அள்ளித் தரும் ஜியோ.. 12 ஓடிடி தளங்களை ஃப்ரீயா பார்க்கலாம்.. வெறும் ரூ.148.. டேட்டாவும் இலவசம்! ஆஹா!

சென்னை: ஜியோ நிறுவனம் வெறும் ரூ.148க்கு 12 ஓடிடி தளங்களின் சப்ஸ்கிரிப்ஷனை இலவசமாக அளிக்கிறது. அதோடு, 10 ஜிபி டேட்டாவும் இலவசம்.

இந்திய டெலிகாம் சந்தையில் களம் இறங்கியதுமே, பல தொலைத் தொடர்பு நிறுவனங்களை மார்க்கெட்டை விட்டு துரத்திய நிறுவனம் ஜியோ. இப்போது ஏர்டெல், வோடஃபோன் ஐடியா என ஒருசில நிறுவனங்களே போட்டிக்கு உள்ளன. இந்நிலையில், அவற்றிற்கு கடுமையான சவாலை அளித்து வருகிறது ஜியோ. ஜியோ அறிமுகப்படுத்தும் அசத்தலான ஆஃபர் பிளான்கள், போட்டி நிறுவனங்களுக்கு அச்சுறுத்தலை அளித்து வருகின்றன.

ரீசார்ஜ் பிளான்களை பொறுத்தவரை, மிகக் குறைவான விலையில் அதிக டேட்டா உள்ளிட்ட சலுகைகளை வழங்கி வரும் ஜியோ நிறுவனம், ரூபாய் 148 விலையில் புதிய பிளான் ஒன்றை அறிமுகப்படுத்தியுள்ளது. 148 ரூபாய் திட்டத்தில், சோனி லிவ், ஜீ ஃபைவ், சன் நெக்ஸ்ட் உள்ளிட்ட 12 ஓடிடி தளங்களின் சப்ஸ்கிரிப்ஷன் இலவசமாக கிடைக்கும்.

ஓடிடி தளங்கள், இந்திய ரசிகர்கள் மத்தியில் பெரும் வரவேற்பைப் பெற்றுள்ளன. செல்போன்களில் தினசரி இணையம் பயன்படுத்தும் அனைவருமே, குறைந்தபட்சம் ஏதாவது ஒரு ஓடிடி தளத்தை பயன்படுத்தி வருகின்றனர். இந்நிலையில், 12 ஓடிடி தளங்களின் பேக்கேஜை குறைந்த விலையில் அள்ளித் தருகிறது ஜியோ.

ரூபாய் 148 விலையில், ஒரு மாதம் முழுவதும் (28 நாட்களுக்கு) 12 ஓடிடி தளங்களின் சந்தா இலவசம். SonyLIV, ZEE5, JioCinema Premium, Lionsgate Play, Discovery+, Sun NXT, Kanchha Lannka, Planet Marathi, Chaupal, DocuBay, EPIC ON மற்றும் Hoichoi ஆகிய 12 ஓடிடி சேவைகளின் சந்தா இலவசமாக வழங்கப்படுகிறது. இதன் மூலம் ஜியோ யூசர்கள் குறைந்த விலையில் ஓடிடி தளங்களில் தங்களுக்கு பிடித்த படங்கள், நிகழ்ச்சிகளை கண்டு களிக்க முடியும்.

இதுவரை எந்தவொரு நெட்வொர்க்கும் இவ்வளவு குறைந்த விலையில் 12 ஓடிடி தளங்களின் சந்தாவை வழங்கவில்லை. ஜியோ ஏற்படுத்தியுள்ள இந்த ஆஃபர், வெகுவான பொழுதுபோக்கு ரசிகர்களை தங்கள் பக்கம் ஈர்க்கும் என்று கருதப்படுகிறது. இந்த பிளானில் டேட்டா 10 ஜிபி என்பது மட்டும் தான் சிக்கல். கூடுதல் டேட்டாவுக்கு மேற்கொண்டு ரீசார்ஜ் செய்ய வேண்டியிருக்கும்.

கூடுதல் டேட்டாவோடு, ஓடிடி சப்ஸ்கிரிப்ஷனை வழங்கும் மேலும் சில பிளான்களையும் வழங்குகிறது ஜியோ. ரூ.398 விலையில் தினசரி 2 ஜிபி டேட்டா, 12 OTT சேவைகளுக்கான சந்தா, அன்லிமிடெட் 5G டேட்டா மற்றும் அனைத்து நெட்வொர்க்குகளிலும் வரம்பற்ற அழைப்பு ஆகியவற்றை வழங்குகிறது ஜியோ. இந்த திட்டத்திற்கும் வேலிடிட்டி 28 நாட்கள்.

English summary

Subscription to 28 days Sony LIV, ZEE5, Sun NXT, JioCinema Premium with Jio is now only Rs 148. Extra 10 GB data also with this.