உங்க லக்கி நம்பர் அல்லது ஃபேன்சி நம்பரில் சிம் கார்டு வேணுமா? 5 ஸ்டெப் தான்.. ஜியோவில் ரொம்ப ஈசி!

சென்னை: உங்கள் லக்கி நம்பர்கள் உங்கள் போன் நம்பரில் இடம்பெற வேண்டுமா, நீங்கள் விரும்பும் ஃபேன்சி நம்பர்களில் உங்கள் மொபைல் எண் இருக்க வேண்டுமா? ஜியோவில் எளிதாகப் பெறலாம். 5 சிம்பிளான ஸ்டெப்களில் உங்களுக்கு விருப்பமான நம்பரில் ஜியோ சிம் உங்கள் வீடு தேடி வரும்.

பெரும்பாலானோர், தங்களது அதிர்ஷ்ட எண், பிறந்த தேதி அல்லது வேறு ஏதேனும் விருப்பமான பெர்சனல் நம்பர்களை தொலைபேசி எண்ணில் வைக்க விரும்புகின்றனர். பைக் அல்லது கார்களின் பதிவு எண்களை தங்களுக்கு விருப்பமான நம்பரில் பெற லட்சக்கணக்கில் செலவு செய்பவர்கள் இருக்கிறார்கள்.

அதேபோல் மொபைல் எண்களிலும், ஃபேன்சியான நம்பர் அல்லது லக்கி நம்பர்களை பெற பலர் அதிக பணம் செலவு செய்கின்றனர். வோடஃபோன் ஐடியா, பிஎஸ்என்எல் உள்ளிட்ட இந்திய தொலைத்தொடர்பு சந்தையில் உள்ள பல நிறுவனங்கள் ஆர்வமுள்ள வாடிக்கையாளர்களுக்கு அவர்கள் விரும்பும் மொபைல் எண்களின் குறிப்பிட்ட இலக்கங்களை வழங்குகின்றன.

இப்போது ரிலையன்ஸ் ஜியோ, வாடிக்கையாளர்கள் எளிதாக விஐபி எண்களைப் பெற வழி செய்கிறது. ஜியோ தங்கள் வாடிக்கையாளர்களுக்கு மிகக் குறைந்த விலையில் தங்களுக்கு விருப்பமான எண்களைத் தேர்ந்தெடுக்கும் வாய்ப்பை வழங்குகிறது. ஜியோ வெப்சைட்டிற்கு சென்று வாடிக்கையாளர்கள் தங்களுக்கு விருப்பமான எண்ணை எடுத்துக் கொள்ளலாம்.

விஐபி நம்பர் பெறுவது எப்படி?:
1. ஜியோவின் அதிகாரப்பூர்வ வெப்சைட்டான https://www.jio.com சென்று, அதில் Self care பிரிவைத் தேர்ந்தெடுக்கவும். அதில் Choice number என்பதை செலக்ட் செய்யவும். அல்லது நேரடியாக https://www.jio.com/selfcare/choice-number/ இந்த லிங்க்கை க்ளிக் செய்யலாம்.
2. அடுத்து, Book a choice number என்ற பகுதியில் உங்கள் தற்போதைய எண்ணை பதிவிட வேண்டும்.
3. அதன் பிறகு உங்களுக்கு கிடைக்கும் OTP எண் மூலம் உள்நுழையவும்.
4. அதன் பிறகு நீங்கள் விரும்பும் ஜியோ எண்ணில் இணைக்க விரும்பும் கடைசி 4 முதல் 6 இலக்கங்களை உள்ளிடவும். நீங்கள் விரும்பும் அதிர்ஷ்ட எண்கள் அல்லது ஃபேன்சி நம்பரை குறிப்பிடலாம்.
5. தேர்ந்தெடுக்கப்பட்டதும், அந்த எண்ணை ஆக்டிவேட் செய்ய ரூ.499 செலுத்த வேண்டும்.

நீங்களே தேர்ந்தெடுத்த உங்கள் புதிய ஜியோ எண் 24 மணி நேரத்திற்குள் செயல்படுத்தப்படும். மிக விரைவாக உங்கள் சிம் கார்டும் டெலிவரி செய்யப்படும். சிம் டெலிவரி நேரத்தில், ஜியோ ஏஜெண்டிடம் புக்கிங் கோடை கன்ஃபார்ம் செய்ய வேண்டியிருப்பதால், முன்பதிவுக் குறியீட்டை சேமித்து வைக்கவும்.

English summary

Reliance Jio is offering VIP mobile numbers from where you can select the mobile number of your choice. Here are the steps to get a new fancy mobile number from Jio.