக்கள் சேர்ப்பதையும், வீடியோ எடிட்டிங்கையும் அப்கிரேட் செய்துள்ளோம் என்று ஃபேஸ்புக்கை நிர்வகிக்கும் மெட்டா நிறுவனம் தெரிவித்துள்ளது.
Click it and Unblock the Notifications
Sign in with Google