டிஜிட்டல் ஊடகங்களில் செயற்கை நுண்ணறிவின் பயன்பாடு எப்படி இருக்கிறது?

டிஜிட்டல் ஊடகங்களில் செய்திகளின் எதிர்காலத்தை வடிவமைக்கும் கருவிகள், தளங்கள் மற்றும் உத்திகள் தகவல் வேகம் அதிகரிக்கும் இந்த டிஜிட்டல் யுகத்தில், செய்தித்துறை பெரும் மாற்றங்களை எதிர்நோக்குகிறது. செய்திகளை விரைவாக வழங்கவும், உண்மைத்தன்மையை உறுதிப்படுத்தவும், அதிகமான பார்வையாளர்களை ஈர்க்கவும் ஊடகங்கள் முன்னணி தொழில்நுட்பங்களை பயன்படுத்துகின்றன.

கணிப்புப் புள்ளிவிவர (Analytics) கருவிகள்

Google Analytics, Chartbeat, Parse.ly போன்ற கணிப்புப் புள்ளிவிவர கருவிகள், வாசகர்களின் நடத்தை, செய்திகளை படிக்கும் முறை, அதிக பார்வை பெறும் நேரம் போன்ற முக்கியமான தரவுகளை வழங்குகின்றன. இந்த கருவிகள் நேர்முக தகவல் (Real-time Data), பயனர் ஈடுபாடு (User Engagement), தரவுச் சந்தேகங்கள் (Heatmaps) போன்ற அறிக்கைகளை வழங்கி, ஊடக நிறுவனங்களுக்கு உள்ளடக்க செயல்திறனை மேம்படுத்த உதவுகின்றன.

Chartbeat வாசகர்கள் எந்த நேரத்தில் அதிகம் செயல்படுகிறார்கள் என்பதை கண்காணிக்க உதவுகிறது. Parse.ly முக்கியமான செய்திகளை எத்தனை பேர் வாசிக்கிறார்கள் என்பதைக் கண்காணிக்கிறது, Google Analytics முழுமையான டிஜிட்டல் செயல்திறன் பகுப்பாய்வை வழங்குகிறது.

Google-இன் வணிகத் தரவு பகுப்பாய்வு கருவிகள் வணிக வளர்ச்சிக்கு முக்கியமானவை. Google Analytics இணையதளப் பயனர் நடத்தையை மதிப்பீடு செய்ய உதவுகிறது. Google Data Studio தரவுகளை காட்சிப்படுத்த, Google Search Console இணையத் தேடல் செயல்திறனை பகுப்பாய்வு செய்ய, BigQuery பெரிய அளவிலான தரவுகளை செயல்படுத்த உதவுகிறது.

இத்தகைய டேட்டா- ஆதரித்த தீர்வுகள், ஊடக நிறுவனங்களுக்கு உள்ளடக்கங்களை வாசகர்களின் விருப்பங்களுக்கு ஏற்ப மாற்ற, ஈடுபாட்டை அதிகரிக்க, மேலும் வருவாயைப் பெருக்க உதவுகின்றன.

ஏஐ (AI) மற்றும் இயந்திர கற்றல் (Machine Learning) கருவிகள் செய்திகளை விரைவாக உருவாக்க, திருத்த, மற்றும் பகுப்பாய்வு செய்ய உதவுகின்றன. OpenAI GPT, Jasper AI, Grammarly, Quillbot போன்ற கருவிகள் செய்திகளை எழுத, மொழியை திருத்த, தகவல்களை மறுவழங்க, மேலும் தன்னியக்க செய்தி உருவாக்கத்தில் பயன்படுகின்றன.

அதேபோல், Reuters' Lynx Insight, Bloomberg's Cyborg போன்ற AI-ஆதரித்த செய்தி கருவிகள் பெரிய அளவிலான புள்ளிவிவரங்களையும், நிதி தரவுகளையும் ஆய்வு செய்து, முக்கிய தகவல்களை துல்லியமான செய்திகளாக மாற்றுகின்றன. இதனால் ஊடகங்கள் வேகமாகவும் நம்பகமாகவும் தகவல்களை வெளியிட முடிகிறது.

தவறான தகவல் கண்டறியும் கருவிகள்

FactCheck.org, Snopes, போன்ற கருவிகள் தவறான செய்திகள் பரவுவதை தடுக்க உதவுகின்றன. Google Fact Check Explorer போன்ற கருவிகள் செய்திகளின் உண்மைத் தன்மையை ஆராய ஊடக நிறுவனங்களுக்கு உதவுகின்றன. விஷுவல் ஸ்டோரி டெல்லிங் (Visual Storytelling) கருவிகள்
தகவல்களை கவர்ச்சியுடன் வழங்க உதவுகின்றன.

Canva, Adobe Spark, Infogram போன்ற கருவிகள் தகவல்களை இன்ஃபோகிராபிக்ஸ், கிராஃபிக்ஸ் மற்றும் சாளரக்காட்சிகளாக மாற்றி, வாசகர்கள் எளிதாக புரிந்து கொள்ள உதவுகின்றன. மேலும், Lumen5, Pictory போன்ற கருவிகள் செய்திகளை வீடியோ வடிவில் மாற்றி வழங்குகின்றன. AI-ஆதரித்த இந்த கருவிகள் உரையை வீடியோவாக உருவாக்கி, சமூக ஊடகங்களில் விரைவாக பரப்ப உதவுகின்றன, இதனால் பயனர் ஈடுபாடு அதிகரிக்கிறது.

Facebook, X (Twitter), Instagram, YouTube, LinkedIn போன்ற சமூக ஊடக தளங்கள், செய்திகளை விரைவாக பரப்ப மற்றும் அதிகமான பார்வையாளர்களை ஈர்க்க பயன்படுகின்றன. YouTube வீடியோக்களுக்காக, LinkedIn தொழில்முறை கட்டுரைகளுக்காக, X உடனடி செய்தி பகிர்விற்காக அதிகம் பயன்படுகின்றன.

மேலும், Threads, Telegram, WhatsApp Channels போன்ற தளங்கள் நேரடி செய்தி பகிர்விற்கு பயன்படுத்தப்படுகின்றன. இவை செய்திகளை நேரடியாக, குறைந்த நேரத்தில், குழுவாக அல்லது தனிப்பட்ட முறையில் பயனர்களுக்கு அனுப்ப உதவுகின்றன, இதனால் தகவல் பரவல் வேகம் அதிகரிக்கிறது.

பத்திரிகையாளர்களுக்கான தளங்கள்

Substack, Medium, Ghost போன்ற தளங்கள், தனிப்பட்ட பத்திரிகையாளர்கள் மற்றும் கட்டுரையாளர்கள் நேரடியாக வாசகர்களுடன் தொடர்பு கொள்ள உதவுகின்றன. இவை சந்தா அடிப்படையிலான வருவாய் உருவாக்கவும், தனிப்பட்ட பிராண்ட் வளர்த்தெடுக்கவும் உதவுகின்றன. இதன் மூலம், எழுத்தாளர்கள் சுயாதீனமாக உள்ளடக்கங்களை வெளியிட்டு, நேரடி வாசகர் ஆதரவைப் பெறலாம்.

பயனர் ஈடுபாட்டை அதிகரிக்கும் உள்ளடக்கங்கள், சிறிய வீடியோக்கள், புகைப்படக் காட்சிகள், இன்ஃபோகிராபிக்ஸ் போன்ற காட்சிப் பயன்பாட்டுகள் தகவல்களை எளிதாக புரிய உதவுகின்றன. Canva, Adobe Spark, Lumen5 போன்ற கருவிகள் சிக்கலான தரவுகளை கவர்ச்சியுடன் மாற்றி, பார்வையாளர்களின் கவனத்தை ஈர்க்கின்றன. இதனால் செய்திகள் விரைவாக பரவுவதுடன், பயனர் ஈடுபாடும் அதிகரிக்கிறது.

பயனர் விருப்பங்களுக்கு ஏற்ப தனிப்பயன் செய்தி வழங்கல் AI மற்றும் ML தொழில்நுட்பங்கள் வாசகர்களின் பழக்கங்களை பகுப்பாய்வு செய்து, அவர்களின் விருப்பங்களுக்கு ஏற்ப தனிப்பயன் செய்திகளை பரிந்துரைக்கின்றன. Google News AI, Microsoft Azure Personalizer போன்ற கருவிகள் வாசகர்கள் படிக்கும் செய்திகள், தேடல் பழக்கங்கள் ஆகியவற்றை மதிப்பீடு செய்து, அவர்களுக்கு தொடர்புடைய தகவல்களை முன்னிறுப்பாக வழங்க உதவுகின்றன.

உண்மைத் தன்மை உறுதி செய்தல்

Deepfake வீடியோக்கள் மற்றும் தவறான செய்திகள் பரவுவதை தடுக்கும் நோக்கில், AI மற்றும் இயந்திரக் கற்றல் (Machine Learning) கருவிகள் முக்கிய பாத்திரம் வகிக்கின்றன. Google Fact Check, Reality Defender போன்ற தொழில்நுட்பங்கள் கண்டறியும் முறைகளை பயன்படுத்தி, செய்திகளின் உண்மைத் தன்மையை உறுதி செய்த பிறகே வெளியிட உதவுகின்றன.

விளம்பர வருவாய் அதிகரிக்கும் புதிய முறைமைகள் டிஜிட்டல் ஊடகங்களில் சந்தா முறை (Subscription model), Paywall, Affiliate marketing, Sponsored Content போன்ற வணிக மாதிரிகள் அதிகரித்து வருகின்றன. வாசகர்கள் பிரத்யேகச் செய்திகளைப் பெற சந்தா செலுத்த, Paywall மூலம் தேர்ந்தெடுக்கப்பட்ட உள்ளடக்கங்களை மட்டுமே அணுக முடியும். Affiliate marketing மற்றும் Sponsored Content வருவாய் முன்னேற்றத்திற்கு முக்கியமானவை.

டிஜிட்டல் ஊடகங்கள் தொடர்ந்து மாறிக்கொண்டிருக்கின்றன. தகவல் பரப்பல் வேகத்தை அதிகரிக்க, உண்மைத் தன்மையை உறுதிப்படுத்த, மற்றும் வாசகர்களுடன் நேரடி தொடர்பு கொள்ள முன்னணி ஊடக நிறுவனங்கள் புதிய கருவிகள், தளங்கள், மற்றும் உத்திகளை சரியாக பயன்படுத்த வேண்டும்.

- குரு கிருஷ்ணன்

English summary

How Artificial intelligence used in Journalism?