போனா வராது.. ஆப்பிள் ஐபோன் வாங்க இதுதான் சரியான நேரம்.. அதிரி புதிரி ஆஃபர் வழங்கும் Flipkart

சென்னை: ஆப்பிள் வெறியர்கள் பலர், ஐ போன் மாடல்கள் அறிமுகப்படுத்தப்பட்டதுமே அடித்துப் பிடித்து வாங்கி விடுவார்கள். சிலர், நல்ல ஆஃபர் வரும்போது அலேக்காக தூக்கி விடுவார்கள். அப்படி, செம ஆஃபருக்கு வெயிட் பண்ணும் ஆப்பிள் பிரியர் நீங்கள் என்றால் இது நல்ல சான்ஸ். அறிமுக விலையை விட ரூ.17 ஆயிரம் அளவுக்கு குறைந்துள்ளது ஐபோன் 15.

ஆப்பிள் நிறுவனம், தமது சமீபத்திய ஐபோன் மாடல்களை 2023 செப்டம்பரில் அறிமுகப்படுத்தியது. அதன்படி, ஐபோன் 15, ஐபோன் 15 பிளஸ், ஐபோன் 15 ப்ரோ மற்றும் ஐபோன் 15 ப்ரோ மேக்ஸ் என நான்கு மொபைல் மாடல்கள் அறிமுகப்படுத்தப்பட்டன. ஐபோன் 15 சீரிஸ் மாடல், டிசைனை பொறுத்தவரை முந்தைய மாடலை அப்படியே கொண்டுள்ளது. இளஞ்சிவப்பு, மஞ்சள், பச்சை, நீலம் மற்றும் கருப்பு ஆகிய நிறங்களில் ஐபோன் 15 மாடல்கள் கிடைக்கும்.

ஆப்பிள் ஐபோன் அதிரடி சலுகை விலை: ஆப்பிள் ஐ போன் 15 மாடல்கள் முன்னெப்போதும் இல்லாத அளவுக்கு சலுகை விலையில் கிடைக்கின்றன. ஐபோன் 15 சீரிஸ் மாடல்களுக்கு ஃபிளிப்கார்ட்டில் இப்போது சிறப்பு தள்ளுபடி வழங்கப்பட்டு வருகிறது. இதன் மூலம் நீங்கள் ஐபோன் 15-ஐ வெறும் 61,449 ரூபாய்க்கு வாங்கலாம். செப்டம்பர் மாதம் iPhone 15 அறிமுகம் செய்யப்பட்டபோது அதன் விலை ரூ. 79,900.

இன்னும் 6 மாதங்கள் கூட தாண்டாத நிலையில் தற்போது ஐபோன் 15 மாடலின் விலை ரூ.17,000 வரை குறைந்துள்ளது. இப்போது ரூ.66,999 என்ற விலையிலேயே ஐ போன் மாடலை வாங்கலாம். மேலும் வாடிக்கையாளர்கள் தேர்ந்தெடுத்த கட்டண முறையின் அடிப்படையில் ரூ.4,500 வரை கூடுதல் தள்ளுபடியைப் பெறலாம், இதன் விளைவாக ஐபோன் 16 மாடல் ரூபாய் 61,449 விலையில் கிடைக்கும்.

ஐபோன் 15-ன் 256GB மற்றும் 512GB வேரியண்ட்களின் முந்தைய விலை ரூ.89,900 மற்றும் ரூ.1,09,900 ஆகும். தற்போது இந்த மாடல்களை ரூ.76,999 மற்றும் ரூ.96,999-க்கு ஃபிளிப்கார்ட் ஆஃபரில் வாங்கலாம். அதே போல வங்கி கிரெடிட் அல்லது டெபிட் கார்டு சலுகைகள் மற்றும் எக்ஸ்சேஞ்ச் டீல்களை பயன்படுத்தி வாடிக்கையாளர்கள் ஐபோன் 15 மாடல்களின் விலையை மேலும் குறைத்து வாங்கலாம். உங்களிடம் பழைய ஐ போன் 14 ப்ரோ மேக்ஸ் இருந்தால் அதற்கு ரூ.46,149 வரை எக்ஸ்சேஞ்ச் ரேட் கிடைக்கும். அதை கொடுத்துவிட்டு இன்னும் சில ஆயிரங்களில் நீங்கள் ஐபோன் 15க்கு அப்கிரேட் ஆகலாம்.

ஐபோன் 15 சிறப்பம்சங்கள்: ஆப்பிள் ஐபோன் 15 மாடல் 6.1 இன்ச் டிஸ்பிளே கொண்டது. 15 மாடலில் செய்யப்பட்டுள்ள மிகப்பெரிய மாற்றம் என்பது USB வடிவிலான சி டைப் சார்ஜர் வசதி வழங்கப்பட்டுள்ளது. இதன் மூலம் ஐபோன்களின் பிரத்யேக சார்ஜரையே பயன்படுத்தி ஆகவேண்டிய கட்டாயம் இனி இல்லை. ஒரு முறை சார்ஜ் செய்தால் நாள் முழுவதும் வரும் வகையில் நல்ல பேட்டரி பேக் 3,349 mAh உள்ளது. மேலும், மியூட் சுவிட்ச் பட்டனுக்கு பதிலாக ஆக்‌ஷன் சுவிட்ச் பட்டன் வழங்கப்பட்டுள்ளது.

ஸ்டாண்டர்ட் மற்றும் பிளஸ் மாடல் 48 மெகா பிக்சல் பிரைமரி கேமரா சென்சாரை கொண்டுள்ளது. இது முந்தைய மாடலில் இருந்த 12 மெகா பிக்சல் இரட்டை கேமரா அமைப்பை விட பெரிய அளவில் அட்வான்ஸ்டு. சிறந்த கேமரா அனுபவத்திற்காக புதிய நைட் மோட், ஸ்மார்ட் HDR மோட் உள்ளிட்டவையும் வழங்கப்பட்டுள்ளன. இதில் 4K வீடியோக்களையும் பதிவு செய்ய முடியும். மேம்படுத்தப்பட்ட Bokeh effects மற்றும் வேகமான ஷட்டர் ஸ்பீடில் புதிய போர்ட்ரெய்ட் மோட்டையும் கொண்டுள்ளன ஐபோன் 15 மாடல்கள்.

12-மெகாபிக்சல் அல்ட்ரா-வைட் செல்ஃபி கேமரா உள்ளது. ஹைகுவாலிட்டி செல்ஃபிகள் மற்றும் ஃபேஸ் ஐடி திறன்களுக்காக 12-மெகாபிக்சல் TrueDepth அம்சத்திலான கேமராவைக் கொண்டுள்ளது. ப்ரோ மாடல்கள், ProMotion தொழில்நுட்பத்துடன் கூடிய Super Retina XDR டிஸ்ப்ளேக்களை கொண்டுள்ளன. ப்ரோ மாடல்கள் இரண்டிலும் A17 ப்ரோ சிப் வழங்கப்பட்டுள்ளது. இது உயர்தர கணினிகளுக்கு இணையாக செயல்படும் திறனை ஐபோன்களுக்கு வழங்கும்.

English summary

On Flipkart, 128GB iPhone 15 is currently listed at Rs. 66,999, and customers can benefit from an additional discountbased on the chosen payment method, resulting in an effective price of Rs. 61,449.