டீக்கடையில் UPI மானத்தை வாங்குதா? இன்டர்நெட்டே இல்லாமல் பணம் அனுப்ப முடியும்! இந்த நம்பர் முக்கியம்!

சென்னை: இந்தியாவில் அறிமுகப்படுத்தப்பட்ட யூனிஃபைட் பேமெண்ட் இண்டர்ஃபேஸ் ( unified payments interface) எனப்படும் யூபிஐ (UPI) இந்தியா வர்த்தகத்தில் ஒரு மிகப்பெரிய கிளர்ச்சியை ஏற்படுத்தியுள்ளது. தற்போது நெட்வொர்க் பிரச்சனை, சர்வர் கோளாறு காரணமாக யுபிஐயில் பணம் அனுப்புவது சிலருக்கு சிரமமாக இருக்கலாம். இந்த நிலை இணைய வசதி இல்லாத இடங்களில் கூட யுபிஐ மூலம் பணத்தை அனுப்பலாம். இது ஸ்மார்ட் போன், ஃப்யூச்சர் போன் என அனைத்து வகையான ஃபோன்களிலும், அனைத்து வகையான நெட்வொர்க்களிலும் பயன்படுத்த முடியும் என்பது குறிப்பிடத்தக்கது.

இந்தியாவில் டிஜிட்டல் பரிவர்த்தனைகளை பொதுமக்களுக்கு எளிமையாக்கும் வகையில் அறிமுகமான UPI முறைமை, நம் தினசரி வாழ்க்கையின் ஒரு பகுதியாகிவிட்டது. ஒரு காலத்தில் எங்குச் சென்றாலும் கையில் பணம் வைத்திருப்பது வழக்கம்.

ஆனால் கடந்த சில ஆண்டுகளில் UPI பரிவர்த்தனைகள் அதிகரித்து, பணம் எடுத்துச் செல்ல வேண்டிய நிலையையே போக்கிவிட்டது என சொல்லலாம். அதேசமயம், இணைய தரம் குறைபாடான நேரங்களில் UPI செயல்படாமல் போவது பயனர்களுக்கு பெரும் சிரமத்தை ஏற்படுத்தியது.

யுபிஐ சேவை

இந்த பிரச்சனைக்கான தீர்வாகவே அரசு USSD அடிப்படையிலான ஆஃப்லைன் UPI சேவையை அறிமுகப்படுத்தியது. இந்த ஆஃப்லைன் பேமென்ட் முறையை பயன்படுத்துவதற்கு மிக உயர்ந்த ஸ்மார்ட்போன் தேவையில்லை. எளிய கீபேட் போன் இருந்தாலும் போதும். ஆனால், உங்கள் வங்கியில் பதிவு செய்யப்பட்ட மொபைல் நம்பர் மூலமே நெட் வசதி இல்லாமல் பரிவர்த்தனைகளை மேற்கொள்ள முடியும் என்பதையும் கவனிக்க வேண்டும். மேலும், ஒருமுறை ஆன்லைனில் இருந்து உங்கள் வங்கி அப்ளிகேஷன் அல்லது இணையதளம் மூலம் UPI PIN செட் அப் செய்து வைத்திருக்க வேண்டியது அவசியம். அதன் பிறகு இணைய வசதி தேவைப்படாது.

நெட் இல்லா பரிவர்த்தனை

ஆஃப்லைன் UPI பயன்படுத்த வேண்டுமானால் நீங்கள் உங்கள் மொபைலில் *99# என்பதை டயல் செய்ய வேண்டும். இதனால் இணையம் இல்லாமலே இயங்கும் ஒரு சிறப்பு மெனு திறக்கும். இந்த மெனுவில் கணக்கைத் தேர்வு செய்த பிறகு, பணம் அனுப்புதல், பெறுதல், பேலன்ஸ் பார்த்தல் உள்ளிட்ட அனைத்து விருப்பங்களும் கிடைக்கும். பெறுநரின் மொபைல் நம்பர், UPI ID அல்லது வங்கி கணக்கு எண் மற்றும் IFSC குறியீடு ஆகியவற்றை உள்ளிடலாம். அனுப்ப வேண்டிய தொகையையும் UPI PIN-ஐயும் உள்ளிட்டதும், பரிவர்த்தனை சில வினாடிகளில் முடிந்து விடும்.

*99# சேவை

ஆனால் இந்த முறையில் சில வரம்புகள் உள்ளன. ஒரு ஆஃப்லைன் பரிவர்த்தனையின் அதிகபட்ச வரம்பு ₹5,000. மேலும், ஒவ்வொரு பரிவர்த்தனைக்கும் ₹0.50 கட்டணம் வசூலிக்கப்படும். இதுவே ஆன்லைன் UPI-யிலிருந்து மாறுபடும் முக்கிய அம்சம். இருந்தாலும், அவசர சூழலில் இது மிக பயனுள்ளதாக இருக்கும். முக்கியமாக, இந்த சேவை விடுமுறை நாட்களிலும் செயல்படும்; எந்த நெட்வொர்க், எந்த மொபைல் சாதனம் என்ற பேதமும் காணப்படாது.

டிஜிட்டல் பேமென்ட்

தினசரி வாழ்க்கையில் இணையம் இல்லாத சூழலில் சிக்கி தவிக்கும் பலருக்கும் இந்த ஆஃப்லைன் UPI ஒரு நம்பகமான மாற்று வழியாகிவிட்டது. தொழில்நுட்ப முன்னேற்றம் நகர்ப்புறங்களில் மட்டுமல்லாமல், ஊரகப் பகுதிகளிலும் சமமான பயன்பாட்டை பெறச் செய்வதே இந்த சேவையின் நோக்கமாகும். இணைய சிக்கல்கள் இருந்தாலும் பரிவர்த்தனைகள் ஆட்கொல்லாது நடைபெற வேண்டும் என்பதற்காக உருவாக்கப்பட்ட இந்த *99# UPI சேவை, இந்தியாவின் டிஜிட்டல் பேமென்ட் பயணத்தில் ஒரு முக்கிய கட்டமாக வளர்ந்து வருகிறது.

English summary

India’s offline UPI (*99#) service allows users to send money even without an internet connection. This feature works on all phones, including keypad models, making digital payments accessible everywhere.